• Amused
  • Angry
  • Annoyed
  • Awesome
  • Bemused
  • Cocky
  • Cool
  • Crazy
  • Crying
  • Depressed
  • Down
  • Drunk
  • Embarrased
  • Enraged
  • Friendly
  • Geeky
  • Godly
  • Happy
  • Hateful
  • Hungry
  • Innocent
  • Meh
  • Piratey
  • Poorly
  • Sad
  • Secret
  • Shy
  • Sneaky
  • Tired
  • Wtf
  • النتائج 1 إلى 5 من 5

    الموضوع: ابوذيات حب وغرام , ادخل وانطيني رأيك

    1. #1
      مشرف سابق
      This user has no status.
       
      I am:
      ----
       
      الصورة الرمزية Mukhalad Mercedes
      تاريخ التسجيل
      Dec 2011
      الدولة
      In The Hell
      العمر
      24
      المشاركات
      3,589
      معلومات شكر المشاركات
      vBActivity - Stats
      Points
      0
      Level
      1
      vBActivity - Bars
      Lv. Percent
      0%
      الجنس:
      محل الأقـــامة:
      This is Mukhalad Mercedes's Country Flag

      Abuthya ابوذيات حب وغرام , ادخل وانطيني رأيك


      ورمشاك.......
      وحق كلبك وعينك ورمشاك
      اضل طول العمر امشي وره مشاك
      عليل ومرضي ورم شاك
      تطيب جروحي من تمد ايدك عليه



      وسر بيه.....
      افرح لو شفت وجهك وسر بي
      وحبك ثابت بكلبي وسر بيه
      شما طال الدرب امشي وسر بي
      ابعث الروح لعيونك هديه



      ياسر......
      بعسر حالي ابد ما اكول ياسر
      وعلى اسراري اكلك بعد ياسر
      اذا عمار يمه انكتل ياسر
      انكلب حمزه وتعال الحك عليه




      تراني.....
      نحيل الجسم من بعدك تراني
      واريك يوم بعيونك تراني
      افكر بيك كل ساعه تراني
      افكر بيك والبعد يصعد عليه




      ودكلك.....
      الك ما نبض كلبي ودكلك
      واطحن بالحجي ناعم وادكلك
      بيوم السافرت كمت ابجي ودكلك
      جيتك بنص الليل يم بابك ودكلك
      دكلي شوكت اتحن عليه



      بالاه.....
      يا وكتي انكضت وياك بالاه
      ودمع العين ثوب الصبر بلاه
      لو كلي اصير جروح بالاه
      اكابر وما امدلك اذيه



      ولمساك.....
      انطرك دوم من صبحك ولمساك
      واريدن بس ابوسنك ولمساك
      هجرك صم يا مدلل ولمساك
      وهسه انت جاي وتتكبر عليه



      ويلين......
      حرت وين اشرد من الدهر ويلين
      وعلى اشفافي صفه اليا ويل ويلين
      يخضع كل قوي للزمن ويلين
      الفخر للاريحي المابي اذيه



      وياج......
      هسه انه امنت بالشوك وياج
      واحذرج من كلام الناس وياج
      بكثر ما وج دليلي العذل وياج
      وتعالي انعيد عشرتنه سويه



      حسبه......
      جفى جرحي ولا من محب حسبه
      وكضى الليل حسبه بثلر حسبه
      خلص عمري وتعال وياي حسبه
      وحرام ان جان الف0رح مر عليه



      سني....
      العمر تيهته وضاع سني
      كبرت ومن كدام طاح سني
      جنت شيعي وجيف احبك صرت سني
      اجتف بالصلاه غصبا عليه



      مره......
      صدكنيي جذب من كال الموت مره
      وصدكنياليحب شما تعذب حلو مره
      واتمنى ابوس اشفافك كون بس مره
      وذا تشتاك للغالي تشوف الموت كم مره
      واتمن تحس بيه فرد مره
      تعال ارجوك واتلاحك عليه



      وحر بي......
      كلبي انت ملكته وانت حر بي
      عليل وطبي عندك وانت حر بي
      يا كاس الاشربه وانتحر بي
      شربت حبك هو العم عليه



