المساعد الشخصي الرقمي

مشاهدة النسخة كاملة : مقدمة عن برمجة المعالج8086 بلغة الاسمبلي



The Puni$her
, Sun, 15 Apr 2007 20:46:19 +0200
هلو شباب

شلونكم

هذا الموضوع سويتة الكم طعا مأخوذ من المادة الي درستهة بالكلية و بعدين سويتلهة تنقيحات و اضافات من عندي يعني على الي افتهمتة من الموضوع اتمنى يعجبكم الشرح



برامجيات نظام الكومبيوتر

تقسم برامجيات نظام الكومبيوتر الى :-

1- نظام التشغيل :- وهو البرنامج الذي يسيطر و يدير استخدام العناصر المادية لتنفيذ مجموعة من العمليات وهو ما يعرف بالOperating System


2- برامجيات التطبيق :- برامج تكتب لتنفذ من قبل المستخدم مثل الالعاب و البرامجيات المختلفة و هو ما يطلق عليه بال Application Programs


3- لغات البرمجة :- هي البرامجيات التي تمثل البرامج المكتوبة للحاسبة لتنفيذ مهام محددة و البرامج التي تكتب يمكن ان تكون واحدة من التالي :-

1- اللغة الثنائية Binary Code

2- اللغة الستية (النظام السداسي ) Hexadecimal

3- اللغة الرمزية Symbolic Code

4- اللغة ذات المستوى العالي High Level Language


هناك فرق بين اللغة الرمزية او ما تعرف بال Low Level Language اي اللغة ذات المستوى الواطئ و اللغة ذات المستوى العالي و ذلك في كون اللغة الرمزية يمكنها التخاطب مباشرة مع مكونات النظام المادية من خلال ايعازات و رموز محددة حيث يمكنها ان تتخاطب مع اية جزء او مواقع ذاكرة متنوعة لكن اللغة ذات المستوى العالي لا يمكنها التخاطب مع عناصر النظام المادية كونها من مجموعة الايعازات التي تكون مفهومة للمستخدم لكنها غير مغهومة من قبل النظام الا بعد ان تتم عملية تحويل للايعازات المكتوبة الى رموز معروفة و مفهومة من قبل النظام.

المعمارية الداخلية للمعالج 8086

المعمارية الداخلية للمعالج 8086 توصف اداء عناصره الداخلية و كيفية تداخلها مع بعضها البعض
يقسم المعالج 8086 الى جزئين هما :

1- Bus Interface unit : و هو المسؤول عن تنفيذ كل العمليات المتعلقة بالنواقل مثل جلب الايعازات من الذاكرة و تناقل البيانات بين المعالج و العالم الخارجي

2- Execution Unit وحدة التنفيذ : و تكون مسؤولة عن فتح رموز الايعازات و تنفيذها .

كلا الوحدتين تعمل بالتزامن مع بعضها البعض لتمنح المعالج 8086 عملية التداخل في التنفيذ من خلال تنفيذ الايعازات في نفس الوقت .


وحدة تداخل النواقل Bus Interface Unit : وحدة تداخل النواقل في المعالج 8086 تربط المعالج بالعالم الخارجي حيث انها توفر 16 بت و بأتجاهين من نواقل البيانا و 20 بت من نواقل العنونة .


وحدة تداخل النواقل مسؤولة عن العمليات التالية :

جلب الايعازات
ترتيب الايعازات
أعادة العنونة

جلب ما يعرف بال Operand و خزنه
السيطرة على النواقل





و تتكون وحدة تداخل النواقل من الاجزاء التالية :
1- Segment registers and instruction pointer
2-object code
3- address Summer
4- bus control logic

و أنشاء الله انزللكم التكملة قريبا

تحياتي

The Puni$her

iso knight
, Sun, 15 Apr 2007 20:53:43 +0200
عاشت ايدك صطوفي
طبعا هاي قسم منها العام أخذتها
بس هذني ما اعرفهن



3- اللغة الرمزية

Symbolic Code



4- اللغة ذات المستوى العالي

High Level Language




اذا أكو شرح عليهن جيبه

شكرا يا ورده
والله مبين عليك خوش فيترجي مال حاسبات

A H M E D
, Sun, 15 Apr 2007 20:53:46 +0200
اكلك جا بويه مال تبرمج اغنيه متل على الكسس مددري سمبلي مدري مااعرف شسمه خخخخخخخخخخخخخخخخ عاشو والله عاشو حب قبلاتي الشنيعه هع

*PΪŋkĐ@ïşŶ*
, Sun, 15 Apr 2007 21:07:59 +0200
هاي شنووو !!
شهالشناعة هاي :173:
The Puni$her عاشت ايدك الموضوع كوولش حلوو ..ومفيد للمبتدئين

The Puni$her
, Sun, 15 Apr 2007 21:58:10 +0200
عاشت ايدك صطوفي

طبعا هاي قسم منها العام أخذتها
بس هذني ما اعرفهن



3- اللغة الرمزية
Symbolic Code



4- اللغة ذات المستوى العالي
High Level Language




اذا أكو شرح عليهن جيبه


شكرا يا ورده
والله مبين عليك خوش فيترجي مال حاسبات



عاااااااااا صديقي الشنيع طبعا اكو شرح

ادخل هنا و شنع براحتك
http://www.mriraq.com/vb/showthread.php?t=2979 (http://www.mriraq.com/vb/showthread.php?t=2979)

تحياتي الشنيعة

The Puni$her
, Sun, 15 Apr 2007 22:00:06 +0200
شوكرن حبايب على المرور

شوكرن حمود و ياريت لو اعرف طريقة انبرمج بيهة الرابجية و انسويهم متلية خخخخخخخ

شوكرن بنكي على المرور
و انشاء الله يستفاد الكل من هذه المعلومات

A H M E D
, Mon, 16 Apr 2007 09:23:50 +0200
هههههههههههههههههههههههههههههههههههههههههههههههههه ههههههههههههههههههه جرب جرب بلكي تلكي ههههههههههههههههههههههههههههههههههههههه

The Puni$her
, Mon, 16 Apr 2007 23:50:55 +0200
ساحاول صديقي الشنيع سأحاول

|̲̅ ̲̅بـ̲̅و̲̅و̲̅و̲̅ ̲̅|
, Sat, 21 Apr 2007 02:28:54 +0200
اخويا تر اللي انت شارحه اصلا موجود بالمشاركة مالتي مال برنامج دراسة لغة الاسمبلي
وبالنسبة للشرح تر كلش حلو ومرتب وياريت لو تحط شي جديد يفيد مو انه احد ما يقراه وبس يكلك مشكور عالشرح الحلو ف انصحك تنزل شي يكدر احد يدرسه بالجامعة او المدرسة وانت تحط الشرح الوافي عنه
تحياتي الك

The Puni$her
, Sat, 21 Apr 2007 16:07:42 +0200
مشكور وردة فلافل على المرور
وبالنسبة للمواضيع

هذه اللغة دتدرس بالجامعات بالعراق بعد ما اعرف الحال بالنسبة للجامعات خارج العراق

و تفيد اهل هندسة الكومبيوترو الاتصلات هنا كلش لان من المواد الاساسية عدنة بالدراسة

و اني هم انصحك انه مو تنزل مواضيع من غير منتديات او كودات اذا العضو ميعرف شلو يستخدم الكود وين ايحطة و يفتهم اسس و خطوات العملية البرمجية معناتهة انت كلشي ما سويت لازم خطوة خطوة بالبرنامج تنشرح حتى توصل الفكرة للمقابل

تحياتي الك