هل تؤمن بالابراج.... مع الفلكي علاوي بلاوي

[علاوي ابو البلاوي]

هلو شباب....


اليوم راح افتح نقاش هنا واتمنى الكل تشارك.............. هل انت او انتي تؤمن او تؤمنين بالابراج؟

واريد السبب واذا اكو حادثة معينة اتمنى اسمعها واني وياكم وراح نوصل ان شاء الله لنقاط جديدة ممكن تفرز هوايه معلومات واخبار اخرى




تحياتي وانتظر ردودكم
بعد اذن المشرفة اتمنى تثبتلي الموضوع حته يتسنى للكل يشاركون بي

علاوي بلاوي

[iraqhack]

والله اني ما أأومن بل ابراج


كلها كلاوات


اشو اني هذاك اليوم يلا عرفت برجي


وشيكولون يطلع كله جذب


حرام حرام


وكلهن نفس الحجي بس مغيرين شويه بي


خلات خليل براهيم لازم الشرقيه طول وعرض ويجذب بروس العالم

والبنات مكيفات مصدكات بل ابراج

ربهن دينهن الابراج اويلي


ما أأومن


تحياتي

[RaNoOoSh87]

ههههههههههههههههههههه
ورده علاوووي اني بالنسبه اليه ما اامن بالابراج احسها خرافات و بس مرات اكو ناس تحسهم يحجون صدك بس هاي الي بالجرايد و المجلات كذب و تصفيط حجي فمادري اني اكول واحد لا يعرف الي جاي احسنله هع هع........
هذا رائيي نيااااااااااا........

[علاوي ابو البلاوي]

والله اني ما أأومن بل ابراج



كلها كلاوات


اشو اني هذاك اليوم يلا عرفت برجي


وشيكولون يطلع كله جذب


حرام حرام


وكلهن نفس الحجي بس مغيرين شويه بي


خلات خليل براهيم لازم الشرقيه طول وعرض ويجذب بروس العالم


ما أأومن



تحياتي




مدا احجي على هذوله الي يطلعون بالتلفزيون ابو جاسم...

انت قاري عن الموضوع؟

تره علم الفلك والابراج يوديك الى مكان هو فد ترابطية وتسلسل للأجرام السماوية من صنع الخالق عز وجل يعني لتتصور الموضوع لعبة

[vampira]

لا م اؤمن بيهه بس اتونس عليهه واحب اقراها
وما انكر انو اكثر الكلام بالابراج ينطبق على صاحب هالبرج واني منهم هع هع تقريبا كل الصفات ببرجي موجوده بشخصيتي ..
بس بالنسبه الي يبقه وسيلة تسليه و معرفه عن الشخص المقابل لا اكثر ولا اقل

[علاوي ابو البلاوي]

ههههههههههههههههههههه

ورده علاوووي اني بالنسبه اليه ما اامن بالابراج احسها خرافات و بس مرات اكو ناس تحسهم يحجون صدك بس هاي الي بالجرايد و المجلات كذب و تصفيط حجي فمادري اني اكول واحد لا يعرف الي جاي احسنله هع هع........

هذا رائيي نيااااااااااا........





المستقبل غير ملموس وقابل للتغيير

و جملة ال حذر ينجي من القدر مغالطة للواقع و نظرية القضاء والقدر ولكن اكو شي ممكن يغير القدر الا و هو الدعاء الى الله عز وجل الي يغير بمشيئه الله المستقبل

معرفة المستقبل القريب او البعيد تخلينه نحاول نتجنبه بأي طريقة من الطرق والتنجيم الصحيح ما ينظر الى المستقبل البعيد جدا وانما للمستقبل القريب ان صح التعبير بحيث نحاول نغيرة بالطرق البيضاء والي ما تتنافى مع تعاليم الديانات السماوية

والتنجيم شي مرتبط بعالم السحر و الي مذكور بالقران الكريم و كل الكتب السماوية الأخرى


تحياتي

[ღ CµТ£ ROMANC£ B£LLA AZZŰRRi ღ]

شكرا عالموضوع الحلو علاوي

اني كلش احب الابراج واؤمن بها اكيد

لان برجي يحجي عني اني

عن حالتي عن يومياتي

واكثر الاشياء صحيحة

واني دائما اتابع الابراج

[White-D.T]

مشكور اخوي علاوي على الموضوع
........
اني الصراحة ما اؤمن بالابراج
لان لا يعلم الغيب الا الله و ما اتصور ان للنجوم العلاقة
باحداث ممكن اتصير او صارت
و شكرا

تقبل فائق احترامي

[علاوي ابو البلاوي]

لا م اؤمن بيهه بس اتونس عليهه واحب اقراها

وما انكر انو اكثر الكلام بالابراج ينطبق على صاحب هالبرج واني منهم هع هع تقريبا كل الصفات ببرجي موجوده بشخصيتي ..
بس بالنسبه الي يبقه وسيلة تسليه و معرفه عن الشخص المقابل لا اكثر ولا اقل




