يلة مغتربين تعالو سولفولي عالعراقيين بالخارج

[Saydia]

هلو ورود شلونكم


اليوم اجتني فكرة حلوة و حبيت اخليها و كلنا نتناقش بيها و نسولف طبعا انتو هسه كل واحد بلد شكل و بمدينه شكل زين اريد كل واحد يكلي العراقيين وين يتواجدون اكثر شي و لقائاتهم يعني مثلا اذا بمدينه او نادي او كهوة او نقطة معلومه هيج شي و من يلتقون هم يسون نفس سوالف من كانو بالعراق لو انطبعوا وية اطباع اهل البلد


شاركونا و لتحرمونا من مشاركاتكم


saydia

[BaByLoN pRiNcEs]

اي هذا موضوع حلو ومميز
عاشت ايدك سيديه

طبعا اني راح احجي عن سكني الحالي الي هو سدني
هنا اكو منطقه بسدني اسمها فيرفلد اتحدى اكبر واحد اذا يكولي يحس بالغربه بذيج المنطقه لانه بصراحه وين متمي تلكه عراقيين والمحلات عراقيين وحتى كتابات بالعربي والبضائع عربيه فد شي مو طبيعي وحتى الي مساكن بذيج المنطقه تلكاه ميشتري وميتسوك الا مناك
بصراحه شي حلو وهمينه اكو كهاوي بيها وتلكه العراقيين ديلعبون طاولي او ديسولوفون وطبعا اكو فلافل بالعمبه هناك هههههههههههه اهم شي العمبه مال عراق

وعلى سالفة تغيير الطباع وهاي الاشياء فهاي تتوقف على الاسره يعني اكو اسر حدث ولا حرج اول ميوصلون يبيعون اصلهم وناسهم واهلهم بس اكو عوائل ثانيه رغم السنين الي عايشيها هنا فبعدهم محافظين على عاداتهم وتقاليدهم

بس شمتكون مراح توصل لاايام العراق واللمه الحلوه


مشكور على الموضوع الحلو