المساعد الشخصي الرقمي

مشاهدة النسخة كاملة : طلبات المستريه



MeMoOo IRaQIa
, Wed, 26 Nov 2008 00:04:56 +0100
مرحبا شونكم مستريه شخباركم ان شاء الله مناح


اليوم حبيت اسويلكم موضوع


الي هو طلبات المستريه


انو كل وحده او واحد يريد اكله يجي يطلبها


وان شاء الله منقصر


واي شي تحتاجو اني بالخدمه


اختكم امورة

ღ Ťį́́' ǺмΌ ВĔŁŁâ ღ
, Mon, 01 Dec 2008 04:02:44 +0100
http://i10.glitter-graphics.org/pub/501/501020f4zbhp2ykz.gif


موضوع مميز قلب عاشت ايدج

alprince_creso
, Sun, 07 Dec 2008 23:30:49 +0100
طريقة عمل الدولمة
خخخخخخ

MeMoOo IRaQIa
, Mon, 08 Dec 2008 01:33:44 +0100
تدلل هاي الطريقه
المقادير:

- للحشو :
بصل مفروم ناعم
ثوم مفروم ناعم
خضرة منظفة و مغسولة و مفرومة ناعماً (بقدونس , نعناع , شبنت )
لحم مفروم
لية (شحم غنم مفروم)
معجون طماطم
ملح
بهارات
فلفل اسود
تمر هندي منقوع و مصفى جيداً
شراب رمان
عصير ليمون

بصل صحيح
بطاطا
باذنجان
فلفل اخضر
طماطم
باقلاء خضرة
ورق عنب او اوراق سلق
كوسا
قطع لحم غنم ويفضل الضلاع (الكوستليتة)
زيت نباتي


الطريقة:

- تحضير الحشو :
- اخلطي اللحم المفروم و البصل و الثوم و الخضار المفرومة في وعاء , تبلي بالبهارات و الملح و الفلفل و المعجون و قليل من الزيت و عصير الليمون و شراب الرمان و التمر هندي و اخلطي الكل جيداً .

- تحضير الخضار :
- قومي بازالة القشرة الخارجية للبصل ثم شرحي البصلة طولياَ و ابدئي باخراج طبقات البصل بحذر حتى لا تتشقق .
- قشري البطاطا و احفريها ثم احداثي ثقوب بها , اغسليها ثم امسحيها بالملح باصبعك مع ابقاء الراس حتى تغطيها بعد الحشو , كرري العملية مع الباذنجان (بدون تقشيره) و الكوسا .
- قصي راس الطماطم مع ابقاء جانب متصل بها و كذلك الفلفل الاخضر .
- اغسلي اوراق العنب او السلق و ضعيها في ماء ساخن .

- تطبيق الوصفة :
- حضري القدر الذي ستضعين الدولمة فيه , ضعي زيت في قعر القدر ثم ضعي شرائح لحم الغنم و تبليها بالملح و البهار , ضعي الباقلاء , احشي البصل و ضعيه أولاً ثم ضعي ثم الباذنجان و البطاطا و الكوسا و الفلفل و ورق العنب او السلق بعد حشوها و اخيرا ضعي الطماطم .
- ضعي القدر على النار حتى تمتص الخضار ما فيه من سائل ثم اضيفي ماء ساخن ممزوج بمعجون الطماطم و القليل من الملح و ضعيه على نار متوسطة مع وضع صحن زجاج فوق الدولمة كي تحتفظ الخضار بشكلها , دعي القدر على النار و غطيه و دعيه حتى تنضج الخضار .
- بعد ان تمتص الخضار ما فيها من ماء ضعيها على نار هادئة ثم ارفعي الغطاء جانبا و دعها حتى تبرد قليلاً .
- ضعي صينية اكبر من محيط القدر فوق القدر ثم اقلبي القدر بحذر و ارفعيه بهدوء و قدميها ساخنة .

alprince_creso
, Mon, 08 Dec 2008 01:39:14 +0100
سويتها بس صارت شوية مالحة
والرجال بي ضغط
ممنونين عيوني على هل الوصفة
وعاشت ايديج

ocean girl
, Thu, 18 Dec 2008 16:23:49 +0100
حبيبتي شكرا عالموضوع واتمنى اعرف وصفة مجربه للكيكه الاسفنجيه اذا مابيها زحمه واكون شاكرة

MeMoOo IRaQIa
, Fri, 19 Dec 2008 01:50:41 +0100
المقادير
5 بيضات
كوب طحين منخول مع ملعقة بيكنج بودر
رشة فانيلا
ثلاثة أرباع كوب سكر مطحون
.
الطريقة

نخفق البيض بالخفاقة الكهربائية(او مضرب البيض اليدوي) لمدة دقيقة ثم نضيف عليه السكر المطحون ونخفقه لدقيقة أخرى ونضيف إليه رشة الفانيلا, .

