وصيه
كلما تمر ذكراك أرجع البيتك ... الوطن لاتنسوه جانت وصيتك

الوطن ماننساه ولاننسه أسمنه ... لابد يجينه يوم نحقق حلمنه

الوطن لاتنسوه يلغبتوا عنه ... بعده حزنه امجيم بديار أهلنه
************ ********* ********* ********* ********

حوار بين شخصين
شنهي امي شنهي الناس شنهو الكرايب ... فركة حبيب الروح هي المصايب

الرد

شالتك تسع اشهور وانت بطنهة ... ماحطتك عالكاع دوم بحضنهة

************ ********* ********* ********* ********* *****
يمه إشحلاته هواي من يمر يمي ... أنسى كل الناس حتى أنسى أسمي
************ ********* ********* ********* ********* ********
كالولي باجر عيد المن تعايد _ ما دروا انت العيد وبروحي كاعد
************ ********* ********* ********* ********* *****
مشتاق انا لبغداد ولشوفة اهلي ... وبس شوفتج بغداد كل حزن تجلي
************ ********* ********* ********* ********* **

تدري حالي اشلون من بعدك اشصار ... چا گلت عفيه اعليچ متحمله النار
************ ********* ********* ********* ********* ***
ضلت يتيمة الروح من رحتي يومين ... چا شنهو بيهة يصير لو صارن سنين؟
************ ********* ********* ********* ****
ماكو رصيد تگول سويلي رنه ... گلبك صخر يهواي مابي محنه
************ ********* ********* ********* ********* **
مقدر ظروفك زين ادري انت مشغول ... بس بالچذب يفلان سويلي مسكول
************ ********* ********* ********


ما ظل فلس بالجيب واتصل بيكم....ولا فرس يم الباب واركب وجيكم
************ ********* ********* ********* *********
حزن بغيابك صاير حزن اصغر النوگ ... مرعوبه والگصاب ماخذهه للسوگ
************ ********* ********* ********* ****
احنه بجسد روحين والدم فرد دم ... والكلب واحد صار بالوفه والهم