      من عبيدك.....
      تكلم وكول من عبيدك
      وهذا الهوى اليسري منعه بيدك
      اغاتك واريد اصير من عبيدك
      ولو ذله على ابن العراقيه


      بعداك.....
      حبيبي ما تحب النفس بعداك
      عديت شحصلت يا ترف بعداك
      نخيت الصبر ويه الجان بعداك
      وهسه انت الي تخون بيه



      ولا ساف.....
      الندم ما ينفع بزعلك ولا ساف
      ولساني ما غلط مثلك ولا ساف
      جنت عالي واشوفك ولا ساف
      جبل لو تصير ما تعله عليه



      وصله.....
      يا صاحب هاك اخذ مكتوب وصله
      واريد اعرف عمامه منين و اصله
      كلبي عليك صار 12 وصله
      كل وصله تصيح جيبو اليه



      ملكاك.....
      ترف لشوكت ادور عليك ملكاك
      عزيز وعبد لليهواك ملكاك
      تكول اهواك وانه اكرت ملكاك
      حرام ان يوم حسيت بيه



      وذاني......
      حجي العذال عذبني وذاني
      وباب الكلب سديته وذاني
      احبك يا بعد روحي واذا اني
      هجرتك كول بالحب مو وفيه



      بسمار......
      ترف ردناك لينه تمر بسمار
      جفيت وصرت اعيش اهواك بسمار
      بكلبي اندك غرامك مثل بسمار
      وتعبني وبسمر عيوني عليه



      تعدله.......
      عليمن تحسب اغلاطي تعدله
      الميت بالبجي شضن تعدله
      العوج عوده صعب ظله تعدله
      يظل اعوج لمه تلفه المنيه



      ولا عيب.....
      صافي وخلل ما بي ولا عيب
      ولا عرف الحجي الملوي ولا عيب
      حبيبي لا خجل يعرف ولا عيب
      فرق البيني وبينه بعد الثريه



      ونهار.......
      ذجرك ما نسيته بليل ونهار
      وتجري دموعي بحور ونهار
      ابكثر نوحي دليلي انعاب ولنهار
      وعلى افراكك تروح الروح ليه



      وعدي.......
      حسابي ما غلط مره وعدي
      ودومك تغلط بحقي وعدي
      السوالف شو كله يمي وعدي
      عليمن خايف اضبطهن عليه



      مر علينه......
      ترف يهل تمشي بدربك مر علينه
      عزيز ونرى فراكك مر علينه
      انا بعز نومي طيفك مر علينه
      دخيلك لا تكطع الوصل بيه



      وحن لك.....
      الدهر اعلن حرب ضدبي وحن لك
      وبجفني اتغضب دمعي وحن لك
      انا مشتاك لدادك وحن لك
      حنين ادريس للجنه البهيه



      حنيت........
      سبع اضلوع يوم اهجرت حنيت
      وبهجركم لا تضن لحفوفي حنيت
      تصدعني والعد الغير حنيت
      السبب تهجرني وقسى عليه




      وردك.......
      يا فلان ادري بنبع الشوك وردك
      وادري من التحبها النوح وردك
      العمر بستان واحلى الور وردك
      ووردك تذبل بس عليه



      عاشراني........
      عاشراني حلو وبطبعي عاشراني
      واظل دايم طول العمر معاشراني
      اذا تسعه الحبوج والعاشراني
      اذن الرقم 11 والله خطيه




      شطر من كلبي أخذة ومنة خل تك
      وبعد شترجة كاعد من نخلتك
      على الغربيل أعاين من نخلتك
      طحت مني كبل لا هز أديــة

      وحق الريت و الياريت وليت
      مفرع واندعي من يوم وليت
      ياوالي من علية بجفاك وليت
      وبعد عينك منو العينة علية

      جروح شوكك بعدك ولمني
      وسبب الفراك منك وله مني
      بغيابك نظر عيني وله مني
      كمت اوجد حرثتي بطراف ادية
      روحي من الصبر طف طف وعاها
      عليلة ولاخليل الها وعاها
      اعاني من خلل بيها وعاها
      حنينة وماتميز الناس هية


      على درب الاحبة ودي اعاني
      ذبح كلبي بغيابة ودعاني
      بدموع ايتام شفتة ودعاني
      شلع كلبي شلع ذيج المسية