الآن تدريجيا نضيف الدقيق المنخول مع البيكنج بودر مع استمرار الخفق بدرجة منخفضة حتى يتم خلط الخليط جيدا .

ثم ندهن القالب(أو الصنيه) المعدة لخبز الكيكة بقليل من الزيت ونرشه بقليل من الدقيق ونسكب خليط الكيكة فيه وندخله في فرن كنا قد سخناه من قبل على الأقل بعشر دقائق .
وتبقى في الفرن لمدة تتراوح بين 20 إلى نصف ساعة .
.
مع الأخذ في الاعتبار انه لا يجب فتح الفرن مطلقا على أي نوع من أنواع الكيك قبل مرور ربع ساعة على دخولها للفرن لأنه إذا قمنا بذلك سيؤدي إلى هبوطها .
.
وللتأكد من أن الكيكة نضجت: نأتي بعود أسنان وندخله في الكيكة من المنتصف إذا خرج العود نضيفا فذلك يعني أنها نضجت .


وتدللين جبي اني بالخدمه

Super Sam
, Mon, 22 Dec 2008 04:06:59 +0100
هلووووو ميمو شلونج

ما ادري اني اخاف من هاي المنتديات لانه مرة طبيت نزلت موضوع جان ينكدوني والتعليق المنتدى مو مال زلم خخخخخخخخخخخخخخ
بحيث فشلت وسويت اكنور للمنتدى عاااااااااااااااااا

اريد اتعلم شلون اسوي برياني

طالب وكاعد وحدي وامي مو يمي وعايش بضيم

وياريت وياها الجلفراي لانه دا ارول على جلفراي ودم المغدور ذا الي مات ولو متشوفي نلاه ذااك هناك مات مو بجدر الجلفراي عاااااااااااا

MeMoOo IRaQIa
, Mon, 22 Dec 2008 04:30:19 +0100
المقادير 4 كوب رز نصف دجاجة مسلوقة (مع الاحتفاظ بماء السلق) 4 حبات بطاطس مسلوقة كوب بازلاء مسلوقة 4 بيض مسلوق بهارات، هيل، نومي بصرة مطحون (لومي مطحون)، فلفل أسود، كمود، فلفل أحمر، دارسين، ملح، قرنفل 2 سن ثوم وبصلة صغيرة مفرومة زيت


الطريقة يسلق الدجاج على أن يبقى من ماء الدجاج أربعة أكواب وضعيه جانباً. .1 يغسل الرز ويضاف القليل من البهارات إلى ماء الدجاج. .2 يسيح الزيت ويضف إليه ماء الدجاج ويغلى ثم يضاف الرز إليه إلى أن ينضج. .3 الحشو: يقلى الدجاج ويقطع ويخلى من العظم. .4 تقلى البطاطا والبيض المسلوق في الزيت المتبقي . .5 يفرم البصل والثوم ناعماً ويحمر في الزيت المتبقي. .6 تضاف البازلاء المسلوقة وتقلب لمدة دقيقتين ثم يضاف البيض والبطاطا والدجاج وتضاف إلى البصل والثوم. .7 تذاب الكمية المتبقية من البهارات في ربع كوب ماء ثم تضاف للخليط(الحشوة)، وتقلب لمدة 5 دقائق إلى أن تنشف. .8 ثم تضاف إلى الرز وتخلط جيداً وتوضع على نار هادئة. .9


وتدلل ورده

MeMoOo IRaQIa
, Mon, 22 Dec 2008 04:35:15 +0100
طريقة عمل الجلفراي
نفرم البصل والبطاطا والفليفلة الخضرة والطماطا


http://www.3tt3.net/up4/get-3-2008-jqrlb78k.jpg

نقطع اللحم مكعبات وسط

http://www.3tt3.net/up4/get-3-2008-zu1kaeda.jpg
ضعي في جدر قليل من الزيت وضيفي اللحم

http://www.3tt3.net/up4/get-3-2008-8a7la4f9.jpg


ضيفي فوقه كل الخضروات اللي فرمتيها بشكل طبقات
البصل ثم الفليفلة البطاطا ثم الطماطة

http://www.3tt3.net/up4/get-3-2008-iqhaswic.jpg
ضيفي الملح والبهارات اللي تحبيها
وحوالي ربع كأس ماء
اغلقي الجدر واتركيه على نار هادئة
لمدة 25 دقيقه
حتى تستوي

http://www.3tt3.net/up4/get-3-2008-naxyg6jg.jpg
الطبق بعد ما نضج

http://www.3tt3.net/up4/get-3-2008-zj20yfk6.jpg

يقدم مع السلطة والطرشي

http://www.3tt3.net/up4/get-3-2008-pqrzu79d.jpg


ونسيت اكيد مع الصمون

Super Sam
, Tue, 23 Dec 2008 20:57:59 +0100
مشكووووووووووووووووووووووووور وردة وبارك الله بيج المفروض اصيحلج ماما

