خواطر............في أرض ألغربه

[Alex87]

خواطر في ارض الغربه :141:


اي واحد عنده خاطره حلوه ويحب يكتبها هنانا ويشاركنا بيها


وانشاء الله تنال اعجابكم هاي الخاطرتين





متة القلب من الحزن يرتاح ونعيش اليوم وننسا الجاي والراح
يسألوني شبيك مهموم أكلهم وسفة العمر انكضة وراح
افتر وادور على الفرح ولك وين الفرح رواح
عراقي والضيم بية وماتلكي يوم مرة علية واني مرتاح
ابقهر وضيم عشنا ننام ونكعد على صوت السلاح
هذا انكتل وهذا مات وهذا شهيد بالجنة رواح
صار العالم يسألوني شبيكم يالعراقيين دومكم متشردين
هذا بدبي وهذاك بالسويد وواحد بعمان رواح



************

يا غريب أشلون عايش و هم ألك بالغربه بيت...
هم ألك ام أتنشف ماي عينك لو بجيت...
ياغريب العراق روحك أشلون عن أهلك مشيت؟؟..
يا غريب الغربه تكتل من اسمهه اني بجيت..
لسه جنسيتك عراقي أتريد أذكرك لو نسيت؟؟

[Saydia]

عاشت ايدك يا وردة عالفكرة الحلوة

اني مااعرف اكتب خاطرة بس راح اكتب مقطع من اغنية


يا ناس اخذوني لبلادي ما اكدر على لفراك

قلبي جرح و ينادي وينك يا وطن مشتاك

لو بينا الوقت يقسى عراقيين ما ننسى

راجع يا وطن ثاني اخذ ناسي بحضاني




و شكرا الكم


saydia

[Man!a]

مشكور يا ورده على الموضوع و الفكره الحلوه

وطني الجريح يقاوم بسواعد ملئها الغضب
في ارض عصفت بها رياح الغدر
عند جرف فوق صخره الهاويه

وطني الجريح يقاوم
بتكبيرات المساجد
و اجراس الكنائس
و ترانيم الملائكه

و طني يالجريح ......
اكو بعد بس كافي

[BaByLoN pRiNcEs]

مشكور الكس يا ورده والله اني متفاجأة بيك لعد ليش بالصف تكون ساكت بس هههههههه

منورنا ورده

[Alex87]

شكرا على مروركم الحلو:36:

[Alex87]

طال الفراق ودام الهم و الوجل

والدمع من مقلتي يا صاح منهمل

والقلب ودعته يوم الفراق وقـد

بقيت فردا فلا قلب ولا امـــل:27:

[maya]

يا عراق ..... ياعراق اليوم قد حان وقت الفراق اعذرني ان تركتك لكن حضنك الواسع اليوم بي قد ضاق لكن صدقني لن انساك وسيقتلني عليك الاشتياق فانت اجمل من حضنني واجمل من حملني بين الاحداق فانت ... نعم انت ياعراق في الحنان بحر حنين وفي الحب امير العشاق لاتحزن يا حبيبي يا عراق فاذا غابت شمسك فلا بد ان ياتيها وقت الاشراق يا عراق ..... يا عراق لاتحزن وان ساءت بك الاحول فانا اولادك دوما ابطال فدجله اميرة الجميلات والفرات سيد الرجال فانت تعرف .. وانا اعرف

[maya]

سألوني من اي البلاد انا فانا وطني اكبر من ان تصفه الحدود ولن تجدوه على خارطة العالم بل اسمه على عرش الرب مكتوب حرفان هما حاء و باء ماوجدت في سواهما وطنا لي احبك يا احلى عراق

[BaByLoN pRiNcEs]

شوف عندك ياسلام وبص بص بعينك تمام ناس مدري منين اجونه جذبو ما يحرسونه هجرونه وذبحونه وبالرعب بس عيشونه احنه مانرضه باسمنه هيج يتعذب شعبنه هل عصابات الجبانه كلها اجرام وخيانه اخوه احنه من زمان وما يفرقنه الجبان وراح نبقه ايد بيد احنه اخوه وما نحيد

[BaByLoN pRiNcEs]

ياكلمة عراق اشهل البلاغه البيك صعب كل القواعد تحتوي الكلمه نسويلك قواعد بسمك المفروض وبكل المدارس اسمك انعلمه عراق بكل وضع انته التضل مرفوع صعب حروف جر التكسر باسمه تركعلك الكسره الفتحه والتنوين اذن مفروض انته الترفع الضمه

[BaByLoN pRiNcEs]

مستعد أتحدى لأجلج بالهوى مليون شاعر. . . ومستعد أمليلج أوراق العمر كلها خواطر. . . ومستعد لو طلبتي مني السعادة بآخر الدنيا أسافر. . . ومستعد أشتريها بعمري والثمن حاضر. . . آنه أكتب وأدري وداعتج ما تكفي الدفاتر . . . يلهواج أجمل قصيدة وعلمني حتى أشلون أكابر . . . بس أرجوج يا بغداد قدري هذا الي أكتبة. . . والگلب ينخاج ولا تردين الگلب مكسور الخاطر