لكل برج 3 اوجه حسب نوع الجرم السماوي الداخل عليه ساعة الميلاد ولهذا ممكن ما تنطبق عليج صورتين من الصور لكن يجب ان تنطبق الثالثة واتمنى تراجعين كتاب ابو معشر الفلكي للأبراج

[HaReTh Al WaSiTy]

كذب المنجمون ولو صدقوا
يمه يمه هيه مال ابراح بهل الزلك يمعودين
لا اني ما اؤؤمن بالابراح نهائيا نهائيا نهائيا
بس اكيد اكو تنبئات ما ادري مرات تصير صحيحه بس الشي الي أؤمن بيه هوة العقل الباطن ..... ثانيا علاوي ما اعتقد انه الاجرام السماويه والي هيه كواكب ممكن تغير شي حي او حتى تصرف او طريقه عيش
هذا رأيي وشكرا

[علاوي ابو البلاوي]

شكرا عالموضوع الحلو علاوي



اني كلش احب الابراج واؤمن بها اكيد


لان برجي يحجي عني اني


عن حالتي عن يومياتي


واكثر الاشياء صحيحة



واني دائما اتابع الابراج




شكرا على مرورج كيوت رومانس الوردة واحب اعقب على كلامج انه مو كل المنجمين يحجون عن علم ودراية اكو ناس دخلاء على هذا العلم ولكن هو علم ويدرس في كثير من الانحاء والجامعات ويرتبط بال astrology

[علاوي ابو البلاوي]

مشكور اخوي علاوي على الموضوع

........
اني الصراحة ما اؤمن بالابراج
لان لا يعلم الغيب الا الله و ما اتصور ان للنجوم العلاقة
باحداث ممكن اتصير او صارت
و شكرا



تقبل فائق احترامي





ربك سبحانة وتعالى يكول في القرآن الكريم

كذب المنجمون ولو صدقو

راح اتركك تناقش ويه نفسك العبارة الي جواها خط

[iraqhack]

مدا احجي على هذوله الي يطلعون بالتلفزيون ابو جاسم...

انت قاري عن الموضوع؟

تره علم الفلك والابراج يوديك الى مكان هو فد ترابطية وتسلسل للأجرام السماوية من صنع الخالق عز وجل يعني لتتصور الموضوع لعبة



علاوي رحمه لدينك الخالق شعليه
كلشي ونكول الخالق
لو تحجي عل باراسايكولوجي اني قاري عليه ويجوز اكثر منك وهذاك علم وحد

بس مال الابراج ولان المريخ هيجي مسار ومدري شنو شجاب المريخ عليك

شنو بي جاذبيه يجذبك

والله كلاوات بس الباراسايكولوجي وحد

[علاوي ابو البلاوي]

كذب المنجمون ولو صدقوا
يمه يمه هيه مال ابراح بهل الزلك يمعودين
لا اني ما اؤؤمن بالابراح نهائيا نهائيا نهائيا
بس اكيد اكو تنبئات ما ادري مرات تصير صحيحه بس الشي الي أؤمن بيه هوة العقل الباطن ..... ثانيا علاوي ما اعتقد انه الاجرام السماويه والي هيه كواكب ممكن تغير شي حي او حتى تصرف او طريقه عيش
هذا رأيي وشكرا



ماكو شي اسمه عقل باطن

اكو شي اسمه القرين

و هو الجن المقابل الك بالعالم الاخر عالم الجان ...اتمنى تراجع الموضوع
والي يفصل بينك وبينه مقياس القوة بين العالمين


اما عن الابراج انت متصدك بيها اني اكلك ليش لسبب انه ما شاء الله صارو المنجمين على افى من يشيل

فلان وفلان وفلان وفلان

[علاوي ابو البلاوي]

علاوي رحمه لدينك الخالق شعليه
كلشي ونكول الخالق
لو تحجي عل باراسايكولوجي اني قاري عليه ويجوز اكثر منك وهذاك علم وحد


بس مال الابراج ولان المريخ هيجي مسار ومدري شنو شجاب المريخ عليك


شنو بي جاذبيه يجذبك



والله كلاوات بس الباراسايكولوجي وحد



اخي شنو شجاب المريخ عليك؟ هذا علم

ساعات دخول الكواكب كلش مهمه


ممكن تكلي ليش الشهر الهجري يبدي بدخول القمر ميلاد جديد؟

[ღ CµТ£ ROMANC£ B£LLA AZZŰRRi ღ]

شكرا على مرورج كيوت رومانس الوردة واحب اعقب على كلامج انه مو كل المنجمين يحجون عن علم ودراية اكو ناس دخلاء على هذا العلم ولكن هو علم ويدرس في كثير من الانحاء والجامعات ويرتبط بال astrology