بس مو هوايه تحطين بيض سلك ترى البيض السلك لعبان نفس فوكاها احطة ويه التمن

الجلفراك اذا ماكو صمون وطرشي ميتقدم ؟

يتأخر ؟ خخخخخ

لا وردة اتشاقه وياج

مشكور وتعبتج ويايه

MeMoOo IRaQIa
, Wed, 24 Dec 2008 23:39:56 +0100
يدللو بلاوي واي شي تحتاجه
اني موجوده
بس كول راسا اكتبلك الطريقه
ويدللو:z043:

شهرزاد
, Sun, 04 Jan 2009 19:24:19 +0100
سلامون عليكم صبايا
شلونكم ..انشاء الله زينين
:f_catgirl06m_ab4932
أريد اطلب طلب زغيروني بس ماريييييييييييدكم تفشلووووووووووووووني
:matrix 6:
أريد تسألون بيبياتكم أو أحد جبير كولش على مقادير فد أكلة
هيه عبارة عن برتقال ويكشرون البرتقال وياخذون الكشر مالته ويبرشو وينكعون الكشر مالته بالمي والشكر وبعدين يسوون شيرة ويحطون بيها برتقال و .... الباقي مداعرفة:medium-smiley-033:
اذا تكدرون تجيبولي الطريقة الصحيحة من البداية

وعاشت أيدكم مقدماً
ودومتم ساليمون
^_^

MeMoOo IRaQIa
, Mon, 05 Jan 2009 05:15:45 +0100
http://up.3ash8.com/upimg3/w5613440.gif (http://up.3ash8.com/)
http://up.3ash8.com/upimg3/KzE13493.jpg (http://up.3ash8.com/)
المقادير
2كيلو برتقال ناخذ منهم القشر
4كوب سكر
3ملعقة عصير ليمون
3كب ماء لسلق البرتقال
عصير 2برتقالة
يبشر قشر البرتقال ويسلق نصف سلق ثم ينشل
يضاف السكر لماء السلق ثم عصير البرتقال ثم عصير الليمون
يرفع عالنار ويترك فترة ثم يضاف قشر البرتقال
يستمر الغليان حتى ينضج ويمكن معرفة ذلك عندما يصبح السائل سميكا وتخرج منه فقاعات يرفع من النار ويرك ليبرد ويعبا




وتدللين اني بالخدمه ورده واذا مو هاي الي ابالج كوليلي
نووووورتي

شهرزاد
, Mon, 05 Jan 2009 18:21:02 +0100
شووووووووووكرن حوبي
ان شاء الله اجازيج بيوم عرسج أجيبلج شهريار يهز ركَبه :f_cuteturtlem_bf6b0
شوكرن كولش كولش كولش هوايه
^_^

MeMoOo IRaQIa
, Mon, 05 Jan 2009 23:39:30 +0100
تدللين حبي

ڗ ﯘ ﻋـﺔ ٵڵـﻣﺸـاﻋـر
, Mon, 19 Jan 2009 16:09:31 +0100
مرحيا عيوني

شلونكم

عندي فد طلب اكلة

اتصور اسمها عروك الموضل هيجي شي هية مكوناتة برغل ولحم ومدري شنو

ويحطوها بالفرن

وبس

تحياتي

MeMoOo IRaQIa
, Mon, 19 Jan 2009 22:56:48 +0100
المقادير :


كوبين و ربع جريش
ثلاثة ارباع كوب ماء
قليل من الملح
نضع الجريش في اناء مرتفع الجوانب و نرش عليه الماء و نعجنه قليلا و يجب ان نوزع الماء على الجريش كله يعني منصبه بوسط الوعاء و انما على كل جوانبه حتى الجريش كله يتشرب الماء و لا تبقى حبيبات قاسيه و نضيف كميه قليله من الملح على العجينه و نعجنها قليلا و نسويها كتله وحده و نغطي الوعاء و نتركه 3 ساعات

