سوالف عاشق للسياسة

[رجل يعشق النساء]

السلام عليكم جميعاً

اخوكم اني عراقي محترك بنار القهر والضيم اللي حاركه كل العراقيين

طبعاً السياسة هي عشقي الثاني بعد اسمي اعلاه

المهم اني جاي اسولف بجم شغلة وترة هي تعبر عن رأيي الخاص بيه اني وبس ومهما كتبتو ردود او صار عركات ترة مراح تغيير شيء وأتمنى كل واحد يطب ويحب يكتب رد ان يفكر انه برده هذا هو ديمثل العراق كدام أي واحد مو عراقي يطب للمنتدى ويتفرج

اللي اريد اكتبه هي شوية أمور


1-همرات الحكومة تأجر بالساعة لخطف المواطنين

2- قبل حوالي سنة تقريباً سمعت خبر عجبني وهو انه الحكومة الصينية استقالت كلها بسبب مقتل 15 عامل بأنفجار في منجم وحكومتنا تسوي الاوضاع سويسر شو يومية المئات تموت واخر شيء واحد يكول حكومتنا اقوى حكومات المنطقة

3-بلد النفط احنا وهسة صايرين نشتري النفط بألاستكان

4- ايد احجي على اعدام صدام حسين تدرون شغلة رب العالمين صدك جان اله حكمة بموتت هالرجال قبل فترة لأن لو جان الرجال مات ويا ولده جان اني اول واحد كلت خلصنا من عنده
بس صدك ربنا اله حكمه بقاه لهالوكت بعد ما شفنا الويل حتى اكثر الناس تترحم عليه واني اول من بجا

5- السفارة العراقية في لبنان لو اي مواطن عراقي راحلها بشغلة يكولك والله مبيدنا شيء مو زين متحملينا هنا وتلكاهم اول الناس بحفلات ستار اكاديمي


ادري سوالفي معجبتكم بس خلي تحملوني بعدني مستر مجاي للدنيا







اخوكم حسين

[AouS]

السلام عليكم جميعاً
1-همرات الحكومة تأجر بالساعة لخطف المواطنين

2- قبل حوالي سنة تقريباً سمعت خبر عجبني وهو انه الحكومة الصينية استقالت كلها بسبب مقتل 15 عامل بأنفجار في منجم وحكومتنا تسوي الاوضاع سويسر شو يومية المئات تموت واخر شيء واحد يكول حكومتنا اقوى حكومات المنطقة

3-بلد النفط احنا وهسة صايرين نشتري النفط بألاستكان

4- ايد احجي على اعدام صدام حسين تدرون شغلة رب العالمين صدك جان اله حكمة بموتت هالرجال قبل فترة لأن لو جان الرجال مات ويا ولده جان اني اول واحد كلت خلصنا من عنده
بس صدك ربنا اله حكمه بقاه لهالوكت بعد ما شفنا الويل حتى اكثر الناس تترحم عليه واني اول من بجا

5- السفارة العراقية في لبنان لو اي مواطن عراقي راحلها بشغلة يكولك والله مبيدنا شيء مو زين متحملينا هنا وتلكاهم اول الناس بحفلات ستار اكاديمي

1) اني هم سمعت بهاي السالفة بس شنسوي كلة من ورة اصحاب العقول المريضة
2)اي يعني همة جماعتنة ديذابحون على المناصب منو اتريدة يستقيل اذا ديستقيل فيستقيل من الدنية وكبل على ربك
3) اي اذا ديتهرب الى غير دول وديبوكو شنسويلهم
4) مليت من الحجي بهذا الموضوع
5) هسة يالبنان ليش رايح بعدين اب عمان بالملحقية الثقافية مال سفارة العراقية واحد من الربع كاعد ادخن اب رمضان ولمن تحجي ويا اتكول دينطيك بيت مو ديوقع ورقة
وداعتك العراقي يبقة عراقي لو اروح للمريخ

[بنت الغربية]

لا والله هي هاي السوالف الي تعجب
فعلا اصلا جريمة نسميهم حكومة
هذول بس مخبوصين للسرقه والفتن والقتل وهاهية
والشعب يموت يعيش محد يهمه

تسلم الايادي حسون على هالدرر والله عاشت ايدك

[المهيب الركن الحشاش]

الله كريم

[HaReTh Al WaSiTy]

مشكور اخويه على الموضوع وشكرا على رأيك الرائع مشكور اخويه

[المستبدة]

شي اكيد الحكومة الهة يد بالموضوع لكن احنة دولة محتلة اولا وثانياالارهاب مو بس من الحكومة وانما اكو مخابرات اسرائيلية وهاي ثانيا واكو من اخوانا العرب ايضا ممقصرين مادين الواجب وزيادة وهاي ثالثا وهم اكو بعض وااكد على بعض الناس هم خونة ويساهمون بهذا واكيد هذا راي وحدة فقط واختلاف الراي ميفسد الود انشاالله

[MatrixShadow_AliraQi]

الله كريم أحنة شنكدر نكول
وشكو بيدنا نسوي متكولولي
يعني والله امبارحة راحلنة شهيد بتفجير المتنبي
والله راحو دوروا على جثتة بالمستشفيات
والله يكولون اقل شي اكو فد 200 جثة
هاية اقل شي
يعني مو مثل ميحجون بالتلفزيون 25 واحد
يعني شوفو حتى الميت ميحترموه
وكالو الجرحى بالمئات اني دا احجيلكم جيراننة وأصدقائنا هو الرجال استشهد ورحنة ندور عليه بالمستشفيات وهذا شي الشفناه وبدون مبالغة
ليش أكو أحد صرح
وخو الجثث اغلبها مشعولة محروكة حرك تاام يعني متتميز

بس أحنة شنكدر نكول وشنكدر نسوي
بس حسبي الله ونعم الوكيل والله يجازي اللي جان السبب

[ابن العوجه]

تسلم حبي على موضوعك القيم بس مراح نكبر الموضوع اخاف مثل البارحه صير عركه ؟؟؟؟؟؟؟؟؟؟؟؟؟؟؟؟؟؟؟؟؟