سبحان الخلق هاي الترافة
-
وحط كل الجمال بعينك الحلوه-
وسبحان الصنع هذا الشعر والطول-
وانطاك المحنه وشال كل قسوة-
ياريحة مسك ياعنبر المشخاب-
ياهيبه الدله وريحة الكهوة-
يوسف من طلع يتمشه عانسوان-
صح جرحن اديهن لكن باشوه-
بس انته بطلعتك مالكينه اجفوف-
كمنه انكص ادينه بكل اثر خطوة-
*****************************************
يا ارق انسـان شفـته بهل وجود
المايحـــبك مـااظـــن شايـــف عشگ
والله ادوخن وانسطر واحسدهه حيل
شفتـــك عـــله الشـفه لمـــن تنـطبگ
ابمكــان اشفـــافـك اتمـنه اصـير
والعـب ويــــا الســــانـك ومـــانفـــتـرگ
وانه احـسد هل قميــص البيك نام
مــن اشـــوفــه يلامسـك .. والله احترگ
**********************************
الشافك بالوصف كض كلبه بيده اعليك
والشافك صــدك رد يبجــــــــــي من عندك ....
خصرك بالضبط مركز ثقل للعيــــــــن
ياعين التمرهه ماتقبـــــــــــــــــــل اتهــدك....
خدك من يصير اكبال حلكــــــي يدوخ
شيظل بالحلك مـــــــــــــــــن يوصل لخدك
*********************************
يالكلج إنوثه من الجدم للراس
وأحس كلبي بضحكتج ياكل بروحه
جمالج موطبيعي يدوخ الصوبين
ومامعصومه روحي ودوم مفضوحه
الدرس علم الطبيعه والجمال يفوز
إذا بدقة جمالج قدم طروحه
******************************************
جان الكلب خالي واني جنت وحيد
عليج شجابني ويمج شوداني
صفه ليلي صبح والصبح مثل الليل
وغارك بالعشك من دون صحباني
كل الناس تضحك والافراح تزيد
واني بكل وقت تضاعف احزاني
وقوي جان الكلب وعيوني خوش عيون
مابجاهن احــــــــــــد مهما اذاني
بس انتِ غرامج كدر يلوي الايد
وضعفني وكبال الناس بجاني
*******************************************
لمن ماكمتلي بساعة المريت
بيه الصوج.انته من الذنب خالي
خدرانات ادري امن التعب رجليك
من كد ماتروح وترجع ابالي
********************************
دنياتك صبح مابيهه لون الليل
عايش بالنهار وليلك عيونك
ماعندك حلك عندك ورد ينباس
ليلو امسطرات اتسطر سنونك
تفوز انته الملك من تدخل استفتاء
واحله اهل الارض لازم يخلونك
وماصدك هلك ينطوك لانسان
وبس ليوسف المفروض ينطونك
**********************************
اذا شمسين تطلع كارثة اتصير
جمالك كلي هذا منين جبته
اتفق ويه الشمس لاتحرك الناس
لو تطلع شمـــــــس لو تطلع انته
^^^^^^^^^^^^^^^^^^^^^^^^^^^^^^^^^^^^^^^^^^^^^
يارب عجبنكم............؟
تحياتي للجميــــــــــــــع
MuStAfAa
AlHaDaaD
maystroo93@yahoo.com
ومضات روعه + مقتطفات شعريه......اذا قروهه اهل الحب راح تذبحهم من الوريد للوريد...اويلــــــــــي
شكرا على المشاركة
اعجاب بالمشاركة
لم تعجبني
مواقع النشر (المفضلة)