صدام حسين ...

[Mr.PiRaTe]

هل هو فكر وعقيدة ؟؟؟


مرحبا شباب وشابات

اني دخلت للسياسي وشفت الكل ساخط على موضوع اعدام صدام حسين
اني مراح اكتب شي غلط بس اريد الردود ايضا ما بيهه غلط

شباب اتمنى ماكو واحد منك معدوم اله قريب او شخص ابان حكم صدام حسين بس بربكم هسه هواي منك ضايج وزعلان على اعدام صدام حسين وهسه دا تشعرون بالحزن والأسى زين اريد اكولكم شي لو انت والدك او والدتك او اخوك او اختك او ابنك او بنتك او او او او او او عدمهم صدام حسين شنو كان شعورك تجاه هالشخص يا ناس اكو هواي عراقيين عدم الهم صدام اقارب واحباب او زجهم بحروب مال الهه داعي اني اكره ايران واكره الكويت واكره هسه حكومتنا بسسس بالمقابل صدام حسين مجان مقصر ويه الشعب ومو بس الجنوب لا
حتى من تكريت جانو متأذين من عنده هواي بس المشكلة انه الجوعان ما يعرف شنو شعور الشبعان واللي بس يسمع عن صدام حسين وما يعرف شنو افعاله من حقه يحبه
بس والله لكل اللي يحبون صدام حسين اكوللهم
خلي صدام يعدم احد من اقاربكم وخلي نشوف ولا دكولولي صدام يعدم بس اللي يندك بيه

زين يعني الحكومة ايام صدام مجانت مأذية أحد؟؟؟؟
اوكي اني جنت مرة بزيارة بالنجف وصحت بالصحن ثقيلة باللسان خفيفة بالميزان الصلاة على محمد وآل محمد..... بيهه شي الله عليكم زين انضرب دفرة بظهري والطوارئ يضربوني ليش؟؟؟؟ طيب ميخالف هاي الشيعة ويكرهم صدام حسين
زين اهل الرمادي تتذكرون سنة من السنين شنو سوو بيهم ؟؟؟
اتركو الرمادي
الاكراد تذكرون شنو سوا بيهم ؟؟؟
اتركو الاكراد

اهل تكريت نفسهم مو عدهم منهم ؟؟؟؟؟؟؟

يلله الحجي هواي وادري انتم مقتنعين بشي واني ما اكدر اغير قناعتكم ......


تحياتي

[Man!a]

يا اخي العزيز...
اني الي دااحجي تظررت من صدام فتره من الفترات ...و المفروض انو ماادافع عنه ..بس موقفي هذا مو دفاعا عن صدام ..بكد ماهو دفاعا عن العراق ..صحيح العراق مو صدام ..
بس العراق صارت بي مأسي اكثر حاليا مما كان بزمن صدام .. اسال الجثث المجهوله الهويه و اسأل صولاغ على جرائمه ... و اسال جيش المهدي الي المهدي براء منهم و اسال قوات بدر و اسال و اسال..
و شوف الاحصاءيات شكم اسره ماتله شخص و شكم اسره هجرت و شكم اسره اندزلها تهديد و اضطرت انو تعوف بيتها و حالها و مالها ..و تنذل بالغربه
اذا قارنت ..فألف رحمه على صدام و ايامه

[Mr.PiRaTe]

ذكرتيني بشغلة هسه او بالاحرى شغلتين

اول شي سوي نسبة وتناسب على الناس اللي ماتو بالحروب واللي عدمهم صدام واللي واللي واللي المهم رح تلكين النسبة اكبر من هسه ايام صدام وما حسين بيهه لأن تصير بالخفاء بس المقابر الجماعية اللي ما ردت احجي بيهه كافية هاي شغلة
الشغلة الثانية
الحجاج والكل يعرف شنو الحجاج من راد يموت كال لأبنه اريد بتشييعي اذا متت تمشي انت امام التشيييع وتشوف كدامك ادمرة رجل او طفل او امرأة او بيت لو تقتله لو تحرقة
ومات الحجاج وسوه ابنة وصية ابوة
تدرين الناس شكالو ؟؟؟
هاي شنو الوضعية الف رحمة على الحجاج وايامة يعني نفس حجايتج