تدلل علاوي اني اموت على علم النفس

واعترف بي كلش

ما اعترف بالمنجمين لا اكو اختلاف بالموضوع

بس الابراج اني اؤمن بيها لانها

تميز من بين البشر

تدري وحدة كرايبي عدها كتاب ابراج قديم كلش قوي

صدكني كل كلمة بي صحيحة

لان من قريته اتخبلت وكلت فعلا هذه اني

[علاوي ابو البلاوي]

تدلل علاوي اني اموت على علم النفس


واعترف بي كلش


ما اعترف بالمنجمين لا اكو اختلاف بالموضوع


بس الابراج اني اؤمن بيها لانها


تميز من بين البشر


تدري وحدة كرايبي عدها كتاب ابراج قديم كلش قوي


صدكني كل كلمة بي صحيحة



لان من قريته اتخبلت وكلت فعلا هذه اني




ممكن تجيبيلي اسمة اذا تكدرين؟؟؟ اني مخبل مال هيجي سوالف

[HaReTh Al WaSiTy]

ماكو شي اسمه عقل باطن


اكو شي اسمه القرين


و هو الجن المقابل الك بالعالم الاخر عالم الجان ...اتمنى تراجع الموضوع
والي يفصل بينك وبينه مقياس القوة بين العالمين



اما عن الابراج انت متصدك بيها اني اكلك ليش لسبب انه ما شاء الله صارو المنجمين على افى من يشيل


فلان وفلان وفلان وفلان





زين انطيني فد دليل علمي واحد على هذا الي حجيته ؟؟؟؟؟ ما اعتقد اكو هيجي شغلات صح اكو جن بس مال قرين والهة علاقه
علاوي الانسان مخير ومسير بس بتشابك غريب وما اعتقد الله خلق العقل العظيم وخله حياة الانسان مرتبطه بشي اسمه جماد !!!!! (( كوكب او جرم سماوي او حتى قرين )) على كل اني راح اقره الموضوع لان يعجبني اتعلم اكثر واكثر بس هذا رأيي الي ميتغير ...... ماكو شي بالحياة يصير بدون دلالة علميه وشكرا

[ღ CµТ£ ROMANC£ B£LLA AZZŰRRi ღ]

ممكن تجيبيلي اسمة اذا تكدرين؟؟؟ اني مخبل مال هيجي سوالف



تدلل هسه اجيبك اسمه علاوي جاري الاتصال :10:

[علاوي ابو البلاوي]

زين انطيني فد دليل علمي واحد على هذا الي حجيته ؟؟؟؟؟ ما اعتقد اكو هيجي شغلات صح اكو جن بس مال قرين والهة علاقه
علاوي الانسان مخير ومسير بس بتشابك غريب وما اعتقد الله خلق العقل العظيم وخله حياة الانسان مرتبطه بشي اسمه جماد !!!!! (( كوكب او جرم سماوي او حتى قرين )) على كل اني راح اقره الموضوع لان يعجبني اتعلم اكثر واكثر بس هذا رأيي الي ميتغير ...... ماكو شي بالحياة يصير بدون دلالة علميه وشكرا



اي اجيبلك ادله علمية مثل ما انت تسميها


فرويد مؤسس علم النفس الحديث يربط الشخصية الانسانية ب 3 شخصيات

هو
انا
انا الاعلى


هو : تمثل القرين و هو المتحدث الداخلي الي يضعف من تطلعاتك
انا : نفسك القريبه للشهوات واللذات
انا الاعلى: المثل الذي تود ان تكون على صورته


شوف العلم و الي هو علم النفس ربط فد كلمة اسمها علم مع الروحانيات الي تنص منذ الازل على موضوع القرين


تريد بعد؟

[ღ CµТ£ ROMANC£ B£LLA AZZŰRRi ღ]

عالم الابراج للرجال والنساء خليل البدوي

دار الاسرار


هذا الاسم علاوي

[iraqhack]

اخي شنو شجاب المريخ عليك؟ هذا علم


ساعات دخول الكواكب كلش مهمه



ممكن تكلي ليش الشهر الهجري يبدي بدخول القمر ميلاد جديد؟



لان القمر بكل سنه لازم يطلع بهيج وكت شجاب البرج عليه


بعدين دخول الكواكب بمساراتها كلش مهمه للتغيرات المناخيه والفيزيائيه


الحظ شعليه؟؟ الزواج شعليه؟؟؟ الجهال شعليهم؟؟؟

[HaReTh Al WaSiTy]