      جم حسرة على شوفتك حاصرتني
      غبت و خيول هجرك حاصرتني
      الك عبرة شكبرها حاصرتني
      بكبر طركاعتي الطاحت علية




      مصايب عل الكلب لصبح والو
      الهلبت ما نفعني بعد والو
      احبابي بلا ذنب للغير ولو
      طبعهم غدر ما بيهم حميه


      هاك اخيوط روحي هاك ابرهه
      ولو صاير بحرهه ها كبرهه
      الك حسره بدليلي ها كبرهه
      علي ثكلت مثل ثكلك عليه


      حبيبي عليك كلي من تجنه
      اليكلك نار جذب منته جنه
      تعرف شيصير بيه من تجنه
      كبل باب الكلب ياخذ تحيه


      شمس لو نور وجناتك وجن بيك
      ويظلمك من يوصف وجن بيك
      اعذرة الهايم بشوكك وجن بيك
      صفات البيك بس بالحور هية

      انة شمجبل جبلتي تصير يدها
      وجيت اخطب انة اليوم يدها
      احبهة وهية بظهر يدها
      وهي تحبني وابوية بظهر بية



      يبن ادم جم مرض زارك وعليت
      ولا يوم غسلت كلبك وعليت
      يا طير شما طرت انتة وعليت
      تطيح وحفرتك مترين هية

      خربنة يا وطن كلة بدينة
      وصارت طائفية وكلمن بدينة
      ليش ما نرجع من اول ما بدينة
      نحل الصار ونشوف القضية

      كلبي شتعتقد حبة هواية
      اذا انتة النفس يعني هواية
      احبك حيل تدريني هواية
      بكثر حب الجرف لاطراف مية



      تسئلني اعلة حالي شبيك لا بيك
      وانتة اوجاع كلبي شبيك لابيك
      تذكر من تجي شبيك لبيك
      اشو هسة اصبحت تلعب عليه




      وحكـ الالف ثم اللام واللام
      ووحكـ الهاء عمري انثر واللام
      صرت بعدك يبوية انقهر واللام
      وصفت دنياي بس هم واذيه




      اجت يمي تهاني اشكثر ياما
      ومنهن صحت بوية وآخ ياما
      ابشركم دليلي الجان ياما
      ان**رت من كثر هجر العليه



      فك الصدر شوف احزان بي كم
      ولا واحد نشدني الجيب بي كم
      مو شايل كلب يكول بيكم
      كل ساعة عشرة يحب سوية



      اريد اسأل كمر خدك شمس بيك
      شصبح بيك محبوبي شمس يك
      فراشه وما تحمل المس شمس بيك
      ترف وتذوب لو جستك بديه



      شكثر بجفاك ون كلبي وهم لك
      وعقلي غفل فاركني وهملك
      شتظن انساك يالغالي واهملك
      وانت بدمي دم يدور بية



      علي عزة السلوة من يسلني
      صديت بغمد هجرك من يسلني
      شكل عنك الشامت من يسلني
      اكابر والدمع يغلب عليه



      اكطع منخدودك ورد وشتم
      ولا ادري شبقة من العمر وشتم
      مرخص ولك سبني وشتم
      شتايمكم ثواب لوالديه



      يطارش هاك مكتوبي وسر بيه
      حنين الكلب بسطوره وسر بيه
      اخبره شوكت نتلاكه وسر بيه
      وعلى كل بيت اطشن واهليه



      حميتك دافعت عنك ورحماك
      الطعن اهون ولا لوذن ورحماك
      كلت اوليك ما اعوفك ورحماك
      وليت وطيبتي عمت علية



      بحب حسين شرد اوصف وشملي
      اسمه امًوسم بگلبي وشملي
      بالمحشر لون شمله وشملي
      انجمع واشكيله حبه شعمل بيه



      بحور امحبتك يحسين ماجن
      وجن ليل الولاء وغيره ماجن
      عابس لوله حبك چان ماجن
      مثل عابس غرامك صار بيه




      يبو اليمه وحگ مسلم وهاني
      احبك لاتظن حبك وهاني
      بالمحشر سعيد أنه وهاني
      شفيعي انته يبن سيد البريه