والكل يعرف بمقولة صدام المشهورة اذا سلمت العراق اسلمه تراب بربكم سلمه تراب لو لا



واريد اكول للكل موضوع اعدام صدام حسين خطة أمريكيا حتى يزروعن الفتنة بين اطياف الشعب العراقي واكبر دليل اللي دا يصير هسه بالانترنيت من خلافات بين الاعضاء انت تحب صدام وانت تكره صدام صدام راح وراحت ايامة وشعلينه عهد راح وانتهى احنا علينا بهسه احنا عراقيين احنا لازم نبني بلدنا ولازم نتكاتف مو نتعارك علمود انسان حكم وانحكم وانتهى موضوعة

بس رجاءا قبل لا تكتبون اي شي ترحيم لصدام فكروا انه اكو ناس عدمهم صدام حسين وذويهم يدمرون اذا انذكر صدام حسين بالشي الزين واريد اكولكم شي ثاني ...... خلو نقاشكم حضاري ورأي ورأي آخر

تحياتي

[BaByLoN pRiNcEs]

والله يسلم حلكك على الحجي العدل
بس الي اعلق عليه الي رجليه بالثلج مو مثل الرجليه بالنار
نسو العراقيين الارامل واليتامه والمفقودين ودمار ناس ابرياء ماتو بدو اي ذنب ونسو الجوع الي عاش بي بحكم صدام بعد ان كانو اسياد قبل حكمه ونسو التخلف الي عيشهم بي وابسط شي الدراسه بعد ان كانت في قمتها قبل مجئ حكمه للبلد كل هذا نسو العراقيين
وهسه سو لصدام حسين شهيد ومثواه الجنه شنو هو قتل الناس لعبه وليش شنو انتم الي صرتو تحددون من مثواه االجنه ومنو مثواه النار

اسفه اذا جان الحجي يجرح بس اعتقد الي شفنا بزمنه وبعد زمنه واليتامه والارامل جان يجرح اكثررررررر بهوايه من الحجي

اشكرك على الموضوع وعاشت ايدك

[أبـــ ألخصيب ـــن]

مااشاء الله ...
ممكن سؤال وياريت الجواب ...
حلوة الحياة هسه مو بلة ؟؟؟؟
حلوة الذله مو بله ؟؟؟
حلو من نكسو راس العراقيين بالكاع موبله ؟؟؟
حلو من اغتصبو وعذبو وقتلو ونهبو وسرقو مو بله ؟؟؟
حلوه هسه العيشة ببغداد وباقي المحافضات تخبل والله ...
حلو الامان هسه ...
حلوه الدراسه هسه ...
حلوه المنصور هسه ...
حلوه البصره هسه من ترسوهة الخونه العجم الايرانيين ... الله تخبل ...
ولكم اتقو الله شويه ....
وبعدين اخي الكريم اذا انت متحب الوطن والانتماء للقائد شكو جاي تريد تحرض البقيه ...
خليك مختفض لنفسك بهذا الشي ...
وكل رئيس يعدم الخونه والقتله والغدارين ...
ويعني هسه بوش اخونه لو قوات بدر من تعدم العراقيين لو المالكي لو غيرهم من الخونه من يعدمون ...
شنو تفسر هذا لاشي ...
ولك التقدير ...

[Man!a]

مااشاء الله ...

ممكن سؤال وياريت الجواب ...
حلوة الحياة هسه مو بلة ؟؟؟؟
حلوة الذله مو بله ؟؟؟
حلو من نكسو راس العراقيين بالكاع موبله ؟؟؟
حلو من اغتصبو وعذبو وقتلو ونهبو وسرقو مو بله ؟؟؟
حلوه هسه العيشة ببغداد وباقي المحافضات تخبل والله ...
حلو الامان هسه ...
حلوه الدراسه هسه ...
حلوه المنصور هسه ...


مشكور يا ورده
و ما عندي تعليق ثاني

[Callous Soul]

حلوة الحياة هسه مو بلة ؟؟؟؟
حلوة الذله مو بله ؟؟؟
حلو من نكسو راس العراقيين بالكاع موبله ؟؟؟
حلو من اغتصبو وعذبو وقتلو ونهبو وسرقو مو بله ؟؟؟



يا اخي هاي المقارنه تره متسوي اي شي
يعني اني اكلك لعد حلو زمن صدام لو زمن فلان من الناس الي جان بي العراق من احسن الدول بلعالم
لا تقارن لان هذا الشي الكلام بعد ميكدر يرجعه ولا اي واحد شي صار وانتهى