تدلل علاوي اني اموت على علم النفس


واعترف بي كلش


ما اعترف بالمنجمين لا اكو اختلاف بالموضوع


بس الابراج اني اؤمن بيها لانها


تميز من بين البشر


تدري وحدة كرايبي عدها كتاب ابراج قديم كلش قوي


صدكني كل كلمة بي صحيحة



لان من قريته اتخبلت وكلت فعلا هذه اني

بالله كيوت يعني انتي تبنين حياتج على مجرد كتاب ؟؟؟ يعني مثلا اذا الكتاب ذكر انه في هذا الشهر الفلاني انت راح يصير عندك هيجي خلص يعني واحد راح يصير بيه هذا الشي
زين ثانيا انتي بمنو تؤمنين اكثر بنفسج لو بالكتاب يعني .... مثلا اذا كال الكتاب انه ابو البرج الفلاني هوة عصبي وممكن ميكون عصبي .... تكدرين تأكديلي ميه بالميه حجي الكتاب صحيح ..؟؟.؟؟.؟.؟. خلص مادام ماكو شي اسمه مو ميه بالميه يعني مو صحيح :36: :58:

[ღ CµТ£ ROMANC£ B£LLA AZZŰRRi ღ]

بالله كيوت يعني انتي تبنين حياتج على مجرد كتاب ؟؟؟ يعني مثلا اذا الكتاب ذكر انه في هذا الشهر الفلاني انت راح يصير عندك هيجي خلص يعني واحد راح يصير بيه هذا الشي
زين ثانيا انتي بمنو تؤمنين اكثر بنفسج لو بالكتاب يعني .... مثلا اذا كال الكتاب انه ابو البرج الفلاني هوة عصبي وممكن ميكون عصبي .... تكدرين تأكديلي ميه بالميه حجي الكتاب صحيح ..؟؟.؟؟.؟.؟. خلص مادام ماكو شي اسمه مو ميه بالميه يعني مو صحيح :36: :58:



ممممممممم

لا مو ابني حياتي

عليها لا

بس احب اقرة عنها هواية

والفلك كلش حلو

[توتة]

اني عن نفسي اؤمن بالابراج كصفات عامه وسلبيات وايجابيات
ومو بكيفي داصرح بس لان اني اعرف من صديقاتي ومن العائلة
انو صفات كل برج تنطبق ع الشخص
اذا مو كلها ف 99% وعلماء الفلك والتنجيم مو جابو الحجي
من نفسهم لا!! استنتجوه من مواقع النجوم او من الحيوان الخاص بالبرج
وطريقه تصرفه وعيشه ورد فعله............
وحتى التوافق بين الابراج صحيحية كلش بس اكو ناس تعجبني طريقة تفكيرهم
واخلاقهم مثلا واحبهم وبرجهم يجوز برجهم ميتوافق ويه برجي كلش
بس هاي مو مشكله اذا اني هيج احبهم اهنا تكون مالها داعي يعني...
اما عن التوقعات فما اؤمن بيها لان العلم عند الله ... وحده
واغلبهم يحجون هذا رح يصير وذاك رح يصير
وهم شمدريهم !!! ونص الحجي مالهم كذب
واذا صار فهذي صدفه مو لكل صاحبي الابراج...


وهاي وجهة نظري
وشكرا علاوي على الموضوع الحلو
:173:

[angel87]

اي اؤمن بيها لانه اشوف الحجي صحيح وهيه مو جذب وترتيب حجي ولتشوفون بس عله ذوله الي يطلعون يتلفزيون ويطفطون حجي لان هذا علم جبير

[عاشقة الساهر]

اني بالنسبة الية اؤمن بالابراج واحبهة كلش هواية وخاصة بالنسبة للصفات والله كل صفاتي نفس برجي وهذولة الي يطلعون بالتلفزيون كل واحد مصفط شكم حجاية وكاعد يحجيهة وذولة ناس ماعدهم شغل وعمل يلعبون بعقول الناس وشكرا على الموضوع

[Angel Sky]

شكراً علاوي على الموضوع الحلو
اني اتابع الأبراج و اشوف دائماً برجي و الصفات الشخصيه و حالتي كلهه اشوفهه صحيحه

[علاوي ابو البلاوي]

اني عن نفسي اؤمن بالابراج كصفات عامه وسلبيات وايجابيات

ومو بكيفي داصرح بس لان اني اعرف من صديقاتي ومن العائلة
انو صفات كل برج تنطبق ع الشخص
اذا مو كلها ف 99% وعلماء الفلك والتنجيم مو جابو الحجي
من نفسهم لا!! استنتجوه من مواقع النجوم او من الحيوان الخاص بالبرج
وطريقه تصرفه وعيشه ورد فعله............
وحتى التوافق بين الابراج صحيحية كلش بس اكو ناس تعجبني طريقة تفكيرهم
واخلاقهم مثلا واحبهم وبرجهم يجوز برجهم ميتوافق ويه برجي كلش
بس هاي مو مشكله اذا اني هيج احبهم اهنا تكون مالها داعي يعني...
اما عن التوقعات فما اؤمن بيها لان العلم عند الله ... وحده
واغلبهم يحجون هذا رح يصير وذاك رح يصير
وهم شمدريهم !!! ونص الحجي مالهم كذب
واذا صار فهذي صدفه مو لكل صاحبي الابراج...



