• Amused
  • Angry
  • Annoyed
  • Awesome
  • Bemused
  • Cocky
  • Cool
  • Crazy
  • Crying
  • Depressed
  • Down
  • Drunk
  • Embarrased
  • Enraged
  • Friendly
  • Geeky
  • Godly
  • Happy
  • Hateful
  • Hungry
  • Innocent
  • Meh
  • Piratey
  • Poorly
  • Sad
  • Secret
  • Shy
  • Sneaky
  • Tired
  • Wtf
  • صفحة 1 من 2 1 2 الأخيرةالأخيرة
    النتائج 1 إلى 10 من 12
    1. #1
      رئيس قسم سابق
      This user has no status.
       
      I am:
      ----
       
      الصورة الرمزية מــشـتـاقـلـڪــﮯ oــۈت
      تاريخ التسجيل
      Dec 2006
      الدولة
      baghdad al-harthya area


      المشاركات
      9,785
      معلومات شكر المشاركات
      vBActivity - Stats
      Points
      0
      Level
      1
      vBActivity - Bars
      Lv. Percent
      0%

      افتراضي مجموعه اشعار للوطن واتمنى تدخلون لانه تعبت بيه واااااااع يله حبايبي انتظر ردودكم

      هلو شباب وبنات
      رواد منتدى الشعر
      اليوم مسويلكم تشكيله من الاشعار بس والله تعبت بيه
      فأريد ردودكم الحلوه
      ونبدي بالشاعر عباس جيجان
      الشاعر عباس جيجان من شعراء العراق الثوّار
      له اشعار جميلة بل هي في غاية الروعة


      "حُلم "


      البارحة شفت الوطن بالطيف اجاني البارحه ..
      قتله هلا ومية هلا يابو الخيول الجامحه ..
      مديت اديه تسالمه شفت القلب قبل الجفوف يصافحه ....
      شلونك قلت ياموطني وظنوني ظلت سارحه ..
      وانقطع وسطي من الخجل من الخجل وعيوني ظلت شابحه ..
      قال اطمأن ياولدي كفتنا هي الراجحه ..
      قلته الْيِرد ياموطني لحضنك الدافي تسامحه !! ..
      قال اْليِرد وإلْما يِردْ وحتى الْيِفكر بالوطن ذنوبه كلهن طايحه ..
      بس الْيِخون اُمّيِتهْ ما يستحق نقرا على روحه الفاتحه ..
      قلته يبه ياموطني عندي حجي بغزر الدموع المالحه ..
      قال احجي قول شما قلت طبع الوطن مثل الابو واجب عليك تصارحه ..
      قتله يبه ياموطني ليش انت من دول الدول صاحت عليك الصايحه ؟؟
      وليش انت من دون الدول اطفالك الحلوين بالدم سابحه ؟؟
      وليش انت من دون الدول بكل بيت عندك نايحه ؟؟
      وليش انت من دون الدول ناسك إتْصبّح نازحه ؟؟
      وليش انت من دون الدول جيرانه كلها تواقحه ؟؟
      وليش انت من دون الدول يا ثور بالعالم قوي تركض عليه تناطحه ؟؟
      متْقلي منهو الْخبلك يا بو العقول الراجحه !! ..
      شفته ضحك .. شفته ابتسم لمن حِجى و جاوب اجابه واضحه ..
      قال اعتقد يا ولدي .. المشكله مو بالوطن .. المشكله بصدام هو الذابحه ..
      يبقى الوطن هو الاصل والناس هي الرايحه ..
      كفكف دموعك ياولد ادري بغريب الدار شوقه الجارحه ..
      وادري بغريب الدار كل ما يِعتلي وكل ما صعد وشْما كسب خسران كل ما رابحه ..
      حتى الطيور إلها وطن تهاجر لجل لمن يهزها الشوق ترجع طافحه ..
      وحتى النخيل إلها وطن ما تنشتل إلا بأرضنا المالحه ..
      بس إحنا نبقى لِشْ وقت يا موطني نحلم وطنا نصافحه ؟؟ ..
      وخلاف الوطن تبقى البشر مثل البهايم دايحه ..
      والبارحه شفت الوطن بالطيف أجاني البارحه

      والقصيده الثانيه

      ...............
      عراقي اني للشاعر عباس جيجيان



      «®°·.¸.•°°&#183 ;.¸¸.•°°·.¸.•°& #174;»
      انطيني من وقتك ثواني
      ما أكلك آني وآني
      شاعر من أهل العراق
      عربي وأصلي عدناني
      قريشي ومن نسل قحطان