المهم هسه لو احنه نفكر وفاهمين ان ننظر للديصير حاليا
يعني هسه انت من كلت الوضع بزمن صدام جان احسن . اي ويعني شنو رح يصير
لو مثلا كلت ان الوضع بزمن صدام جان مو زين . ويعني هسه احنه وين ؟؟

الماضي لاخذ العبر بس والتعلم منه . فنخلي درس النه مو كدامنه وين منروح وننسه الحاضر او المستقبل
ونظل نعيد ونرجع بالكلام الفارغ الي يولد التفرقه لا غير

يا اخوان ان كنتوا عراقيين من صدك الرجاء ان تبقون الردود الي تجرح الناس الاخرين الكم ولو لهذه الفتره بس لان انتوا دتزيدون الجراح تره مو دتساعدون بشفائهه

[Mr.PiRaTe]

حبيبي ابن الخصيب انت بيا محافظة عايش لو مغترب؟؟؟

بس مثل ما كالت اختي البغدادية اللي رجليه بالثلج مو مثل اللي رجليه بالنار ولا تنسى احنا عراقيين واخوة ومثل ما كال اخوية الابي مو الفكرة انه نقلب الماضي الفكرة انه شلون نتحد ضد الاشياء اللي تصير بالمستقبل كعراقيين مو كشيعة وسنة ومسيح واريدك تسوي مقارنة بسيطة

وشغلة كلش بسيطة ..... شكد عراقيين تغربوا ايام صدام وشكد عراقيين تغربو ورة صدام ؟؟؟؟ صدك مراح تلكي وجه مقارنة ابدا يعني اللي تغربوا ابان حكم صدام اكثر وماكو اي وجه مقارنة ابدا واذا العراق جان كلش زين وحكم صدام حكم عادل ومحترم كولي بروح ابوك العراقيين ليش طلعوا من العراق وشردوا من عنده اني لحد الان اتذكر نكته جنا نداولهه قبل ايام صدام
يكولك فد يوم صدام حسين وحمايته تعدو من يم مديرية الجوازات ولكوهه فارغة كاللهم ليش الجوازات فارغة كالوله سيدي مو طالعة اشاعة انه نت راح تسافر خارج العراق.... فكرة النكتة انه اذا سافر صدام برة العراق ماكو داعي احد يسافر بعد حتى يخلص منه واذا ما سامع هاي النكتة اسأل عنهه

تحياتي

اخوك عراقي وابن عراقي وابن عراقي وابن عراقي وجدي الكاظم سلام الله عليه وما اعتقد الكاظم ايراني او فارسي .....

تقبل احترامي

[فهر الخشالي]

والله اني قولي مثل قول اختي كاردنيا مو حبا بيه بس دفاعأ عن العراق.............الخ
ومشكور

[علاوي ابو البلاوي]

صدام توفى مثل ما العالم كلة شاف وما اعتقد عركتكم هاي مجدية...على مر العصور بقو العراقيين يتعاركون وحتى هسه الرجال مات وهم بعدنه نتعارك
مثل ما دتلاحظون
بمكان هاي العركة...كعدو فكرو ببلدكم الي مات
مو انتو الي بعتوه؟
كل عراقي مذنب و جريمتة هي قتل العراق
لحد ينسى هذا الشي
احتلال؟ احنه تعودنه عل احتلال واتمنى الكل يطلع العربية ساعة 6 الصبح ويشوف برنامج تاريخ العراق والبارحه كانو يحجون عن ثورة العشرين والملك فيصل الأول
يا اخوان اتقو الله واستهدو بي
انتو المفروض تكونون اخوة

مو تتعاركون مثل ما دتسوون هسه

الي يحب صدام يحبه والي ميحبه ميحبه هاي حرية شخصية واراء شخصية ماكو عليها اعتراض
بس اريد اذكركم
انتو اخوه واذا مو بالدم فالبنسب واذا مو بالنسب فمليون طريقه وطريقه تخليكم شجرة وحدة وكلكم تلتقون بفروع اغصانها وجذرها واحد اسمة ع ر ا ق


تحياتي

[نونة البزونة]