وهاي وجهة نظري
وشكرا علاوي على الموضوع الحلو

:173:




شكرا توتة الورد على الرد وبالنسبه لموضوع التوافق بالابراج اكو مثل لبناني يكول كلشي بالسوق الا المحبة من فوق

وبالنسبه لكل برج اكو عدة وجوه احتمال ما تتوافقين ويه واحد منهن بس ليس بالضرورة يكون عدم التوافق ب كل الوجوة

تحياتي

[علاوي ابو البلاوي]

اي اؤمن بيها لانه اشوف الحجي صحيح وهيه مو جذب وترتيب حجي ولتشوفون بس عله ذوله الي يطلعون يتلفزيون ويطفطون حجي لان هذا علم جبير



اول شي شكرا انجل الوردة على التثبيت ثاني شي اشكرج على تعقيبج فمو كل من تكلم بلغه النجوم يفهمها اكو واحد يطلع عله وحدة من القنوات العراقية الفضائيه الي هو ابو علي اذا شايفيي ياهو الي يخابره يكله تعبان
الناس كلها تعبانة هع

[علاوي ابو البلاوي]

اني بالنسبة الية اؤمن بالابراج واحبهة كلش هواية وخاصة بالنسبة للصفات والله كل صفاتي نفس برجي وهذولة الي يطلعون بالتلفزيون كل واحد مصفط شكم حجاية وكاعد يحجيهة وذولة ناس ماعدهم شغل وعمل يلعبون بعقول الناس وشكرا على الموضوع


الشكر الج عاشقه الساهر الوردة على الرد على الموضوع

تحياتي

[علاوي ابو البلاوي]

شكراً علاوي على الموضوع الحلو

اني اتابع الأبراج و اشوف دائماً برجي و الصفات الشخصيه و حالتي كلهه اشوفهه صحيحه




شجرا انجل سكاي الورد على الرد على الموضوع و التعقيب ...هع هع دا اشوف البنات اكثر من يصدك بالابراج على حساب الولد

[احلاهم واتحداهم]

تسلم ع الموضوع الحلو
واني بالنسبه اليه احب الابراج واؤمن بيهه كصفات لصاحب البرج اما كتوقعات فما اؤمن بيهه بس احب اقراهه

[الوردة السوداء]

مشكور وردة علاوي على الموضوع الرائع
حتى نكدر من خلاله نطلع على اراء الاشخاص الاخرين من خلال هذا الموضوع
بالنسبه الي اني اؤمن بالابراج والفلك والتوقعات لان هو علم اله اول ما اله اخر
حاله حال بقيع العلوم وهو في حاله تقدم مستمر واله محبيه
فمثلا اني اغلبيه صفات برجي تنطبق عليه وبعض من التوقعات كانت صحيحه
............
.....
فليش ما اؤمن واصدك الي اقراه
..
.
تحياتي

[Cute Moon]

عمري كله ما ائمن بالابراج يم عودين تره كلها خرافات هاي من نظري
شكرا على الموضوع

[Mr AnGeL]

والله اني نص ونص ما ادري شنو الي اقوله بس طبعاً الله اعلم وما يعلم الغيب الا الله سبحانه وتعالى ومشكور على طرحك لهذا الموضوع الشيق

[قمر بغدااد]

لا اني عذروني مإأأومن بالابراج

[ألمستبدة]

مساء الخير
اول شي مشكور على الموضوع
اني عن نفسي ماأومن بالابراج
اقراها مجرد حب ستطلاع وللتسلية
تقبل مروري المتواضع

تحياتي
ألمستبدة

[chin chin]

(كذب المنجمون ولو صدقوا)
اكيد الكل سامع بهاي الآيه..
هو اكيد الحجي مالتهم كذب حته اذا كالولك شي وطلع صح
بس الي يقره الابراج للتسليه فهاي شغله عاديه مثلا بالمجلات واحد يقره البرج مالته عادي
بس ميصير الولحد يبرمج حياته مثل ميكول البرج مالته
واكيد كلشي حرام الواحد ميصير يأمن بي
واني ما اامن بالابراج بس مرات اقراها اذا صارت كدام عيني بالمجله اشوف برجي اشديكول وانسه الحجي وره كم دقيقه هههههههه
شكرا علاوي عله الموضوع الحلوووو

[OMARSON!C]

هههههههههههههههه
عمي يا ابراج دكول يا الله وخليها على ربك

[❣ Ё й ď l ë š š ● £ ớ ν ë ❣]

شكراااااااااااا علاوي على الموضوع الحلو
واني بصراحة اؤمن بالابراج لان كل اللي اشوفة ببرجي ينطبق كلة علية
وشكرا مرة اللخ