      لا تركي ولا مدغوش بأفغاني
      لك الزمان ابيوم ذر الناس
      الزمان عليك ذرّاني
      وأخذ يردف علي ضرباته باليافوخ
      لحد ما حيل خَوّاني
      لكن بي طبع ما طيح
      روح اسأل عليّ واشهودي عدواني
      مو انسان يحجي وياك
      جرح يمشي عله طوله وشمعه بصواني
      ما عندي لجوء ايجتف الانسان
      ولا مربوط بلساني
      وك استاتس عندي من عمان
      وسياسي... كوفي اعنان سمّاني
      عراقي آني
      من زاخو لعد الفاو عنواني
      دجله أمي....وأبوي اسمه الفرات
      وليلي مرجاني
      عمت عين الزمان اشلون ذَبّاني
      ولو حز ابضميري الجوع
      بس ما غير ألواني
      إيخسه التاريخ إذا مو باول أحروفه
      يحط اسم العراق ويشطب الثاني
      عراقي آني البكلبي على الساني
      آنه الماصحت يوم أحاه
      وعلى امتوني تكطع صوت سجاني
      وأظن ما قصريت أوياه
      أخويه الجان ينخاني
      يِأَشِّر بيده من ابعيد
      جديم الكوم يلكاني
      عطش مره... شلت نهر الفرات وجيت
      وشفت دجله على الجولان يتناني
      عراقي آنه
      واليبيعن سكاير على الرصيف اليوم نسواني
      والماتوا بحسرة علبة حليب اطفال
      هذوله أطفال خُوّاني
      ما آغَنّي بعد بلاد العرب أوطاني
      من الشام لبغدانِ
      ومن نجد الى يمنٍ
      الى مصر فتطوانِ
      عراقي آني
      ولو تعرفني كل الناس بس أعطيك برهاني
      من داروا عليّ عرب آخر زمان وحتى جيراني
      ما هزوا وحك عيناك
      شعره من شعرات وجداني
      عراقي آني

      .......................

      إبشر يا شعب يالبنصر موعود
      يابن الجبل يابن الهور يابن الماتلزمه احدود
      من زاخو لحد الفاو نزحف ننتخب مسعود
      هذا ابن العراق الماعليه منكود
      ابن الملا مصطفى المهيوب
      هذا الماعليه الزود
      عرب وأكراد شدنه ابمحزمك بارود
      يا وجه السماحه يا وجه مسعود
      يا فرحة شعب حزنان ما ذب الهدوم السود
      نريد ك للعراق هلال و مثل هلال و جهك ما أظن موجود
      طشرنه الوكت لمنه على كفك خرز سبحة وبيدك الشاهود
      والبارزاني من تنخاه يثني علا المنايه ويكعد إلهه كعود
      عراقي وما يعرف الخوف وسنين النضال شهود
      من عطشت جبال كوردستان دم إدريس رواهه وخضر يابسات العود
      من الله خلقنه اثنينه خوان حب كاكا حمه وحمود
      لا ما نفترق والله مهمه ايصير
      كلنه للعراق اجنود
      عراقية الجبال ويحرسوهه أكراد
      طود وشامخ اعلى الطود
      واحد ما يصير اثنين مثل الله الو طن معبود
      عهد من كل عراقي ايعيش بالغربة ذليل و منفي ومكرود
      لازم للتراب إلي ولدنه اعليه نرد ونعود
      إذا مو إنته بيهه وينتخب مسعود
      جا ياهو إلي مثلك ويكصده الكاصود
      جا ياهو إلي مثلك ويكصده الكاصود
      .....................


