ربع حبي يعادل كل اليحبون
ونص حبي الك ماحبتك امك
من تنجرح انته يسيل منك دمكدروح افحص وشوفه دمي لو دمك
عليه اتعودت وبدوني راح تموت
ولحد الموت من حبي ولا افطمك
اني العلمك تتهجا معنا الحب
غيري اللي يجي ماتكلي شيعلما

من كد ما احبك خفت لا تنشاف وخليت الكلب وسط الكلب ضمك
ياماي وتبده ونشف ويه الروح هذا انته حبيبي وكلي شيلمك
تخجل منك الريشة ويضيع اللون اذا رسام مره يحاول يرسمك
يسمونك هوا هوا صدكني غلطانين
لان انتا الهوى يحتاجك يحتاجك يشمك

كبلك جنت احب وجني ماحبيت
لان شفت الكلب مثل الطفل يمك
ما احرك ارموشي كبالي من تصير
اخاف بلحظة اندم ماشفت رسمك

افرشلك عيوني ويه جفني تنام
واكلك اغفا بيه وكلشي لايهمك
دخذ مني جرح وأذكرني بيه ارجوك
يظل ينزف عطر لو فكر يلجمك

يا أول عنودي اعناد أموتن بيك
فاهم كلشي بيا وكلي ما افهمك
لو غيرك حنين وياي ما اهواه
ولو تظلمني اكلك قابل بظلمك
ضواك يشع براءة يغطي كل الكون
الشمس تبدي بجبينك وتنتهي بجدمك
الله منزلك مفصلك علي تفصال
وعلى قفل الكلب مفتاح ومرهمك

ربع حبي يعادل كل اليحبون
ونص حبي الك ماحبتك امك
من تنجرح انته يسيل منك دمك
دروح افحصه وشوفه دمي لو دمك


عليه اتعودت وبدوني راح تموت لحد الموت من حبي ولا افطمك
اني العلمك تتهجا معنى الحب غير اللي يجي ماتكلي شيعلما
PhotoFunia-e7857.jpg