اني اضم صوتي الك بايرت هاي شنو معقولة معقولة العراقيين هيجي يحبون صدام يمعودين شعبنا ادمر وانتو حايرين بهاي السوالف هو منو اللي جاب الاحتلال غير صدام هو جان القدم الامريكية اللي داست بلدنة وهو ميكدر يكول همة قشمروني لان تعتبر خيانة فسكت وصار سيف الدولة طبعا لان خلانة بسجن كبير هوة العراق واخرنه قرن وكل الدول تباوعنة بعين الاستصغار بعد مجانو عايشين بخيراتنة والله لسا اتذكر نظرات عيون العرب اللي يدرسون بكليتنا لان صدام جان يطيهم رواتب بالورق ويخليهم يتكبرون علينة واحنة اهلة ويتخسة احنة فد يوم نصير اهلة هالعميل
خلي ننسة الماضي شنو سنة شنو شيعة شنو مسيح كلنة اهل انسو الماضي وحيرو بالعراق اللي موته صدام واذيالة واذا صدام تاج راسكم فطلعو من العراق عوفو الاهلة وعذرا عالاطالة

[ahmedrock]

مخلص الحجي هو جان ظالم ونهايته سوداويه رب العالمين سلط عليه ناس العن وانكس وظالمين اكثر منه وربنا عادل ما يصير شي عند رب العالمين ظلم هاي اعرفوها وانتو مسلمين (من قتل يقتل ولو بعد حين) وانشاءالله ذوله اللي استلمو الحكم بعد صدام وزادو فوك الكتل والدمار فوك اللي سواه صدام نهايتهم هسه تشوفون انكس من صدام بقاطات لان ربنا ما يظلم احد

[Hassan al-kaissey]

الاخ العزيز (( بايرت ))
انت دتكول انه الي يحبون الرئيس صدام حسن همة الي ما اتأذوا من عندة والي يكرهو همة الي لو اخو بو ابن عمة لو لو لو انعدم صح؟
زين نجي هسة لهاي النقطة
شنو السبب الي دفع صدام حسين لقتل هذولة الناس؟؟؟؟
غير سوو شي صح لو ؟
هو جان يكول روح سوي اي شي بس لا تقترب من الكرسي
اني بالنسبة الي وما اريد اذكر اسم ولا صلة القرابة واحد قريب عليا انعدم في زمن صدام لانه حجة على صدام
هسة غير لازم اكره لا بالعكس
تدري ليش
لانه صدام رجل عراقي ان عراقي ابن عراقي
وما عندة الي علاقةلا بأمريكا ولا بأسرائيل خوب اسرائيل ضربه 38 صاروخ
مو مثل الي جوي هسة كلهم لو عملاء للامريكان لو عملاء لايران لو همة اصلا ايرانيين !!

الناس الي تكولون عليهم انكتلو في زمن صدام لوتجمعهم كلهم وخلال مسيرة حياتة بالحكم الي هية 35 سنة
متعادل الابرياء الي الي انكتلو هسة اليطلعت بيهم احصائية حوالي ثلث ارباع ميلون شخص برئ انكتل

زين اسأل سؤال ليش محاكموا صدام علمود المقابر الجماعية ؟؟؟
تدري ليش؟؟؟
لان المقابر الجماعيةالي بالجنوب هية جثث الامريكان الي انكتلو بالواحد وتسعين
اما المتفرقة فخي جثث الشهداء من الجنود العراقيين
وهذا الحجي مو من عندي هذة الحجي طلع مرة على الجزيرة
والمرة الثانية قبل تنفيذ الحكم باسبوع طلعمحامي الرئيس صدام الاردني وحجة بالضبط نفس الحجي

فاريد اعرف شستفادينا هسة من راح صادم حسين

يعني شنو عاجبك جيس المهدي الي المهدي برئ منهم يدخل على المستنصرية ويختصب بنات!!
عاجبك الانفجرات والقتل والجثث المتطايرة منا ومنا !!!
عاجبك القتل على الهوية !!!
عاجبك الكهرباء متجي بس 2 ساعتين باليوم !!!
عاجبك الناس مثل الدجاج كله تنام ب8 العصر !!!!
عاجبك هذولة الي جوي كلهم عملاء !!!
عاجبك الناس الي تغربت عن بلده بالاجبار !!!
عاجبك الاطفال العراقيين الي معرفو شنو يعني ضحكة !!!
عاجبك سرة البانزين عليه اكثر من 60 سيارة !!!