      انت العين واقرب من جفنها انت
      انت الوالد اليحظن بديه وليدة وبنتة
      وبالتوحيد انت الشعب كلة بشيعتة وسنتة
      منهو الكاك ناسيك هم ينسى الكَمر وكتة
      لو نبض الكَلب يتنكر لدكتة
      بس عشكَك عشكَ مفضوح (عشك=عشق)
      وعشك الناس كلها مساتر وسكتة
      صرت انت سبت وبركَبة يهود
      هم شايف يهودي يجوز من سبتة
      انت الفارس اليسبق هبوب الريح
      وما اظن خيل سابقتة
      وانت انت يرهم ترابك كحل للعين
      ودوا للما شفت علتة
      ومن طينك نحني جفوف المعرسين
      وكل اصبع فرح من تك طكَتة
      وانت ريحة ترابك ترد الروح
      هيل وزعفران وعنبر بشمتة
      ومثل تراب كاعك مالكَينا تراب
      يرهم للصلاة من طين تتربتة
      انت ينام بيك المرتضى الكراد
      ابو الحسنين التلوذ الناس كلها بشارتة وبختة
      وانت ينام بيك بكربلاء حسين
      الما باع نطاقة وسلم ركَبتة (رقبتة)
      وبيك ظلت راية العباس
      لمن طاح ..... نزلة الفرات وباسة من شفتة
      من طلعت منك يوم طرني البين
      كلبي وياي ماجبتة اثاريني نسيتة هناك عندك كَلبي امنتة
      شتلتة بجرف دجلة الخير
      وي طين الشواطي شربكَتة
      وامتدت عروكَة بوسط ذيج الكاع (عروكَة=عروق)
      ومن ماي الفرات ودجلة عمدتة
      ولمن صار ينقل جدمة بين الناس
      اخذتة وياي للكاظم على الشباك زورتة
      صح هسة اصبحت من وطن نيدرلاند
      هولندي الهوية وشعري جللتة (شعر الراس بالجل)
      وصح تاقلمت وية الغرب فد نوب
      وصرت ماصخ مثلهم والملح عفتة
      وصح صرت ارطن رطنهم لمن يرطنون
      ولسان العرب بالاعجمي كسرتة
      لكن مدري شي يصير بية من يمر طاريك
      احسة انك دفو تموز وحرتة
      العالم نسى ايام اهدعش من ايلول (اهدعش= 11)
      وصارت بيك وبيك سالفتة
      ناس تكول لازم نحتوية ونشفط البترول
      ونعوض الراح ونسرق بركتة
      وناس تكول لازم هالحصار يدوم
      وناس تكول لازم ننزع اسلحتة
      وناس تكول خطية اطفالة ماتو من الجوع
      وناس تكول حيل وياه ما حمد ربة وشاكر نعمتة
      جيف انت حلو والدول منك تغار
      ما عدهم العندك من مجد نلتة
      انت اول وطن ادم وضع جدمة علية وكال يا الله ولنك وصلة من جنة
      انت اول وطن حطة النبي ابراهيم ودعا ربة يصونة برحمتة وعزتة
      وانت اول وطن مرسى لسفينة نوح
      وانت اول وطن النبي ايوب ناخت بيك راحلتة
      وانت اول وطن علم العالم ابجدية ويكتب التاريخ
      وانت اول وطن قانون سننتة
      انت اول وطن كالتلة الشمس يمة صباح الخير
      انت اول وطن ماتشبة الاوطان
      سبحان ربي شلون صورتة
      صورتة العراق وبس علينة يلوكَ
      واحنة نلوكَلة لمن يحن وكتة
      ذولة اهل الغدر من عندك شيردون
      يا هو صاح منهم ما اجو عندك
      جان جيبك موش الك لمن العرب ينخوك
      عزيز المال هيج وهيج طشرتة
      لمن طحت محد اجى وكال عدعيناك ونزفك مثل دمع الشمع سقتة
      بقيت وحيد مدمي بساحة الميدان واطفالك عليك بصفك ينوحون
      وانت تون ولا مثلك قبل مذبوح ونونتة
      توجيت على جرحك كمت مهتميت
      خاف الشامت يشوفك طريح ويشتفي بشمتة
      طبع بيك المكابر اكبر من الاه (بس)
      واكبر من غدرهم يا بختك انتة
      جم غازي مر عليك وراح
      وتمر علية السنين ومتعمر بذلتة
      صفو بالمزبلة ويلعنهم التاريخ
      تراب بلادنة يرفض جدم الغازي والمحتل
      تراب بلادنة غالي واغلى من عدنا



      هسه خلصنه من اشعار عباس جيجان
      ــــــــــــــــــــــــــــــــــــــــــــــــــ ــــــــــــــــــــــــــــــــــــ
      قصيده للشاعر نائل المظفر وهو ياخاطب الصحفين الاجانب
      قصيدة يتحاور فيها الشاعر البصري مع احد الصحفيين الاوربين عن الوضع
      العراقي وقد اختار الشاعر معاني للحقائق واقعيه من حياة المواطن العراقي في الجنوب وواقعه ارجو ان تنال رضاكم ...