      ظهري امن الغُرب يحسين حنيت
      ومثل هاليوم ازورك ولله حنيت
      لچن يم الكاظم اچفوفي حنيت
      رغم بعُدك يبو اليمه عليه



      انا لصحنك صرت غاسل و جالي
      و بيه من المرض مغصة و جالي
      حبيب الروح خابرني و جا لي
      و لكه نار الالم مشعولة بيه



      اتحب بية طبع لاذم ولا داس
      وجدماني ما مشت شينة ولاداس
      لهاذا ما ربح حضي ولا داس
      وصفة حتى الربح خسران الية



      بنار الهجر صدك مايعاني
      ونشف من كثر دمعي ماي عاني
      تريداتشوف كلبي ومايعاني
      مد ايدك جهنم تلكه بيه




      من هجرك بقى الدلال بس تك*
      لتلعب على الحبلين بس تك*
      امس بالحلم مدري منين بستك*
      لان كلك حلو وتاهت عليه .





      وحق رصعة خدودك وحق شفتك
      انسبيت بيوم وسط الخلك شفتك
      إشيخلصني بعد شرتاح؟ شفتك؟
      تبعد تقترب نفس الاذية





      انصاب اللي نظرلك حمى لو شل
      والشامت من جمالك حمل وشال
      صدرك طكً اشوفة حمل وشال
      أحضنك حتى لو صرت المنية ؟؟





      صرايف عشك روحي وكصرتلك
      ونفس وكت المنازع وكت صرتلك
      طويل واعلى منك وكصرت لك
      حتى تلوح من تبوس ادية




      ذبل هرش الكلب لجلك وخاوة
      وطمع ما اريد من عندك وخاوة
      الفضل مو للذي عاشر وخاوة ا
      لفضل والطيب لليذكر خوية





      ترف يالصورك ربك من العين
      اخاف اعليك من تمشي من العين
      انا معذور يمدلل من العن
      ابوك الخلفك للناس اذية





      احبة وما احب واحد بدالة
      وياذنب البدة مني وبدالة
      الك منصوب بكليبي بدالة
      خطك على النبض يشتغل بية





      وحك الي خلق بلكونين آلاء
      مثل عين الغزالة عيون آلاء
      امد ايدي عليهه اتكول اوه لاء
      تأدب لا تمد ايدك عليه






      هسه العتب وياك ان اوانه
      وعليك الليل كله انه وانه
      يالتهدد بالنفاهه انه وانه
      وينك مو طبك دهري عليه






      جروحي تحرشن بيه وعالن
      وانه الما كاشف همومي وعالن
      بحلاة النوم فز كلبي وعا لن
      اخوتي وربعي اجو جتاله اليه





      روحي وياك ما اكطع وصلها
      وتفرح لو خبر منك وصلها
      نسبها دورت عنه وأصلهه
      لكيته يعود الك ما يعود اليه





      امفارك والليالي أيام مرن
      وعلي صار لذيذ الزاد مرن
      طفر قلبي على النقال من رن
      لان حسيت روحي ادك علية



      أشوف الظلمه بعيونك تراضه
      وبالعب يوم فركاكم تراضه
      عوف الزعل كافي نتراضة
      ونعيد ايامنا الحلوة سوية





      الك دمعي الحبستة والجريتة
      والك كل العملتة والجريتة
      والك عمري شعلتة وجريتة
      حتة اشويلك اسنيني ابادية




      احس من يون كلبك ونتة عدي
      اريد العمر يخلص ونتة عدي
      جسمي بساط افرشة ونتة عدي
      هلبت تعثر وتوكع علية





      فراكك حيل اذانه ولمنه
      يالبدارك جان مجلسنا ولمنه
      يااب اليحن مثلك ولمنه
      عزيز ويصعب فراكك عليه





      تسعر نار كلبي...منكبرى
      ولافد يوم افكر ...منكبرى
      انه الخيط مني... ومنكبرى
      واخيط شفتي وشفتك سوية


      هلي وياهم چنت عايش بلاهم
      ونهاري شماضوى مظلم بلاهم
      هلي مدري الوكت شنهو بلاهم
      ولاهم اعرفوا بالصار بيه



      وحق حيدر شديد العزم والياس
      زرعت ادروبكم بالورد والياس
      منكم ماقطعت الرجه واليأس
      عزاز وتصعب الفركه عليه


