المساعد الشخصي الرقمي

مشاهدة النسخة كاملة : موسوعه ابوذيات+دارميات+اوف لاينات



BaByLoN Angel
, Fri, 17 Jul 2009 16:50:05 +0200
السلام عليكم

جبتلكم اليوم ابوذيات ودارميات واوف لاينات

ابدأ بالابوذيات
طعم شفتك حبيبي عسل ...وي جوز
ومنك ما يمل الكلب ...ويجوز
يمر طيفك علي كل يوم ....ويجوز
يظل وياي لحد المنيه

شكيت وكوه جبت الراس (عراس)
وبدي تاج الوفه لبسته (عراس)
عفته اليوم ثالث يوم(عرس)
وخبر عرسه الشماته انطوه اليه

اريد الدنيه تصفــه وياي بس يوم
وشوفك يا كحيل العين بس يوم
تنوح امي عليه وصحت بس يوم
الذنب ذنب الدهر قاسي عليه


ترص ايدك واعاني من رص يدك
وانا الصياد واحلم مرة اصيدك
اذا سنتات ظلن من رصيدك
دخيلك بالجذب رمش علية

يامن بالكلب والروح حليت
اجرعت مر الصبر وهواي حليت
الك جم مشكله ياحلو حليت
وهواك المشكله الصعبت عليه


تكلي بعد ما اريدك ولا ابيك
هاي اطباع مو منك ولا بيك
ابد ما الوم والدتك ولا ابيك
الوم الوكت الرهاك عليه


اريد الزم خدودك واشتمنه
واريد انعل ابيك واشتمنه
تدري شراد كلبي وشتمنه
على صدرك انام الليل وهايهيه


معاد الناس كلهة وانتة أصلي
مثل غصن بفروعك وانتة أصلي
راح اوكف ابابك وانتة اصلي
وكل طلقة التجيني ضماد الية


وگع گلبي بغرامك ماتشيله
وجرح شوگ البيه ماتشيله
اخابر وأنته تسمع ماتشيله
ولك هالروح ماتحمل أذيه


حبيبي جروح الك بل روح حالن..
وأمس چنت احسن من اليوم حالا..
أريدك تنتخيلي وتمر حالا..
باچر وين ماتلحگ علية


يشطك جاري مايه من يعبره
خذت دوم الاوادم مني عبرة
تكول عليه جاهل من يعبره !
وانه اسوه العلمك واسوه أبيه(ابوه)


ردت طيفك يلوح بيوم مالاح
وطعم فركاك صار هواي مالح
بعد مادز رساله وابد مالح
لان كلما ادز مترد عليه


حياتي عكب شخصك شلي بية
وجميع اعضاي صارت شلل بية
توديلي رسايل شلي بية
اريدن شوفتك والكعدة سويا


ابوذيات من تأليفي

علي تاهت سفنهم من سفانه
ويهل شكلج شكل نبته سفانه
يسألوني واكول اسمج سفانه
واذوبن لو يمر طيفج عليه


زماني بس حزن ماشفت منه فرح
الشامت من شافني طش واهليه وفرح
كلت لوما اصارح لو اصارح فرح
بس اخاف مكبله وشلون بيه

نرجع للابوذيات
انه بحبك ابد مايوم غشيت
وعن كل البنات النظر غشيت
گعدت يمه وعليه بسكوت غشيت
وگف صاح المدرس غش عليه


نصحته اولا نفع وياه نصحاي
سكاره احنه بهواه مابعد نصحاي
جفاني وصرت نصي ميت نصحاي
نحيل ولا اثر نكاد بيه


ابوذيه كل يوم ارددهه

حبيبي من اشوفه ايدير وجهه
واحس نيران وسط حشاي وجهه
كلامك بالعتب وياي وجهه
حته اعرف كلامك يعني ليه


اليحبك من صدك ياترف حبله
وصلي وياك ماينكطع حبله
احبك وانت امك بيك حبله
وحجزك كبل ماتنخطب هيه