      يسألني الصحفي الاوربي ؟؟ مااحساسك.. وانته الان بنص اوربا في قمة عصر التقنية
      مااحساسك.. وانته اتباوع وجه الصحفي ابيض من صدر الصحفيه
      مااحساسك.. لو عندك حاسوب وانترنيت وتراسل بالكترون ومتحس بغربة وحنية تلفازك عبر الاقمار يطلع وجه امك يومية
      مااحساسك.. لو فتحت كلبك والحصوة بالليزر يداون كلهن وماتحتاج لاي عملية
      مااحساسك.. لو بليزر محو امراضك اسهل من محو الامية
      مااحساسك.. لو ردت وليد ايشيل اسمك تاخذ بنتك للمستشفى وتحورهن رمانات..!! حتى الولد ايصير ابنيه
      مااحساسك.. لو عالغيم اتعلك شقتك والنجمة اطب من نافذتك وتبات بحضنك ليليه..
      احساسي اتلفظه بانفاسك من اني اسال وانته اتجاوب مااحساسك..
      مااحساسك .. لو يتبدل حالك حالي وناسك ناسي وناسي بناسك..
      مااحساسك.. لو تنسى شققك الجوية
      مااحساسك.. لو تصبح اكثر شعبية
      مااحساسك.. لو تكعد بالحيانية
      مااحساسك لو كل ساعة مأجر غرفة ونكله اجوالاتك يومية
      لا من شغلة ولا يومية وضلت بجيوبك بس مية
      مااحساسك .. بيش اتجيبون الكمية
      مااحساسك .. لو صوبتكم ماتتعله ولا تتنصه ولا تتطفه
      الا اتبخ فوكاها اميه
      مااحساسك.. لو وكتك ضكك فد نوبه تداين خبزات وروبة
      وخبز وروبة وخبز ..
      وافرض جيرانك ضكتك خويه انريد افلوس الروبة
      مااحساسك.. من تضطر اتبيع الصوبة
      مااحساسك.. من تفتر بسوك الجمعة وشايلك من بيتك سلعة عمي بتسعة عمي اتوكل بالله بسبعة شايف خير وتستاهلها سلعت بيتي ابيتك خلها ومن يكعد يحسب بفلوسك وي كل ورقه اتنزل دمعه
      مااحساسك.. لو يوم اتخلص كميتك والجوع يلوج ابزريتك
      تبجي دموعك تبجي اعيونك بجيك مايترس صينيتك
      اتكوم ادعي وانته اتصلي باصدق نيتك يارب ياريتك..
      ترحمنا يارب ياريتك.. تنصرنا يارب ياريتك.. ياريتك ..ياريتك..
      والصاروخ ايطيح ابيتك
      مااحساسك.. لو نص ابنك طك براسك
      مااحساسك.. لو كتلك اترك احزانك حس بشعبك وبجيرانك
      مااحساسك.. لو عينك شافت بنتين بعمر الخمسة
      وست اسنين رادن يمشن رادن مرة بلعبة يركضن بس ماكدرن
      متعوقات بلا رجلين اتخيل عدهن رجلين ويلعبن حليه براسك مااحساسك
      مااحساسك.. لو مريت بسوك وبت كالتلك بابا جوعانه بابا جوعانه جوعانه تكسر كلبك اتكوم اتمد ايدك بجيوبك تلزم فخذك ماكو ابطانه
      وثكل الدمعة ينزل راسك مو للكاع لشفت بنتك انقهرت كلش باستك
      مالازم بابا وندمانه
      تسمع صوت ايصيح ادفعلي وصوت الثاني ايكلك انه
      لا انه وانه لا انه وتباوع كلهم ديانه اشرف واحد بالديانه
      اجسر ومد ايده بجيبك وبس رجليك العريانه
      ماكو ابطانه طلع ايده راح الاول راح الثالث راح الخامس
      مااحساسك.. فخذك يعلن عن افلاسك
      مااحساسك.. لو راسك بيه لعب الشيطان وبكلبك قل الايمان
      شنهي هالعيشه خوف وذلة وظلم وحرب وجوع ودربك ماتكدر تندله وماتملك بالدنيا جكارة هم حاسب نفسك انسان
      سويلك يمعود جارة اتكوم اتصيح ياشيطان.. ياشيطان..
      بس عدالله اهناك الجارة بس عدالله اهناك الجارة
      وجيت حدر السيارة
      مااحساسك.. لو كض ابريك وماداسك
      مااحساسك.. لو اني السبب بالامك وجسر واوكف كدامك
      واجرأ واسال مااحساسك.. مااحساسك.. مااحساسك..
      احساسي اتلفظه بانفاسك من اني اسال وانته اتجاوب
      مااحساسك.
      ــــــــــــــــــــــــــــــــــــــــــــــــــ ـــــــــــــــــــــــــــــــــــــ
      هسه عدنه قصيده ضل وياي للشاعر جبار رشيد


      كَلي شراح اكَلك وانته راح اتروح
      وليش اتلح عليه وتنتظــــر ردّي
      هذا السان حالي دموعي تحجي وياك
      وراح اسكت واحجي ادموعي البخدّي
      وسولف بالدمع وتوسلك عبرات
      اود اشبع بشوفك واحتفــــــل ودّي
      ضل وياي اريدك والبقن جم يوم
      وهل جم يوم صارن حدك وحدّي
      خليني ارد اشوفك كَمت احسك طيف
      وياعين التكض الطيف اليعـــــدّي
      صرفنه اسنين حبنه وخلصن تبذير
      وعلى يوم النشوفك باجر انجــدّي
      اخذني وياك اريدك مااريد الغير
      وكون ابسدك اكَعد واكَعد ابسدّي
      لتخليني وحدي منين اعرف الناس
      لااكَدر اعاشر لا خلكَ عنـــــدي
      احب اشلون غيرك من اود اشلون
      وانه وياك كلش خلّصـــت ودي
      ابكَد حبك النفسك جنت اناني وياك
      ومنو ابكَدك يحبك محد ابـــكَدي
      يل بيه ويه روحي الطلعه طلعت موت
      شيردكم علي لو صيحــت ردّي
      اخذني وياك مني اشعندي باقي وياي
      وكلي وياك اخذني وكلشي لتودي
      شيصيرن بعد خل اليصير ايصير
      خل كلشي الأليه وينكَلب ضــدي
      خل اسنيني تغركَ خله عمري يفيض
      خل اكَبال عيني وينهدم ســـــدي
      خايف صح جنت بس جنت اخاف عليك
      والمن بعدك انته وخايف اشعندي
      ـــــــــــــــــــــــــــــــــــ
      هذه قصيده
      كتبها الشاعر الشعبي مالك الحزين بحق ابطال الحويجه الذين استشهدوا في قرية بريمه بالحويجه