[sony]

والله اني ما أأومن بل ابراج



كلها كلاوات


اشو اني هذاك اليوم يلا عرفت برجي


وشيكولون يطلع كله جذب


حرام حرام


وكلهن نفس الحجي بس مغيرين شويه بي


خلات خليل براهيم لازم الشرقيه طول وعرض ويجذب بروس العالم


والبنات مكيفات مصدكات بل ابراج


ربهن دينهن الابراج اويلي


ما أأومن



تحياتي



هية مال جذب بهل زلك
هههههههههههههههههههههههههه
ما اامن ابدددددددددد ابدددددددددد ننيفر نيفر

[لمشاهدة الرابط يرجى التسجيل]

[مغثوثة]

اي اؤمن بيها واكو ماغي فرح اقروا توقعاتها شهر بشهر بيها نوع من صحة

[Linux Root]

لا يعلم الغيب الا الله و ما اتصور ان للنجوم العلاقة

[مؤمن]

العالم وين ملتهين بالمولدات والبنات يدورن ابراج اني لا أأمن ولا شي كلة كلاوات الله شافو بالعين لو بالعقل

[- هايـ HaZeL ـزل -]

مع احترامي لكل رأي انكتب حول الموضوع بس علم الابراج بريء من المشعوذين المتملقين الي يدعون المعرفه والدرايه واكو هواي امور انذكرت بالقران وفُسرت اجتهادا وكثير من الايات لازالت مبهمه حين ذكر الله ان المنجم كذب وان صدق فورورد كلمة صدق اي احتمال كون التنجيم حقيقه وليس ادعاء مثل الي نشوفه هالايام
المفروض نفكر بانفتاح ومنربط كل شي بالدين صحيح الدين دستورنا ولازم نتبعه بس امور كصيره لازالت ممعروفه ولازم نتفكر بيها
والانسان من اول يوم بحياته هو مخير الله خلالنه قدر بس احنا مخيرين بقراراتنا وخطواتنا وصحيح كلشي مدروس ومحتوم بس الانسان مو بهيمه ويمشي على خط عنده خيارات بحياته وهو بايده يغير من حياته ومجريات المستقبل بس مو يعتمد على التنجيم ويتواكل عليهم

[S7eR AL-7Ooob]

خخخخخخ
هي مال جذب بهل زلك
اشو اني ما طلعلي التصويت اهئ
يلة مو مشكلة هنا اكول
هي مال جذب بهل زلك هع

عمي جذب × جذب

مشكور خويي على الموضوع الحليو

[sa..er]

مو ايمان بس تصديـــــــــــــــــــــــــــــــــــــــق...... .....

[شهرزاد]

نعني نعني

:134:

[†• Sanfoora •†]

أي نعم أؤمن بالأبراج
شكراً علاوي على الموضوع الجميل

[Zoba al_7lawea]

اني همين مااصدك بس هيجي ونسة واتفاءل بيهة مرات
شكرا علاوي

[برنسي]

ما اؤمن بيهه
كلهن خرافات

[DeNtOsA RaW3a]

مشكور وردة على الاستطلاع
اني بالنسبة الي مااؤمن بالابراج لان الايمان بالله
بس كنت في مرحلة من حياتي اصدق بيها كلش الا ان صارت حادثة الي
بصف سادس اعدادي صديقتي جابت كتاب كارمن تعرفوها الي تطلع على الفيوجر وكان بيها توقعات 2005 فاني رحت على برجي شهر السابع لان النتائج مال السادس بشهر السابع
فقريت التالي(تفشل في تحقيق نتائج لايتوقعها منك الجميع)
طبعا اني من سمعت هل الشي بجي مو طبيعي ورجعت للبيت كتلها لماما طبعا رزلتني وكالتلي انه اني ماعندي عقل ولا ايمان وماعندي ثقة بنفسي
المهم حجيها طلع كله خلط والحمد لله طلعت الاولى على مدرستي ودخلت الكلية الي اريدها
ومن ذاك اليوم واني اطلع على الابراج بس مااصدقها ولو الصفات والايجابيات والسلبيات بالنسبة الي كلها صح
اخيرا اعتذر جدا على الاطالة بس حبيت اكتبلكم تجربتي وية الابراج
الف شكر الك اخ علاوي

[dr.hashash]

لا ما اؤمن

[Manolyaa]

والله اني ما اؤمن بس اشو صاير عندي واهس اقره كل يومية تصدف مرات صح تطلع شغلات بس مثل ماكلت تصدف يعني ما مؤمنه بيها

[گــ الخواطر ــاتــب]

لا ماؤمن
شكرا علاوي

[مذهلة]

طبعا هذا الموضوع الجدلي القديم مااعتقد راح نوصل بي لنتيجة لان كلمن وقناعته
واحنا للاسف بصورة عامة مانستمع لرأي الاخر ونحاول نقتنع بي
بس لابأس واحد يطرح وجهة نظرة

طبعا بالنسبة الي اني اؤمن بالصفات العامة للابراج والطوالع لان هاي مرتبطة بالكواكب والافلاك وهذا شي علمي
وايماني هذا جاي عن قناعة وتجربة
لان صفات برجي تنطبق علية بشكل حرفي
حتى الشكل هم
ومو بس اني معظم اللي اعرفهم واحلل صفاتهم .. من اعرف ابراجهم مااستغرب لان فعلا مطابقة
ابسط شي مديرتي برجها الميزان والميزان هوائي وهية من طبعها ماتثبت على شي وتتنقل من شغلة لاخرى بدون ماتكملهن بحيث شالعة قلبي :113:

اما بالنسبة الي فحتى التلائم مع الابراج الاخرى فكلش ينطبق عندي
يعني اكثر من علاقة صداقة نجحت لان اكو تطابق بالابراج مثلا العذراء والجدي
اما اكو ناس من البداية ماارتاحلهم واكتشف ابراجهم متنافرة وية برجي

وبالنسبة للتوقعات العامة فأيضا ناجحة وياية
وابسط شي برجي جان يكول اكو .... شهر التاسع وفعلا صار هالشي :boulay:
وحتى من الناحية المالية هم انطبق عليه
ولاتكولون صدفة لان ماكو هيج صدفة
طبعا هوة اكيد مو كل برج ينطبق 100% لان اكو برج واكو طالع واكو اشخاص الهم برجين لان جايين بنهاية برج وبداية برج لذلك يجمعون صفات البرجين واكو اشياء لخ هواية مو كلها اعرفها لان بصراحة مامتعمقة كلش

اما بالنسبة للابراج اليومية فهاي اكيد كلاوات لان اكو ناس عاديين يكتبوها ..يعني محرري المجلات والصحف وغيرهم
وهذا كلة لغرض جذب القراء وملء الفراغات

اكيد طولت ولغيت هواية
بس حبيت اكول رايي
شكرا لاستماعكم

[Goldy]

بالنسبة ألي فبرج الحمل دائما يسولف عني !

بي جوانب تخصني .. فأتابعه بين وقت لوقت من باب التسلية و من باب انو اشوفة دائماً يرهملي

[zozo92]

:f_cookingm_159be6c:اني اؤمن بالابراج لان هذا علم و واقعه و اكو كتب جدا صحيحه عن الابراج و الصفات الابراج معضمها صحيحه بس الي خله الناس تعتقد انو الابراج كلاوات و جذب هي المجلات و الصحف الي تكتب من كيفها بدون عالم فلك الابراج حقيقه و موجوده

[angel87]

شكرا لارائكم وطبعا الابراج علم فلك ومو كلاوات
وصح الابراج اليوميه اي واحد كام يجي يكتبها
شكرا لارائكم
منورين

[THE GAME™]

اي طبعا
ائمن بيهه

[فادي العراقي]

ما اومن بالابراج
كلها جذب وهمبلة وهمبكة
هاي تلكه واحد ماعنده فلوس يشتري جكاير يروح يقرة برجه يكول بلكت الله فد لوتو فد يا نصيب
لا الابراج ولا الفنجان هع

[**كريستال**]

اني بصراحة كلش اصدك بالابراج واتابعها بس صارتلي سالفة اليوين الفاتو والي جان المفروض انه كلش حلوات وجانو اسؤا يومين بحياتي
فهسة نص ونص.......بطلت اصدكها كلها
ويسلمووو علاوي

[Juliet]

شكـــرا جزيـــلا عالموضـــوع الحـــلو وبالنــسبة الـــي انـــي مـــو كــلش اؤمـــن بيـها يعــني نـــص ونـــص واغـــلب المـــرات هـــيج اتـــونس عليـــها

[كت كات2]

والله ياعلاوي اني اطلع على الابراج للتسليه فقط يعني ما اصدك بيهن
:z049:

[ترف الأيام]

أنا أؤمن بالأبراج نص ونص لكن أحب قراءتها و التوقعات الي ايكتبوها وبين فترة وفترة أقرأها لكن أحيانا ما تضبط وأحيانا تضبط

[فتاة القوس]

انا اؤمن بلأبراج من ناحية الشخصيه وتواقعات توافق بين الابراج الانه بلنسبه الي صحيحه وانا في حياتي اصادف ناس ما اتفق معاهم ولا يوجد اي اشياء مشتركه وتنافر ولمااعرف شنو برجهم اعرف اعذرهم الان مايتوافقون مع برجي"

[عراقي للكصة]

اني عندي خبرة بالابراج حوالي 12 سنة
و بصراحة اني مو فلكي
لكن محلل شخصيات عن طريق تاريخ الميلاد
و ساعة الولادة
Numerologist
و اللي اتضح من دراستي اكو تأثير حقيقي
للابراج على الكائن البشري
و الارقام و تأثيرها
و اني حاضر بالخدمـــة
بس علاوي صاير فلكي
هههههههههههههههه
عفيـــــــــــــــــــــــــــــــــة
مع حبي الك

اخوك
عراقي للكصة

[قبوسة]

يا علاوي يا ابو البلاوي
السلام عليكم
عالم الابراج متعلق بعلم الفلك وبما انه علم واني علمية مو ادبية
فاني اؤمن بعلم الفلك ومنه بعالم الابراج..................بالاستعاضة
والبرهان:
ان شخصيتي متوافقة وية برجي تماما فانا برج الاسد
ودائما اقرا برجي واتفائل بيومي اذا جان برجي خير والعكس صحيح يا علاوي
وتحياتي الك ... ولعراقي للكصة

[ssnlqb]

ولله باوع حبيبي اني هم من الناس الي ميؤمنون بالابراج
بس اشو اني كل ما اقرة برجي يطلعلي صحيح مية بالمية
مو مال مرة وحدة
حتى خلاني يومية اشوف برجي
و توقعات ماغي فرح كلهة صحيحة 100% و راح اشوف الاحداث المقبلة هم صحيح
بس وية كل هذا اني ما اؤمن بالابراج

[meme.92]

والللللة اني ائمن بالبراج احسة تصير وياية اني ,,,,,,,,,,,,,,,,,,,, اني برجي حوت

[Bullet:Proof]

اني بصراحه عدي واهس بالابراج
يعني لازم اشوف يومي والتوافق
وهاي الشغلات
والابراج هوه علم مو دجل وشعوذه
واني أأمن بي نص ونص لان كلش
هوايه من الي اقراهه فعلا ينطبق عليه
وشكرا علاوي على هذا الموضوع

[جولين]

نعم احيا كثيرة يتظبط

[كشمشه]

اريدك علاوي تقرالي برجي حت اشوف

[::a7mD Music::]

اني أأمن بالابراج لان القمر أيأثر على البحر والمد والجزر الكل يعرفها

فأكيد يأثر على الانسان

اني أأمن بالابراج من ناحية صفات عامه مو الحظ اليومي

هسه انت لو تلاحظ مثلا جيب ثنين من برج الدي راح تلكه بيهم ثنينهم نفس الصفات بس كل واحد يترجمها حسب طبيعته


تحياتي الك علاوي وشكرا على الموضوع الراع

[كشمشه]

هلاو علاوي شلونك اني مااؤمن بلابراج لان كله كذب اكثر من مره صارت ويايه

[menal]

والله اني اؤمن بالابراج وكلششششششش احبهن

[Firass1994]

امممممممممممممممممممممممممممم
يعني وتم التصويت عن
نص و نص

[زهرة العلى]

مشكور على الموضمع اني شخصيا لا اؤمن بالابراج عن تجربه حقبقبه وواقعيه يكولون المنجمين واني اسميهم منجمين حقيقتا انو السرطان والقوس ميلتقون ابدا زين شلون خالي برج القوس متزوج امراه برجها السرطان ومتوافقين كلش كلش ها اريدك تجاوبني

[(¯`•.وًٍاحٍـًـٍـًدٍ مًـٍـنً ًاٍلًـٍنًـٍاًسٍ.•`¯)]

شـكــ،ـ،ـرا عيـ،ـوني وعــ،ـأشـتـ،ـ الايـــ،ـاديـ،
تحيـ،،ـ،ـ،ـاتــي

[فراشة القوش]

شكرا الموضوع حلووو كلش بس اني مااؤمن بالابراج بس بيها اشياء صحيحة كصفات الشخص والايجابيات والسلبيات بس الاحداث مو دائما تصير

[marine8070]

انا بالنسبه اللي اومن لانه علم فلكي

[™♣Mais♣]

هلووووووووو
اني ما اؤمن بالابراج بس بصراحة اصدك بالصفات مال كل برج
يعني مثلا برج الاسد هيج صفاته فلان شي وفلان شي اعتقد صحيحة
بس كتوقعات ما اؤمن بيهه واقراهه بس للاستمتاع لااكثر ولا اقل

[Little star]

مممممم
بصراحة ماً بأمن فيهم
لانه بسمع انهم حرام و بس
بس أحياًناً للتسلية بس بحب اشوف ابراج الناس و شخصيتهم

شُكراً علوش عالموضوع :)

[|| ..آإجـمـل آإنـωـاטּ..||]

والله يا علاوي يا ابو البلاوي
اني ما اومن بالابراااج
ابد لانه ما فد يوم قريت البرج مالتي وتوقعات وصار شي
بالعكس مكلوبي
تحياتي حبي ..