وحق صوره الم نشرح والف لام
بعد ماتنفع اعذارك ولافلام
الف لاموني عن حبك والف لام
وعشر تالاف بس تحجي عليه

حرت مابين اتاني ومااتاني
مو ميه الشماته مائتاني
اتاني والاريده مااتاني
اجا الما اريده ووغف عليه

نأتي على الاوف لاينات

جان الكلب خالي واني جنت وحيد
عليج شجابني ويمج شوداني
صفه ليلي صبح والصبح مثل الليل
وغارك بالعشك من دون صحباني
وجوة الناس تضحك والافراح تزيد
واني بكل وقت تضاعف احزاني
وقوي جان الكلب وعيوني خوش عيون
مابجاهن احد مهما اذاني
بس انتِ غرامج كدر يلوي الايد
وضعفني وكبال الناس بجاني


دنياتك صبح مابيهه لون الليل-
عايش بالنهاروليك عيونك-
ماعندك حلك عندك ورد ينباس-
ليلوامسطرات اتسطرسنونك-
تفوز انته الملك من تدخل استفتاء-
واحله اهل الارض لازم يخلونك-
وماصدك هلك ينطوك لانسان-
وبس ليوسف المفروض ينطونك


حقج ما دريتي بحالتي شصار
من عني ابتعدتي وكَلتي زعلانه
ما أكَدر بدونج هذا واقع حال
الكَلب ينبض شلون وماكو شريانه


وهذا شعر كلش حلو

انت الجامعه وكل احنه الج طلاب
ويضل بيج العميد الدلع والخفه
تعليمج العالي اقسم عليج ايلوك
بس حسنج بجفه وعلمج ابجفه
سكنتي المكتبه هاكد شريتي اقلام
ودخلتي الامتحان اشحالتج كلفه
اخذتي انت صفر مو لان ماتقرين
لان ذاب القلم بجفوفج الترفه
بالسنتر دخيلج فدوه لتمرين
لان كل مره منج تنكلب زفه
جم طالب تسودن من دلع ممشاج
ومن كد الثكل جم طالب اتوفه
حددتي البشر بالحمره والتحديد
عزه بعينج ولج مارايده الشفه
امس لفه اشتريتي ومن حلات اشفاج
كامت بالشفايف تاكل اللفه



طبع ذيب وغزاله تجمعن بيك
وسبحانه الجمع رقه بشراسه
الناس تكوم تحرس من يجي الليل
وانته الليل لازملك حراسه
لغز ماحله كلمن حاول وياه
بشرجسمه الكمر والشمس راسه
ياواحه عسل والعمر خلص جوع
على كيفك بس دبج ماردنه طاسه


يالكلج إنوثه من الجدم للراس
وأحس كلبي بضحكتج ياكل بروحه
جمالج موطبيعي يدوخ الصوبين
ومامعصومه روحي ودوم مفضوحه
الدرس علم الطبيعه والجمال يفوز
إذا بدقة جمالج قدم طروحه

شعر اذا واحد زعلان فد شي طاك

اذا زعلان كَلّي حتى اراضيك
بس صعبه اليحب يزعل على روحه

واذا قصدك عتب وتكَول ناسيك
هم شايف بشر يتبره من روحه

انتَ تعيش بيه شلون امر بيك
لا تسأل بعد عالجيه والروحه

وعلى باب العشگ تذكر واتانيك
وتتأخر علي دمعاتي مفضوحه

ومثل حال الطفل حالى من الاكَيك
اشوف الدنيا عيد وانتَ مرجوحه

هسه تريد تزعل يعني اخليك
لو مو بس عذر لو جايب اطروحه



مثل ظلك جنت بالخطوة نمشي ثنين

مشيت انت بظلام وتيهت ظلك

دليني عليك سنين تايه بيك

امشي وياي ادورك خاطر اندلك

عرفني عله شخصك رايد احجي وياك

بس كلمة وبعد ما غيرها انكلك

وحدة من الثنين ووحدة راح اختار

لو كلك احبك لو احب كلك



يوسف من طلع يتمشه عانسوان-
صح جرحن اديهن لكن باشوه-
بس انته بطلعتك مالكينه اجفوف-
كمنه انكص ادينه بكل اثر خطوة