      يــالـــي شـلــتــو الـنــعــش بالله مـيــلــو بـيــنــه
      ميلو بينه نودع اهلنه وعادة اليرحل يودع اهله بدموعه ومن صورهم يمله عينه
      ميلـو بينـه الشـوك هزنـه الحضـن امنـه ذيــج الحبيـبـه الحزيـنـه
      كلمـه منهـه وكلـمـه مـنـه حـيـل مشتاكـيـن واشتـاكـة حجيـنـه
      ميـلـو بـيـنـه الـعـنـد امـنــه بـــس نـوادعـهـا بحجـيـنـه
      ميلو بينه وشدعواكم ولو نضره ولو لمسـه انحنـي بيهـه اجفـوف ايدينـه
      وانــتــواهــب اخــــــاف زعـــلانـــه عـلــيــنــه
      ميـلـو بـيـنـه الـبـيـت اهـلـنـه نـــودع ايـامــه وسنـيـنـه
      ميـلـو بيـنـه الـفــرع اهـلـنـه حـيــل مـشـتـاك لمشـيـنـه
      ميـلـو بيـنـه الـفــرع اهـلـنـه حـيــل مـشـتـاك لمشـيـنـه
      مـيــلــو بـيــنــه لــحـــي حبـيـبـتـنـه الـحـزيـنــه
      بلـجـي لــو شفنـاهـه مـــره ارواحـنــه تـرجــع علـيـنـه
      مـيـلــو بـيـنــه وعــلــى بـريـمــه هــنــاك يـمـنــه
      اعــتــاب يـمــهــه هــنـــاك يـايــمــه ارتـمـيـنــه
      هــنــاك زلــهـــه الـمـاحـمـانـه وخـــــان بـيــنــه
      هـنـاك صــار فـــراك يـمــه هـنــاك ضيـعـنـه خـويـنـه
      ويـنـو اشـــو مابينـلـنـه ويـنــو اشـــو مـامــر علـيـنـه
      مودع ودرب السلامه وبس اخاف الذيب يوكـع بيـد شـاة ايضـل رهينـه
      ميلـو بينـه واخـاف يخلـص هـا لنهـار وهـذي اخـر ليـلـه هيـنـه
      ولولـه بيهـه انـوب ليلـه ماحجينـه و ماندهناكـم يولـو وميلـو بيـنـه
      ميلـو بينـه واخـاف يخلـص هـا لنهـار وهـذي اخـر ليـلـه هيـنـه
      ولولـه بيهـه انـوب ليلـه ماحجينـه و ماندهناكـم يولـو وميلـو بيـنـه
      ميلو بينه وعالجسروكفونه لحضه جنه هين ازغارنلعب عالجرف يحضنه طينه
      مـيـلـو بـيـنـه وفـررونــه بهالحـويـجـه وعالـمـنـازل دار دار
      واحجو قصتنه الولدكم واحجـو حضكـم وكولـو للاجيـال ماخنـه وفينـه
      وكـــولـــو لــلاجــيــال مــاخــنـــه وفــيــنـــه


      ــــــــــــــــــــــــــــــــــــــــــــــــــ ــــــــــــــــــــــــــــــ
      هسه شعر انا عراقي وجنسيتي عراقيه

      امسجل ابكَلبي انا راقي وفوكَ كصتي انا الجريـــح
      لآن جنسيتي عراقي بلون احمر شرحو بيها تشريح


      منكتب ديني انا سني اومنكتب شيعي الصريــــح
      اومختلفة وي الطوائف حتى ويدين المسيــــــح

      المهم انا العراقي اتميزت صح من صحيـــــح
      بلقيم ديني انا مسلم ربي واحد بلفصيـــــــح

      بيتي بيتك ياعراقي اتفضل اهلا وستريــــح
      شنهو تشرب جاي لو شربت أصيــــــــح

      خل نسولف هلوكَت ليش انته واني الي نطيح
      وليطيح اشلون يوكَف كبر همي اشلون ازيح

      عيني بعيونك دمعتي قح يشح بيهن شحيح
      راح اسولفلك سوالف وردس الكَاع وأبيح




      جنت طالب ولمعلم ما عرف دينه حـــــــرام
      والله من يدخل لصفنه احتراما كلنه نوكَفله قيام

      او جان من يدخل يسلم وحنه ردينه السلام
      اشلون اميز دينه كَلي وبحنانه انحس امام

      او جان صفنه بي شباب وبي بنات علكَو حبهم وسام
      ما نعرف الحقد شنهو ولا سمعته وتشهد اعلينه الايام

      ولا عرف شنهو الطوائف المهم عندي احترام
      ولمقابل جنت احسه فوك اخوي ابهل مقام

      ايوسم الضحكة ابشفاينه امل جانت لوتنام
      او تصحه جوري ايفوح لو هو انتقــام

      بلكَلب شمينه عطره او من حنانه اخذ الهام
      ولا نميز هذا شيعي وذاك سني ولعبد حتى الاصنام



      او جان عدنه ابكل شهر اجتماع الامهات
      تلتقي دجله ابفرات بلعرب شط الصفات

      والله احس الضحك روجه اتروج وي الباخرات
      امي ومك ام عبايه اختلطة وي الســـــافرات

      او تنشد عليك وعليه هاي اصول امن الخوات
      تنشد امي امك انته اشلون ابنج كلهــــــة ذات