اخوية راجاءا خل نكون واقعيين ولا نصير غشمة
العراق اندمر ممن دون صدام حسين هذا خصم الحجي
ومحد يكدر يمشي العراق غير صدام حسين
احنا ناس موشكول ديمقراطية وهاك شوف الديمقراطية شسوت بينا
على كلن اخوية ارجع بالزمن شوي لي ورة
واتمنى
اطلع الافعال الايجابية للرئيس صدام
وقارنه بالافعال السلبية وشوف شنو الاكثر
وتشوف الافعال الايجابية الي سواها صدام حسن بالعراق خلال 35 سنة

تحياتي

[كرار]

شكرا اخي العزيز على الموضوع

صدام مجرم وتم اعدامه

واعتقد اعدامه يمثل راحه لجميع من قتلهم هذا الدجال الطاغيه

وان شاء الله العراقيين يطوون صفحه سوداء مظلمه عاشوها في ظل هذا المجرم
وان شاء الله نتكاتف ونتوحد في طرد الاحتلال

ولكم مني التوفيق

[angel87]

تدرون العراق ليش هيج ...
لان الحجي والعركة متخلص والله لو انتو هسه واحد كاعد بصف الثاني جان واحد كام بسط الثاني
صدام ماات والله يعاقبه مثل مرح يعاقب كل عبد عنده
الماضي رااااح
ليش كاعد تحجون عل مااضي
السبب احنا يمكن الامريكان الهم دور بس احنا الي منطيهم مجاال
طول عمركم متفرقين وتتعاركون ويه خيالكم
بمنطقتنا كاعد يهجرون عوائل والله انته سني منريدك والله انته شيعي اطلع لو انته مسيحي هم اطلع
لو انتي ممحجبه تعالي نقتلج
اولا اللله موجود لو صدك مؤمنين مثل ميكولون محد تنمد ايده ويقتل ..الي ديسوي هيييج من راس الامريكان
وانتو واكعين قشمر((لحد يزعل مني بس حقيقه والله
الامريكان يضربون الاعظميه والكاظم هااون بنفس الوكت واهل الكاظم والاعظميه واحد يهجم علالاخ
والامريكان يكعدون يضحكون
اي طبعا متونسين علينا
ديسوون تفرقه وانتو تصدكون
بابا انسو كافي عااد كبرو عقللللكم ..يعني شيصير لو اهل الكاظم والاعظميه واحد يعبر عثاني ويصيرون اصدقاااء والله لو كل واحد يسوي هييج مجان صار بينا الي ديصير هسه
القتل عل هويه ومااعرف شنو
الي ديقتل هوة لا شيعي ولاسني
الي ديقتل هوة كااافر
لان المسلم والمسيحي الي يهرف ربه مرح يسوي هيج شيي
لتجون انتو تحاسبون الناس
الله موجود وهذا شغل ربنا مو شغلنا مو اني اجي اقتل فلان لانه يحب صدام لو اقتل فلان لانه يحب المهدي عليه السلام لو ولو لو
اني شعليه كل واحد حر المن يحب والمن يتبع بس لياثر علبقيه
ميفيد الحجي حرامات عل عراق والعراقيين والله
وحرامات علي ديصير
صدام ماات ..كافي حجي عن صدام مااات بعد ومرح يرجع بلنسبه للي يحبه والي ميحبه
حاولو هسه تصفون كلبكم ضااع بلدنا من ورة التفكير هذا
حشة الزينين ..
تحياتي وان شاء الله محد يزعل مني

[m79Xm88]

صدااام بعد راح صار شي ماضي
فكرو بالشعب بالبلد العراقي
العاش طول عمرة بالخوف والموت
فكرو بروحكم
صدام انسووووووووه راح ولم يعد

ويسلمو وردة PiRaTeعلى الموضوع الحلو والكلام الروعة
كولك ذووووووووووووق[Link nur für registrierte Benutzer sichtbar]

[أبـــ ألخصيب ـــن]

يا اخي هاي المقارنه تره متسوي اي شي
يعني اني اكلك لعد حلو زمن صدام لو زمن فلان من الناس الي جان بي العراق من احسن الدول بلعالم

يا اخوان ان كنتوا عراقيين من صدك الرجاء ان تبقون الردود الي تجرح الناس الاخرين الكم ولو لهذه الفتره بس لان انتوا دتزيدون الجراح تره مو دتساعدون بشفائهه
ياريت لو توجه كلامك لصاحب الموضوع ...
وبعض الضروف تحكم ...
والحمد لله على كل حال ...