      عيوني من البواجي عليك يعمن
      ومالوما شلش لوكال يعمن
      علوي حلو يانس يعمن
      لجن كشخيل هو الخان بيه\
      عيني العمت لو جيتوا تراكم
      وعليهه الحزن ودموعي تراكم
      حزنكم رايد اسالكم ترىكم
      يعادل حزني والي صار بيه



      وحق من نزل الايه ولكتاب
      جاز الكلب من عدك ولكتاب
      رسايل بعد مادزلك ولكتاب
      لان كلهن ترجعهن عليه



      سهم الدهر بين احشاي ينشل
      جرحني والجرح هيهات ينشل
      اريد النعش بيكم كون ينشال
      وتهيلون التراب انتم عليه



      الگلب من ساعة الحبك هلك ليش
      احچي اوياك ما تحچي ها لك ليش
      اقتنعو كل هلي ابحبك هلك ليش
      ما قنعو ابحبك ليش اليه


      زماني رضرض عضامي ورمه
      اجلاي وكلبي من عنده ورمه
      شلون الطفله من تركض ورمه
      هجي همومي تتراكض عليه



      زمانك راد يختبرك ورامك
      بحجر مو كره جي حبك ورامك
      الدنيه امك يهالتركض وره امك
      ماطولك رضيع اتجيك اذيه


      حرت اش اشتري كية لو بيكم
      ومدري الصوج بية لو بيكم
      والله لو تلعب لعب زيدان وبيكهم
      ما اخليك تراوغني وتشمت الناس بية



      عليك الروح تجذبني واردهه
      لان كلبي نبع صافي وردهه
      شلون تغيب وانت اسمك وردهه
      واردلك بالشعر غصبا عليه



      الوكت مانشف عيوني وشرهن
      وطحت بالغاسق الواقب وشرهن
      رهنت الروح لودادك وشرهن
      بعد بس كاع كبري وموش اليه




      كلبي باع كل الربع وشراك
      بودادك وحده ماخان وشراك
      شراواني الوكت من ضيم وشراك
      يهون من اذكر انته احزام اليه




      بعد مالي على دنياي عتبه وشرهه
      نفع ماريد بس جفيان شرهه
      اريد احجي بسالفتي واشرهه
      واشوف اهل العكل شتلوم بيه




      الوكت بيده لزم روحي وشرهه
      بنص وادم ولانعرف وشرهه
      بمزاد يريد بيعته وشرهه
      شرتهه ومارضت جيفن ابيه




      البجي خلص على دموعي وشلهن
      وحرت شلون الملم جروحي واشلهن
      اعوذا بالدحى خيبر واشالهن
      يحفظك كل صباح وكل مسيه




      اليالي كثر باطلهن وشرهن
      وبعد مااعتب عليهن وشرهن
      شبيعن لليداعيني وشرهن
      البقن بالدار كلهن موش اليه




      عليك الروح ملهوفه وشرهه
      واترك نية التكره وشرهه
      دمعتك طشهه بجفوفي وشرهه
      لأن دارك دليلي وموش اليه



      فزع طبع الصبر بينه منخوينه
      ويا روحي جروحي منخوينه
      اخوي العييد بحزني منخوينه
      انخه اشلون وجفوفي بديه




      شفت وسفه اعله البحر منحوت
      وصرت شاخص حزن منضيم منحوت
      اذا يونس عبرته اتصير منحوت
      انا الطيب عبره يصير اليه





    2. #2
      رئيس قسم مجلس بحور الشعر
      This user has no status.
       
      I am:
      ----
       
      الصورة الرمزية اطلس
      تاريخ التسجيل
      Sep 2009
      الدولة
      وسط قلبها ..
      المشاركات
      24,532
      معلومات شكر المشاركات
      vBActivity - Stats
      Points
      0
      Level
      1
      vBActivity - Bars
      Lv. Percent
      0%
      الجنس:
      محل الأقـــامة:
      This is اطلس's Country Flag

      افتراضي

      تقبل تواضع مروري
      مع اجمل تحيه
      وارق سلام


      على عتاب الليالي متاني رمضان
      وبديار الغرب يمكـــــن يجي العيد
      تهجرنا وتركنا بيوت اهلنا هنــــاك
      وسكنا الغربه كوه نريـــــد منريد
      .
      .