ثانيا نجي للحشوه
لحم مفروم
باقة كرفس مفروم فرم ناعم
بصله كبيره مفرومه فرما ناعما
ملح قليل من الفلفل الاسود
و ملعقة اكل بهارات الكاري
نخلط كل هذه المقادير

بعد ما تركنه الجريش 3 ساعات نعجنه مره اخرى و نجيب ماعون بيه طحين ابيض
نسوي من الجريش عدة كرات محشوه بالحشوه الي سويناها (كانه دنسوي كبه و نحشيها حشوه)
و نضع هذه الكرات على الطحين(كرات كبيره نوعا ما)كمية الجريش هذه قسميها الى 3 كرات

نجيب صينيه نخلي بيها شوية زيت و نرش شوية طحين و نفرش كره وحده (كل كره نفرشها على صينيه)
من نفرشها نحاول انه ميطلع الحشو من الجريش و اذا طلع شويه مو مشكله و لازم تكون ايدنه شويه رطبه حتى يسهل الفرش بدون تفكك الجريش
و ندهنها بشويه صلصة معجون مخبوط مع ماء و زيت

و نخلي الصينيه بالفرن(درجة حراره متوسطه)النار من تحت تكون مشعوله الى ان تستوي من تحت
تقريب ثلث ساعه بعدين نقلبها على نفس الصينيه و نرجعها للفرن لتتحمر قليلا
تقريب 10 دقائق مع مراقبتها لكي لا تحترق
و بعد ذلك اقلبيها على صحن و بالهنا و الشفا

هذه كميه ل 3 صواني بحجم البيتزا المتوسطه

شهرزاد
, Wed, 21 Jan 2009 00:02:25 +0100
هلو خالتو ..شلونكي ان شاء الله زينة
أكو اكلة اسمها محروك اصبعه أريد مقاديرها
واذا سويتها طيبه رح ادزلج منها ماعون
وألف عافيه

^_^

ڗ ﯘ ﻋـﺔ ٵڵـﻣﺸـاﻋـر
, Wed, 21 Jan 2009 13:23:06 +0100
مشكور حوبي ميمو وان شااءلله اسويها يوم الجمعة

تحياتي

MeMoOo IRaQIa
, Thu, 22 Jan 2009 15:41:03 +0100
هلاو
اكله المحروك اصبعه

راس بصل مثروم ناعم ويقلي في الزيت ثم يضاف عليه
بهارات مشكله ومعجون طماطه وماجي وشويه ملح
بعدين تضيفين علي مي وتخلي عالنار الى ان تشوفين الصوص صار شويه ثخين
وراها انتي تحضرين الخبر ويكون مقطع قطع صغيره وتضيفي عله الصوص
وراها تخلي شويه عالنار الى ان تشوفين الخبز امتص الصوص كله
وراها تشيلي من النار وهاهيه

والف عافيه

miss twilight
, Sun, 08 Mar 2009 15:30:31 +0100
هلوووووووووو ياورده اريد اي طريقه حلويات طيبه كلش كون انتي مجربتها بس متكون هاي الحلويات المعروفه اريدها غريبه شويه يمكن شويه طلب صعب سوري حياتي من مليت من الروتين

ღܓܨw@nk$ܓܨღ
, Mon, 20 Apr 2009 15:09:46 +0200
هلوووووووووووووووو
اذا ممكن اريد طريقة عمل سلطة اللهانة(اشتريت لهانة حمرا ومااعرف شسوي بيها خخخ)

مها
, Sun, 10 May 2009 00:35:25 +0200
طريقه اعمل صلصه اليتز:f_faepinkrosem_e086

Clooney
, Wed, 13 May 2009 14:42:56 +0200
هو بنات..اكلت بمطعم جاينيز فود اكلة جان اسمها سيزلن جكن(دجاج وخضار وصويا صوص)
وبصحن ثاني جان اكو نودلز..ممكن احد يعرف الطبخة حتى اخلي ام الجهال تسويها

Clooney
, Tue, 19 May 2009 02:36:41 +0200
وان شاء الله منقصر



واي شي تحتاجو اني بالخدمه




اختكم امورة


عيني امورة مو كتلنا الحوع وماكو رد؟؟؟؟؟؟؟؟؟؟؟؟؟؟

MeMoOo IRaQIa
, Sat, 23 May 2009 00:49:24 +0200
هلاو شلونكم
طبعا سوري عالتاخير بالرد وسوري عالانقطااع
بس ان شاء الله اني هسه رجعتلكم واي شي تحتاجو اني بالخدمه