      من يحسن احنه اخوه ابكل صفــــــــات
      ما يفرقا والله بينه ابطيب خاطر مسعـدات



      شنهو جا شختلف هسه او صرنه فرجه بهل زمان
      بس الاسود صار ثوب امي وخواتي اعللاخــوان

      حللت دم العراقي وعلى طفل صرتو شجعان
      اوتكَتل الشيعي اوتطرده وتكَتل السني امتحان

      او على طبيب اتروح تركظ شنهو دينك يا فلان
      او لو طلع من غير دينك تقتله وأنته فرحــان

      ليش ليش ايموت كَلبك هذا ثروه او تفتخر بيه الاوطان
      شنهو ذنبه وشنهو دخله بحتلالك هـــل انســــــــان

      وانه اعرفك لنته سني او لنته شيعي انته الجبان......
      انت الجبان انت الجبان ولجــبان ابن الجبان
      امأيد الثوبه كَصير ولحيته متر تسحـــل بسيان
      ولحيته متر تسحل بسيـــــــــــــــــــان

      ــــــــــــــــــــــــــــــــــــــــــــــــــ ــــــــــــــــــــــــــــــــــــ
      ابياشرع للشاعر
      الدكتور فلاح الزيدي
      ابيا شرع صار الورد بارود يشتم
      اوياشريعه التقبل ابهاي الشريعه
      ابيا ذنب مخطوف لون النور
      من وجه الصبح وانعدم قانون الطبيعه
      او ليش صوت الطير غافي اعله الغصن
      من شاف جدامه السمه باعت ربيعه
      او كام حته الماي من خد الجرف
      ينساب غفله او يتم ابهجره الشريعه
      والنوارس بدّلت لون البياض
      ابلون اسود والحزن كامت تذيعه
      ابيا حكم حضن الكبر شمّر اذراعه
      او بيه سكت للابد ضحكة رضيعه
      ابيا شريعه الموت يزرك بالثنايه
      او يخطف الارواح بالصوره المريعه
      ابيا شريعه الوالده اتودع طفلهه
      اهو جان ابعينهه الدنيه الو سيعه
      او ليش واحدنه اشتره صوت الرصاص
      والحمام الزاهي الابيض بالمزاد ايريد بيعه
      قــــــــــــــــــــــــــــــــــــــــــــ ـــــ ــــف
      قــــــــــــــــف
      قـــــــــــ ــــف
      يازمن كافي بعد كا في هجر كا في قطيعه
      يا شجـــــــــــــــر كفكف ادموعك
      يا جســـــــــــــــر عدل اضلوعك
      يا نخــــــــــــــــل علك اشموعك
      هاي مزنة صيف لا تنضر عليهه
      او نا اريدك توكف ابحلك الزمن
      سلايه صلبه او تنطي للحاقد ضريعه
      انت طينة طيب بجفوف اليودك
      اولليضدك صخره ما ممكن تطيعه
      انت بيك المرتضه الكرار حيدر
      او بيك مسنونه الشريعه
      انت ذو الفقار والفقار يعني
      وحده من شفراته سنه
      اوحده من شفراته شي
      ــــــــــــــــــــــــ
      اهداء
      بس للعراقي
      بيك هيّست العطش.....
      والدنيا نار...
      وابخيالك صدّكت صورة سرابي؟؟؟
      بيك حسيت النده ابخد الورد..
      ينسه البرد..
      وايسيل دافي
      اوبيك حسيت النهر
      من ينخبط....
      يلكه الجرف وايعود صافي
      بيك حسيت الدمع
      مثل الشمع
      من دون خيط ايموت طافي

      ـــــــــــــــــــــــــ
      هسه اشون شعر
      اسمه
      ((خجل حتى الوطن))
      للشاعر فلاح الزيدي
      خجل حتى الوطن من شافنه بهالحال
      مثل والد عليل اتعاركو ولده
      ياجار اليفزعه ويدري بالجيران
      متحزمةعليه وتشتغل ضده
      اذاما يهده تهده وتفرح وترتاح
      اولاتهده دقيقة لو صدك يهده
      باوع عالدول والناس وصلت وين
      واحنه بهالخلاف انجيبه ونرده
      مسرحنا انعرف واشتهروا الابطال
      مخطوف وشهيد ولازمه العده
      ومجهول الهويه وجسد مابي راس
      ومفجوعه بولدها وتصرخ بسده
      مسكين اليتيم يمر عليه العيد
      ودموعه فواتح ناصبه بخده
      كلي بيا ذنب كتلوا ابوه ...وليش
      كوم اعيال عده وكلشي ماعده
      وكلي بيابخت جابوه بغيرازنود
      للجابت عمرها امجلبه بزنده
      جرحك مثل جرحي وبلوتك بلواي
      وصوابك اصوابي اشلون ما شده
      ناوشني المحبه وبوسةالتجبير
      خل نكطع نزيفه ابلسم الوحده
      شكد مشتاك امر للاعظميةاليوم
      النعمان ازوره ويمك اتغده
      ونعبرعالجسر نتمشه انه وياك
      يم باب الحوائج غيضنا انهده
      تره لاخير بوطن ماتغفه عينك بيه
      ولاخيربشعب مايعبر الشده
      ولاخير بشعب مايعبر الشده