نأتي للدارميات

شماتي مو شمات ... شماتي اخوتي
حتى أمي يأهل الناس تتمنه موتي



أرد اسأل العشاق من مثلي مشتاق
بحضني غافي اهواي وابجي من الفراق


بطل وربع جريت كل قصدي أنساك
وتاليهه بآخر بيك بالمزة الكـــــاك


حط باللبن تيزاب ممنون اشربـــــــــــــه
بس لا أشوفك يوم تمشي ويه غربة

الدنيا بس وياي شـَدت عداوة
ولا واحد إمن الناس لجروحي داوه


متعني للعباس أبجي إبحظرتـه
والينكسـر بهواه شنهو جبرتـه



حسره وحدرها احاه وبقلبي لــوعه
كلما اضوق الزاد اركض وازوعه
==========================
أشرب واريـد أنساك واسكر واذكـرك
مو بالعظم ويطيــب بالكًلب كســرك
==========================
كل مرض لامابيك ياخويا محسود
اوحق اليحسدك داخ بعيونك السود
==========================
منك سمعت الاه كثرت جراحـي
وشبيدي خويا اعليك قصوا جناحي
==========================
وين الكفن ينباع يالشايل الخـــــام
عدله أرد أطمها الروح من ظيم الأيـام
==========================
لم جرحك أو للبيت قوم امشي ويـاي
وامشي ابدلال أرجوك لاتشمت اعداي
==========================
اجلد ابممشاي ناحل ترانــــي
خوفي من الشمات مو من زماني

Ro7 7@bEbE
, Fri, 17 Jul 2009 16:52:35 +0200
يسلمووو كلش حلوة
عاشت ايدج:f_th044m_c554c4d:

BaByLoN Angel
, Fri, 17 Jul 2009 22:35:28 +0200
يسلموووووووو ع رد الحلوو

sawsan
, Fri, 17 Jul 2009 23:39:09 +0200
يسلمو عالمقاطع الشعريةالرووووعة
عاشت الايادي وردة
تحياتي

KING of FREEDOM
, Fri, 17 Jul 2009 23:48:15 +0200
ححححححييييييييييييييييياااااااااااك

Storm_girl
, Sat, 18 Jul 2009 00:33:07 +0200
يسلمووو على الموسوعه عاشت الايادي

flower81
, Sat, 18 Jul 2009 02:55:08 +0200
كلام رائع

تسلم الايادي ورده

تحياتي

لعيونها
, Mon, 20 Jul 2009 03:56:51 +0200
عاشت الايادي حبيبي

على الاشعار الرائعه

ربي مايحرمنا منك ومن يمينك

التي تطرح لنا المواضيع الرائعه

BaByLoN Angel
, Tue, 21 Jul 2009 15:06:19 +0200
شكراا لمروركم الحلووووووو

بنت الرافدين
, Tue, 21 Jul 2009 22:44:06 +0200
عاشت الايادي ع الموضوع الحلووو

DoOoOdY.F
, Tue, 21 Jul 2009 22:53:58 +0200
يسلممموووووووووووووووا

عيون عراقيه
, Sat, 25 Jul 2009 20:51:39 +0200
عاشت الايادي كلش حلوات

● « رامـ,,ـي ألميـ,,ـالـ,,ـي» ●
, Sat, 25 Jul 2009 21:33:37 +0200
شعر جميل جدأ وماكو أحلى من الشعر العراقي الاصيل

عاشت الايادي غاليتي

تحياتي

الشاعر ألانيـق

رامـي ألمـيالـي