[أبـــ ألخصيب ـــن]

حبيبي ابن الخصيب انت بيا محافظة عايش لو مغترب؟؟؟

بس مثل ما كالت اختي البغدادية اللي رجليه بالثلج مو مثل اللي رجليه بالنار ولا

تقبل احترامي

اخي الكريم
بكل بساطة ارد عليك وياريت لو تفسر ردي ...
حاليا عايش بالغربة تعرف شنو السبب ؟؟؟
أسمي !!!
اسمي ونسبي الي يمنعني من الرجوع للعراق من ورة حثالة حشاك
الي كامو يغتالون على الهوية
الي حرفو الدين وكرهو الناس ببعضها
والي ارجو منك لتكولي هذولة مو عراقيين
لا اخي عراقيين ومن اصل عراقي ومن جذر عراقي

[Mr.PiRaTe]

شباب شكرا على الردود بس اريد اعلق على شغلات
زين اسأل سؤال ليش محاكموا صدام علمود المقابر الجماعية ؟؟؟
تدري ليش؟؟؟
لان المقابر الجماعيةالي بالجنوب هية جثث الامريكان الي انكتلو بالواحد وتسعين
اما المتفرقة فخي جثث الشهداء من الجنود العراقيين


ابن عمي لكيناه بالمقابر الجماعية وخال وابو مديري وابن جيرانه وو و و و و و و و شريد اعددلك س ما ادري اني من قريت كلامك الصراحة ضحكت ما ادري حبيبي يمكن انت ما واعي على هاي الامور او عايش بالعراق
واذا تريد حبيبي اذكرلك تاريخ فقدهم و وو و و و صور اهلهم معليك بحجي الفضائيات لأن لسبب بسيط جدا اني البارحة جنت بالسماوة كالو بالعربية مجلس عزاء لصدام حسين في السماوة ظينا الكاعدين بالبيت واحد يباوع بوجه الثاني ويضحك لأن ماكو هيجي شي
كالو اكو حظر تجوال اني جنت بمدينتي لا حظرتجوال ولا هم يحزنون حببي كل صاحب قضية يدافع عنهه وأعيد اكولك كل صاحب قضية يدافع عنهه

الشغلة الثانية

ياريت لو توجه كلامك لصاحب الموضوع ...
وبعض الضروف تحكم ...
والحمد لله على كل حال ...

مو انت صاحب هذا الموضوع حبيبي
عيدك مبارك سيدي .... والفردوس مثواك ... ([Link nur für registrierte Benutzer sichtbar])

مو هذا كان موضوعك لو اني غلطان وارجع لتاريخ الموضوع وشوف يعني اني اكره صدام مو معقولة اشوف السياسي متروس مواضيع حبا وعشاق لشئ مصى اسكت واني هواي اليه انعدموا احبهم ويحبوني

تحياتي وياريت الموضوع يغلقه علاوي بلاوي لأن اعتقد رح تصير مشكلة وكل واحد بين وجهة نظره

تحيـــــــــــــــــــــــــاتي

[Hassan al-kaissey]

شباب شكرا على الردود بس اريد اعلق على شغلات


ابن عمي لكيناه بالمقابر الجماعية وخال وابو مديري وابن جيرانه وو و و و و و و و شريد اعددلك س ما ادري اني من قريت كلامك الصراحة ضحكت ما ادري حبيبي يمكن انت ما واعي على هاي الامور او عايش بالعراق
واذا تريد حبيبي اذكرلك تاريخ فقدهم و وو و و و صور اهلهم معليك بحجي الفضائيات لأن لسبب بسيط جدا اني البارحة جنت بالسماوة كالو بالعربية مجلس عزاء لصدام حسين في السماوة ظينا الكاعدين بالبيت واحد يباوع بوجه الثاني ويضحك لأن ماكو هيجي شي
كالو اكو حظر تجوال اني جنت بمدينتي لا حظرتجوال ولا هم يحزنون حببي كل صاحب قضية يدافع عنهه وأعيد اكولك كل صاحب قضية يدافع عنهه



حبيبي ان وياك صحيح اني بمال المقابر بس صدكني هذا الحجي طلع على الجزيرة

زين نجي تكول ولد عمك ومدري منو
اسالك بالله ليش انعدموا؟؟؟
ومستحيل من دون سبب