      ــــــــــــــــــــــــــــــ
      خلي سربك فوك بغدادك يطير
      للشاعر فلاح الزيدي

      علّي ياطير الحمام اعله السطوح


      ولا تخلي القيد يلتف عالجنح

      انت تدري ابصوتك الضحكه تبات

      صافيه اوتنساب من سطح السطح

      انه ادري اتخاف من صوت الرصاص

      وادري كلبك ينزف ابحلك الرمح

      خلي عينك عالوطن يابو السلام

      اوشوف وين ابياكتر صار الذبح

      شوف بيدر كاعنه الصاير رماد

      اوشوف ياهو اليمسح ادموع الفلح

      روح دوّر عالشمس بين الضلام

      اوكلهه كل الناس تسال عالصبح

      شيل صم اتراب من كاع العراق

      اوذبهه فوك الزاد جي ضاع الملح

      اوصيح باعله الصوت بحلوك السلاح

      اوكله وي هذا العرك شنهوالربح

      ياحمام اوداعتك نسال عليك

      لان دمنه ايسيل من غمك الجرح

      شيل من ذي قار سنبلة الجنوب

      او حطهه يم تكريت باطراف السفح

      او خلي سربك فوك بغدادك يطير

      غيمه بلكت هالطوايف تنصلح

      كذلة الانبار ما تقبل عليك

      امفرعه ترضه اتشوفهه ام شعر السرح

      مو عراقك هذا ياطير الحمام

      ترضه هاي احروفه بالدم تنمسح
      ـــــــــــــــــــــــــــــــــ
      يارب عجبتكم الاشعار ولتنسون الردود لانه تعبت بيه بس كلشي لعيوني المستريه سهل










      فخر الصناعة العراقيه
      مركز التطوير


    2. #2
      CaNcEr Of ThE sOuL
      This user has no status.
       
      I am:
      ----
       
      الصورة الرمزية A H M E D
      تاريخ التسجيل
      Nov 2006


      العمر
      24
      المشاركات
      20,586
      معلومات شكر المشاركات
      vBActivity - Stats
      Points
      0
      Level
      1
      vBActivity - Bars
      Lv. Percent
      0%

      افتراضي

      لك شنو انت عاشت ايدك على النقل الروعه اشعار خرافيه


      مشكور

    3. #3
      رئيس قسم سابق
      This user has no status.
       
      I am:
      ----
       
      الصورة الرمزية מــشـتـاقـلـڪــﮯ oــۈت
      تاريخ التسجيل
      Dec 2006
      الدولة
      baghdad al-harthya area


      المشاركات
      9,785
      معلومات شكر المشاركات
      vBActivity - Stats
      Points
      0
      Level
      1
      vBActivity - Bars
      Lv. Percent
      0%

      افتراضي

      تدلل حبي ومشكور ورده على المرور
      تحياتي

      فخر الصناعة العراقيه
      مركز التطوير


    4. #4
      مستر عميد ᴥᴥᴥ♣
      This user has no status.
       
      I am:
      ----
       
      الصورة الرمزية AyoOosh
      تاريخ التسجيل
      Jan 2007
      الدولة
      العـــــــ عمان ــــــــراق


      العمر
      23
      المشاركات
      7,749
      معلومات شكر المشاركات
      vBActivity - Stats
      Points
      0
      Level
      1
      vBActivity - Bars
      Lv. Percent
      0%

      افتراضي

      تعبك ما راح هدر...لانه روعة روعة تسلملنا فهر
      وتقبل مروري
      ''MayBe''
      Who knows

    5. #5
      مستر عريف
      This user has no status.
       
      I am:
      ----
       
      الصورة الرمزية بلبل كوردستان
      تاريخ التسجيل
      Nov 2006
      الدولة
      يم بيت جوارينه


      المشاركات
      256
      معلومات شكر المشاركات
      vBActivity - Stats
      Points
      0
      Level
      1
      vBActivity - Bars
      Lv. Percent
      0%

      افتراضي

      تسلم ورده على الاشعار الجميلة

    6. #6
      رئيس قسم سابق
      This user has no status.
       
      I am:
      ----
       
      الصورة الرمزية מــشـتـاقـلـڪــﮯ oــۈت
      تاريخ التسجيل
      Dec 2006
      الدولة
      baghdad al-harthya area


      المشاركات
      9,785
      معلومات شكر المشاركات
      vBActivity - Stats
      Points
      0
      Level
      1
      vBActivity - Bars
      Lv. Percent
      0%

      افتراضي

      اقتباس المشاركة الأصلية كتبت بواسطة AyoOosh مشاهدة المشاركة
      تعبك ما راح هدر...لانه روعة روعة تسلملنا فهر


      وتقبل مروري


      تدللين ورده
      ومشكور على مرورج الرائع
      وتقبلي تحياتي
      فهر الخشالي

      فخر الصناعة العراقيه
      مركز التطوير


    7. #7
      رئيس قسم سابق
      This user has no status.
       