    3. #3
      مشرف سابق
      This user has no status.
       
      I am:
      ----
       
      الصورة الرمزية Mukhalad Mercedes
      تاريخ التسجيل
      Dec 2011
      الدولة
      In The Hell
      العمر
      24
      المشاركات
      3,589
      معلومات شكر المشاركات
      vBActivity - Stats
      Points
      0
      Level
      1
      vBActivity - Bars
      Lv. Percent
      0%
      الجنس:
      محل الأقـــامة:
      This is Mukhalad Mercedes's Country Flag

      افتراضي

      اقتباس المشاركة الأصلية كتبت بواسطة اطلس مشاهدة المشاركة
      تقبل تواضع مروري
      مع اجمل تحيه
      وارق سلام



      نورت بمرورك اخوية
      حياك الله






    4. #4
      مشرفة سابقة
      This user has no status.
       
      I am:
      ----
       
      الصورة الرمزية عطر الورد
      تاريخ التسجيل
      Jan 2009
      العمر
      26
      المشاركات
      19,548
      معلومات شكر المشاركات
      vBActivity - Stats
      Points
      0
      Level
      1
      vBActivity - Bars
      Lv. Percent
      0%
      الجنس:
      محل الأقـــامة:
      This is عطر الورد's Country Flag

      Rafi10

      حسبه......
      جفى جرحي ولا من محب حسبه
      وكضى الليل حسبه بثلر حسبه
      خلص عمري وتعال وياي حسبه
      وحرام ان جان الف0رح مر عليه

      رووعه
      سلمت الايادي

      تحياتي



      اذا ميت احساسك كلي حته ارتاح

      علمن بعد شاغل فكري بس بيك

      و اذا متحبني كلي روح اللة وياك

      اكص لساني بعد أذا بيوم يحاجيك


    5. #5
      مشرف سابق
      This user has no status.
       
      I am:
      ----
       
      الصورة الرمزية Mukhalad Mercedes
      تاريخ التسجيل
      Dec 2011
      الدولة
      In The Hell
      العمر
      24
      المشاركات
      3,589
      معلومات شكر المشاركات
      vBActivity - Stats
      Points
      0
      Level
      1
      vBActivity - Bars
      Lv. Percent
      0%
      الجنس:
      محل الأقـــامة:
      This is Mukhalad Mercedes's Country Flag

      افتراضي

      اقتباس المشاركة الأصلية كتبت بواسطة عطر الورد مشاهدة المشاركة
      حسبه......
      جفى جرحي ولا من محب حسبه
      وكضى الليل حسبه بثلر حسبه
      خلص عمري وتعال وياي حسبه
      وحرام ان جان الف0رح مر عليه

      رووعه
      سلمت الايادي

      تحياتي


      الله يسلمج يا ورد
      انتي الاروع





    معلومات الموضوع

    الأعضاء الذين يشاهدون هذا الموضوع

    الذين يشاهدون الموضوع الآن: 1 (0 من الأعضاء و 1 زائر)

    المواضيع المشابهة

    1. اتمنى الرد بصراحه ادخل وانطيني رأيك.......
      بواسطة a7laa 3eoon في المنتدى منتدى اقلام الشباب
      ردود: 13
      آخر مشاركة: , Sun, 15 Nov 2009 22:50:35 +0100
    2. ادخل وانطيني رأيك
      بواسطة وليد1970 في المنتدى منتدى اعادة الفهرسة
      ردود: 16
      آخر مشاركة: , Mon, 10 Nov 2008 09:16:00 +0100
    3. شعر عن بغداد ...... ادخل وانطيني رأيك
      بواسطة ابن عم عزرائيل في المنتدى منتدى اعادة الفهرسة
      ردود: 15
      آخر مشاركة: , Fri, 04 Jul 2008 21:23:46 +0200
    4. اغنية تحشيش على الكليات ادخل وحمل وانطيني رأيك ...
      بواسطة Ir@Qi BoY في المنتدى نادي الجامعة التكنلوجية
      ردود: 11
      آخر مشاركة: , Mon, 08 Oct 2007 01:04:35 +0200

    مواقع النشر (المفضلة)

    مواقع النشر (المفضلة)

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •