المساعد الشخصي الرقمي

مشاهدة النسخة كاملة : استفسار حول ربط اكثر من جهاز على الانترنت عن طريق راوتر



انكيدو
, Mon, 11 Oct 2010 00:16:49 +0200
السلام عليكم
شون الشباب ان شاء الله بخير
ورود اريد اسوي شبكة انترنت داخل المنزل واريد مشورتكم بهل خصوص
عندي تلث اجهزة واحد لابتوب وثنين دسكتوب
ساحبين انترنت من شركة ايرث لنك عن طريق نانو ستيشن 5
طبعاً من أسأل البروفايدر مالتي شون اربطهم سوة واوصللهم انتارنت يكلي .. هااا .. ما اعرف !!
لازم كل واحد على حدة واربط فيشة وشيل فيشة لحد مال الفيش راح يتلفن وتعال اكبسهن من جديد
عموماً
بحوشنة بالانترنت وعرفنة انه ممكن اشير الانترنت على اكثر من جهاز عن طريق راوتر اكسس بوينت .. عن طريقة اكدر اطب للنت عبر اللابتوب عن طريق الوايرلس او من الدسكتوب عن طريق اللان
بس عندي سؤال اريد اتأكد حولة
وهو
اشتراك الايرث لنك يوزر وباسورد عن طريق البرود باند او الي اسمه pppoe إذا آني مغلطان
فبهذه الحالة ممكن افتح انترنت طبيعي إذا خليت اليوزر والباسورد بالراوتر لو اليوزر ولباسورد اندخلة من وحدة من الاجهزة وراح يفتح للبقية لو شلون ؟
بمعنة آخر .. آلية الدخول للنت من الاجهزة الثلاث عن طريق الراوتر شلون لأن من الي سمعتة وقريتة هاي الشغلة ممكنة بس ملكيت توضيح او شرح للطريقة ؟؟
وممنون الكم مقدماً

Frostblade
, Mon, 11 Oct 2010 00:34:00 +0200
السلام عليكم اخويه..

طبعا ممكن تسوي شيرنك للانترنت يمك...
كلي شنو غراض النتوورك الي موجوده يمك ؟ عدا النانوستيشن 5..

: . ✞ . : FiRaSoOoO : . ✞ . :
, Mon, 11 Oct 2010 00:52:12 +0200
حبي اني خطي ارث لنك وعندي راوتر وافتح باكثر من حاسبه وبوقت واحد همين
من عدا النانو ستيشن تحتاج راوتر اني عندي tp-link
اكو نوع بالصناعه راوتر وليس اكسس بوينت بيه 3 اريل مو 2 سعره 41 دولار
تشتريه وتربط النانو ستيشن بيه وتريده ينطيك واير لو واير ليس مو مشكله لانه بيه اربع بورتات للواير من عدا الرئيسي الي ينطي نت للراوتر وينطي واير ليس بنفس الوقت
اني افتح اقصى شئ 3 حاسبات وموبايل وياهن وتكدر تخلي بيه كود سيكيورتي
اشتريه واني افهمك ع الاعدادات مالته
بس اهم نقطه انه ميسوي مشاكل يم ابو النت مالتك
لانه اكو في بعض الاحيان يتضارب الايبي مل راوتر مع ابو النت الي دينطي الك وطبعا هذا الخلل من يم ابو المركز مالتك بس هو ميكول اني ممضبط شغلتي راسا يكلك الخلل من الراوتر فا ضبط شغلتك واشتري وتدلل

انكيدو
, Mon, 11 Oct 2010 01:08:14 +0200
حبي اني خطي ارث لنك وعندي راوتر وافتح باكثر من حاسبه وبوقت واحد همين

من عدا النانو ستيشن تحتاج راوتر اني عندي tp-link
اكو نوع بالصناعه راوتر وليس اكسس بوينت بيه 3 اريل مو 2 سعره 41 دولار
تشتريه وتربط النانو ستيشن بيه وتريده ينطيك واير لو واير ليس مو مشكله لانه بيه اربع بورتات للواير من عدا الرئيسي الي ينطي نت للراوتر وينطي واير ليس بنفس الوقت
اني افتح اقصى شئ 3 حاسبات وموبايل وياهن وتكدر تخلي بيه كود سيكيورتي
اشتريه واني افهمك ع الاعدادات مالته
بس اهم نقطه انه ميسوي مشاكل يم ابو النت مالتك
لانه اكو في بعض الاحيان يتضارب الايبي مل راوتر مع ابو النت الي دينطي الك وطبعا هذا الخلل من يم ابو المركز مالتك بس هو ميكول اني ممضبط شغلتي راسا يكلك الخلل من الراوتر فا ضبط شغلتك واشتري وتدلل


عمي شنو هل سرعة بالرد ..عاشت ايدك
فقرة الآيبيات اكيد تتعدل بحيث مايصير تضارب او ان تصير مشكلة مثل ما قريت بغير مواضيع ان الراوتر يكوم يرجع آيبيات عليه او على الشركة وتصير مشاكل
بس هذا الراوتر ال "تي بي لنك" حسب ما فهمت منك هو راوتر واكسس بوينت بنفس الوقت يعني ثنين في واحد بحيث يقسملي الخدمة على باقي الاجهزة ويبث وايرلس
شوي خبرتي بهل مواضيع مصارلهة اكثر من يومين فطول خلك وياية وردة
اريد افضل نوعية إذا اكو افضل من التي بي لنك تنصحني بيهن يعني مثلاً النتگير لو التي بي لنك ماشي ومابيه مشاكل
وفي حالة غيرت اتصالي ويا بروفايدر يستخدم اتصال VPN بصورة Point to point عن طريق بروتوكول PPTP الي احتمال اغير عليه في حالة كام يبث على الخمسة بدل 2.4 لأن سرعتة اضعاف الايرث لنك وبنفس السعر
بهل حالة الراوتر هم راح يشتغل عندي لو راح يكون وجودة وعدمة نفس الشي ؟؟
تحياتي ورد

انكيدو
, Mon, 11 Oct 2010 01:11:26 +0200
السلام عليكم اخويه..

طبعا ممكن تسوي شيرنك للانترنت يمك...
كلي شنو غراض النتوورك الي موجوده يمك ؟ عدا النانوستيشن 5..

تعيش وردة
ماعندي غير بس النانو ستيشن والمحولة مالتة وكومة وايرات نتورك
وكرت ديلنك بوحدة من الحاسبات
ومحتاجين نعرف التجهيزات الي نشتريهة ومتطلباتهة
وممنون

Frostblade
, Mon, 11 Oct 2010 01:17:27 +0200
تعيش وردة
ماعندي غير بس النانو ستيشن والمحولة مالتة وكومة وايرات نتورك
وكرت ديلنك بوحدة من الحاسبات
ومحتاجين نعرف التجهيزات الي نشتريهة ومتطلباتهة
وممنون

السلام عليكم اخويه..

نفرض انه الانترنت واصلك لوحده من الديسكتوب .. تكدر تربط الدي لنك بهالديسكتوب و تخلي الديلنك يبث انترنت ..فتكوم تستلم انترنت وايرلس باللابتوب عن طريق الوايرلس لان الداخلي مال اللابتوب ...
تبقه عندك بس الديسكتوب الثانيه .. تكدر تشتريلهه وايرلس لان حتى تستلم وايرلس ... او تربطهه بواير ويه الديسكتوب الاولى (بس بهالحاله لازم الديسكتوب الاولى يكون بيهه لان عدد ثنين -لان عادي مو وايرلس اقصد , لان واحد مربوط بالنانو و الثاني حيكون ويه الديسكتوب الثانيه-) ..

هالنوع من الشيرنك الادفانتج مالته انه رخيص ... و الدسادفانتج مالته انه الديسكتوب الرئيسيه لازم تكون مشتغله يلله يوصل الانترنت لباقي الحاسبات..

طريقه الراوتر ...اغلى لكن ماكو شرط انه حاسبه معينه تشتغل حتى توصل الخدمه للباقي..

بعد انت شوف ياهو يرهملك اكثر ..

: . ✞ . : FiRaSoOoO : . ✞ . :
, Mon, 11 Oct 2010 01:41:23 +0200
حبي اكو راوتر نت كير واكو نوع اخر وهو اللينكسس اني اشتريت التي بي لنك سعره رخيص وكلش مناسب ومبيه مشاكل بس لازم تحدث السوفت وير مالته من النت وكلش سهل التحديث
وبالنسبه للفي بي ان هي مو اعتقد تناقل ملفات بالنت؟ يعني شلون شبكه نيتوورك بس لمسافات ابعد وشيرنك ملفات؟
وبهل الخصوص ماعرف اني مبرمجه انه يفتح لي نت وينطي لبقيه الحاسبات بواير وبدون واير يعني ممنخبش بيه مكضي حاجتي وبس

انكيدو
, Mon, 11 Oct 2010 19:31:19 +0200
شون الشباب
اليوم اشتريت راوتر TP-LINK WR941ND
ابو التلاث انتينات
113514
طبعاً فشي روعة وربطت الاجهزة عليه وايرليس بس مدا اعرف اربط الجهاز الثالث عن طريق اللان
يمكن يراد اخلي آيبيات .. راح ابحوش واشوف
بس اكو فقرة محلوة
وهي البث مالتة عابر حدود البيت بحيث صعدت للسطح طابق ثاني والراوتر بالطابق الارضي والأشارة فول
من اسوي بنك ميتجاوز 35
فالمشكلة هي شون اشفر البث
لكيت هيجي اوبشنات بالراوتر عن طريق الويب كي وغيرة
بس شون اطبق الاعدادات بباقي الاجهزة
ثنين منصب عليهن وندوز 7
والثالث وندوز اكس بي
فممكن مساعدة بهل خصوص
فقرة ثانية اخ
New Folder
موقع الشير مال الايرث لينك مديفتح .. اعتقد الفقرة بالأيبيات
شون تلافيت هل فقرة وردة ؟؟
والسؤال الاخير ولو ثقلت عليك
قريت ان اكو فقرة بالراوتر انه يرجع آيبيات على البروفايدر مالتي او على الشركة بحيث يسويلهم مشاكل حسب ما عرفت او يعرف البروفايدر مالتي اني رابط راوتر ويگوم يگمز علينة
ههههه
فأكو فقرة تحل هل موضوع ؟
والك مني الف شكر وتحية
وردة فورستبل .. هل فقرة جربتهة سابقاً وما صارت يمي
بالإضافة الى ان هل فقرة نريد نسويهة بدون ما جهاز يضل شغال
تدرون فقرة الكهرباء عدنة شونهة

انكيدو
, Tue, 12 Oct 2010 08:47:48 +0200
الحمد لله تم تشفير الاشارة عن طريق ال wap
وكنك الجهاز الثالث عن طريق اللان
ولأول مرة تلث اجهزة تشتغل سوة
يراد نذبحلنة ديج
هههههه
بس بقت فقرة موقع الشير مال ايرث لنك
واكو فقرة يكلون ان الراوتر يكوم يرجع آيبيات على البروفايدر او شركة ايرث لنك
ما اعرف .. اكو هيجي فلم بالفعل وشون واحد يتلافاهة ؟؟

Frostblade
, Tue, 12 Oct 2010 10:58:20 +0200
الحمد لله تم تشفير الاشارة عن طريق ال wap
وكنك الجهاز الثالث عن طريق اللان
ولأول مرة تلث اجهزة تشتغل سوة
يراد نذبحلنة ديج
هههههه
بس بقت فقرة موقع الشير مال ايرث لنك
واكو فقرة يكلون ان الراوتر يكوم يرجع آيبيات على البروفايدر او شركة ايرث لنك
ما اعرف .. اكو هيجي فلم بالفعل وشون واحد يتلافاهة ؟؟


مبروك اخويه..

بالنسبه للشير مال ايرثلنك ... بدل الاي بي مال الراوتر ...سويه 192.168.3.1 و ان شاء الله يشتغل الشير بدون مشاكل..

سوال.. شكد سعره هذا الراوتر ؟ و عندك فكره عن اسعار غير نوعيات؟

انكيدو
, Tue, 12 Oct 2010 19:03:51 +0200
اشكرك وردة

اخذتة بحدود 42$ ولكيت ناس دتبيعة 48 $
والمفروض سعرة بحدود 38-40$
حسب ما سألت وأستفسرت
بس سبب التفاوت لكونة شبه مفقود من السوك وعليه سحب وطلب هواية
ارخص سعر هو الي حصلتة 42 عند العهد الجديد
وحسب ماسمعت الوجبة الجديدة من هذا النوع يمكن فد عشرة ايام الى شهر وراح تكون بحدود 40$ او اقل بشوية
ولكيت هواية نوعيات منهة ماركات معروفة مثل الدي لنك وال ALFA والنتغير وماراكات جديدة اول مرة اسمع بيهة
وكلمن يكلك مالتي وبس .. بس عموماً اسعارهة اكثر من ال TP LINK
قد تكون كفاءته اعلى او متانتهة او عمرهة الافتراضي اطول
بس بعد البحث بالنت وبالسوك شفت التي بي لنك ماشي وجيد جداً مقارنة لسعرة وبخصوص الجودة والكفاءة التجربة هي الي تثبت لكن الي شفتة ان السحب عليه قوي وشبه مفقود
......

غيرنة الآيبي وبالفعل فتح موقع الشير
عاشت ايدك والف شكر

بس اكو فقرة ما اعرف عندك علم بيهة
اكدر عن طريق الراوتر ادخل على الجهاز الثاني واشير الملفات بيناتهم لكون الاجهزة مربوطة نتورك وشلون ؟؟
يعني اسوي شير بين جهازين وايرلس او جهاز وايرلس والثاني لان ؟؟
حالياً دا اجرب ودا اشوف عسى ان اوصل لنتيجة بس شوي صعبة لأن خبرتي بالشبكات والنتورك مصارلهة اسبوع

واكو شي ثاني
بخصوص الوايرلس على غفلة يفصل الاتصال ويطلعلي مثلث أصفر على الرغم من الاشارة مال الراوتر موجودة
جربت ارستة نفس الشي وميفتح انترنت .. ارست الكومبيوتر .. ماكو نتيجة .. وراهة يجر عدل
شنو الموضوع وليش ؟؟
اكو تعارض بالآيبيات ؟؟؟
آني كل جهاز ناطيه آيبي خاص بيه وهي كالتالي
IP Adress 192.168.3.101

Default Gateway 192.168.3.1

Preffered DNS Server 192.168.3.1

والجهاز الثاني 192.168.3.102
والثالث 192.168.3.103

ليش المثلث الاصفر يطلع وشون تلافيه ؟؟

~*S*~H@Y@LY~*A*~
, Tue, 12 Oct 2010 21:03:45 +0200
حبي اول شي السلام عليكم ثاني شي

ملفات لاشير متكدر تستعملها لانه انت مسوي شير للانترنت فقط يعني مرابط الراوتر نيتورك رابطه نت فما اتصور تصير


ثاني شغلة المثلث الاصفر هاي تصير مو بسبب الراوتر بسبب ابو النت دا تروح اشارته

انكيدو
, Tue, 12 Oct 2010 21:44:03 +0200
وعليكم السلام
مشكور وردة على الرد ويسعدني جداً التفاعل وابداء المساعدة لأن خبرتي بهل مجال محدودة
بخصوص المثلث الاصفر الانترنت كان موجود .. لأن الضوة مال الـ WAN بالراوتر جان يرمش
وحسب مامذكور بالمانول من يكون الضوة يرمش يعني اتصال شغال ... بس ما اعرف

اما بخصوص الشير
سويت فقرة وكدرت اشير بين الجهازين وايرلس عن طريق الراوتر وتم ذلك عبر الاجراء الآتي
سويت اتصال الوايرلس عبر اشارة الراوتر على شكل Home network بدل من كان Public network
اي تم التعامل مع الشبكة كشبكة موثوق بيهة وممكن عن طريقهة عمل شير وامكانية التحكم بالملفات ونقلهة
وجان ينطيني باسورد مال الهوم نتورك ومذكور ان تحتفظ بيه ...بصراحة كتبتة وما اعرف شسوي بيه لأن الجهاز الثاني طب على الاول بدون طلب هذا الباسورد
عموماً .. شيرنة البارتشنات والفولدرات الي نريد نشاركهة في كلا الجهازين وطبقناهة
والنتيجة تم عمل شيرنك لكلا الجهازين
لكن لحد الآن دنحاول نشير ويا الجهاز الثالث الي مربوط عن طريق اللان

من هل عملية لحد الآن واجهتنة مشكلتين
الأولى ياهو الچان يگدر يچفت على الجهازين عبر الانترنت .. وعليه تم وضع باس ورد لكل جهاز وهاي بسيطة
المشكلة الثانية الي دنشتغل عليهة هسة هي ربط الجهاز الثالث عن طريق الـ LAN بالجهازين وأشير الملفات للأجهزة الثلاثة بنفس الطريقة الي ذكرتهة
بس المشكلة ان الجهاز الثالث XP والجهازين البقية وندوز 7
فما اعرف راح تصير هل فقرة لو راح نواجه مشكلة
جاري التجربة وراح نرجع خبر حتة للمستقبل الي يريد يسوي نفس الشي يستفاد من هل محاولات
وإذا اكو اخفاقات راح ادرجهة وإذا اكو ملاحظات من قبلكم فأتمنة ما تبخلون بيهة علينة حتة نثري الموضوع وتعم الفائدة للجميع
تحياتي

: . ✞ . : FiRaSoOoO : . ✞ . :
, Fri, 15 Oct 2010 03:44:44 +0200
مبروك اخويه..

سوال.. شكد سعره هذا الراوتر ؟ و عندك فكره عن اسعار غير نوعيات؟


حبي التي بي لنك سعره 41 دولار بيه 3 انتينا
واكو نوع اخر اصغر منه بيه 2 انتينا سعره 35 دولار
هذا فيما يخص التي بي لنك

اللينكسس
اكو 3 نوعيات
75
67
55
طبعا السعر بالدولار بس بصراحه شنو الفرق بينهم ماعرف
بس اعتقد البث مالته اقوى

واكو النوع الثالث النتگير
بيه نوعين
الاول 75 دولار
والثاني 65 دولار
النوع الاول حجمه اكبر واضخم وماعرف شنو الفرق الرئيسي بين النوعين

: . ✞ . : FiRaSoOoO : . ✞ . :
, Fri, 15 Oct 2010 03:46:55 +0200
صديقي انكيدو اسف للتاخير مكان عندي نت
انت بس اريد افتهم منك هسه شنو المطلوب او شنو الي تحتاجه حتى اكون بالخدمه
انتظر ردك

Frostblade
, Fri, 15 Oct 2010 10:45:44 +0200
شكرا اخويه انكيدو و نيوفولدر على التوضيحات بخصوص الاسعار..

تحياتي..

~*S*~H@Y@LY~*A*~
, Mon, 18 Oct 2010 19:30:03 +0200
مشكور وردة على توضيح المشكلة والحل
وننتظر الرد منك بخصوص المشكلة الاخيرة