      I am:
      ----
       
      الصورة الرمزية מــشـتـاقـلـڪــﮯ oــۈت
      تاريخ التسجيل
      Dec 2006
      الدولة
      baghdad al-harthya area


      المشاركات
      9,785
      معلومات شكر المشاركات
      vBActivity - Stats
      Points
      0
      Level
      1
      vBActivity - Bars
      Lv. Percent
      0%

      افتراضي

      تدلل حبي بلبل كوردستان ومشكور على المرور

      فخر الصناعة العراقيه
      مركز التطوير


    8. #8
      مستر نقيب ᴥᴥᴥ
      This user has no status.
       
      I am:
      ----
       
      الصورة الرمزية الشاعر أيسر الأعسم
      تاريخ التسجيل
      Oct 2006
      الدولة
      بغداد والشعراءُ والصورُ

      الجنس:

      محل الأقـــامة:
      This is الشاعر أيسر الأعسم's Country Flag

      العمر
      26
      المشاركات
      3,026
      معلومات شكر المشاركات
      vBActivity - Stats
      Points
      0
      Level
      1
      vBActivity - Bars
      Lv. Percent
      0%

      افتراضي

      الله الله الله
      الف الف الف شكر يا ذهب على اختيارك لروعة هاي القصائد
      تقبل تحياتي

    9. #9
      رئيســة قســم ســابقة
      This user has no status.
       
      I am:
      ----
       
      الصورة الرمزية Man!a
      تاريخ التسجيل
      Oct 2006

      الجنس:

      محل الأقـــامة:
      This is Man!a's Country Flag

      العمر
      25
      المشاركات
      6,798
      معلومات شكر المشاركات
      vBActivity - Stats
      Points
      0
      Level
      1
      vBActivity - Bars
      Lv. Percent
      0%

      افتراضي


      مشكور يا ورده على الموضوع الراقي ..
      و القصائد المميزه










      احترم وجودك واحترمني إن أردتني أن أكملك وإلا فأنت خارج اهتماماتي.






      قال عمر بن الخطاب رضي الله عنه:( وددت لو أن بيني وبين فارس جبلا من نار لا أقربهم ولا يقربوني )

    10. #10
      رئيس قسم سابق
      This user has no status.
       
      I am:
      ----
       
      الصورة الرمزية מــشـتـاقـلـڪــﮯ oــۈت
      تاريخ التسجيل
      Dec 2006
      الدولة
      baghdad al-harthya area


      المشاركات
      9,785
      معلومات شكر المشاركات
      vBActivity - Stats
      Points
      0
      Level
      1
      vBActivity - Bars
      Lv. Percent
      0%

      افتراضي

      اقتباس المشاركة الأصلية كتبت بواسطة حـزن بغـداد مشاهدة المشاركة
      الله الله الله

      الف الف الف شكر يا ذهب على اختيارك لروعة هاي القصائد

      تقبل تحياتي

      انت الذهب حبي ايسر
      ومشكور ورده على المرور

      فخر الصناعة العراقيه
      مركز التطوير


    صفحة 1 من 2 1 2 الأخيرةالأخيرة

    معلومات الموضوع

    الأعضاء الذين يشاهدون هذا الموضوع

    الذين يشاهدون الموضوع الآن: 1 (0 من الأعضاء و 1 زائر)

    Facebook Comments


    المواضيع المشابهة

    1. قصه وحكمة 0 انتظر ردودكم
      بواسطة اسير في قلب امرأة في المنتدى المنتدى العام
      ردود: 6
      آخر مشاركة: , Fri, 10 Jul 2009 23:11:04 +0200
    2. صور روووووووووووووووووعه انتظر ردودكم
      بواسطة اسير في قلب امرأة في المنتدى منتدى الدراسات و التقارير و النقاشات الأسرية
      ردود: 6
      آخر مشاركة: , Sat, 04 Apr 2009 02:31:49 +0200
    3. قصيدة خورافية ...انتظر ردودكم ورأيكم
      بواسطة «•●بــطـوطـتـي الـصـفـرة●•» (نــونــــ nonaـــا) في المنتدى منتدى اعادة الفهرسة
      ردود: 36
      آخر مشاركة: , Sat, 14 Jun 2008 12:52:14 +0200
    4. أحبـــــــك كلــــك....انتظر ردودكم
      بواسطة «•●بــطـوطـتـي الـصـفـرة●•» (نــونــــ nonaـــا) في المنتدى منتدى اعادة الفهرسة
      ردود: 15
      آخر مشاركة: , Thu, 27 Mar 2008 17:42:59 +0100
    5. لا تتركني لحظة...(من تاليفي)انتظر ردودكم
      بواسطة †.. I ,, L.O.V.E ,, ME ..† في المنتدى منتدى اعادة الفهرسة
      ردود: 10
      آخر مشاركة: , Wed, 21 Mar 2007 09:20:53 +0100

    مواقع النشر (المفضلة)

    مواقع النشر (المفضلة)

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •