مشكلة بربط حاسبتين نيتورك

[iR@Qi_sTRiKE]

شباب اني عندي لابتوب وحاسبة ديسكتوب عادية
اريد اربطهة نيتورك جبت واير يو تي بي ووديتة لابو النت وفيشليا كروس
اشتريت لان وربطتة بالحاسبة الجبيرة وعرفت اللان وهاي السوالف كلهة بس من ربطت
مو اكو يطلع بالتاسك بار هيج حاسبتين صغار ذني بالحاسبة الجبيرة مشتغلن بس باللاب توب اشتغلن وكامن يبحثن بعدين صار يمهن مثلث اصفر رجعت بدلت الفيش ربطت مال اللاب توب بالحاسبة الجبيرة ومال الحاسبة الجبيرة باللاب توب ونفس الشي
وبدلت اللان مال الحاسبة الجبيرة وهم نفس الشي فة شنو السالفة

[مصطفى الوائلي]

اخي الغالي اذ ا انته تقصد عندك حاسبه واير لس وتريد تاخذ منها خط عن طريق لان كارت لحاسبة ثانية اول شي ركب الكيبل روح علة االكونكشن يعني الشاشتين الي بشريط المهام واظغط دبل كلك وروح على البروبرتيز وبعدين اكو اختيار فوك اسمه ادفانس دوس علي
اكو مربعين لي جوة اول واحد خلي بي صح فعله يعني هوة مكتو ب كدامه الاو اذر نتورك يوزرزو الباقي المهم خلي بي الصح وهسة روح للحاسبه الي تريد تطيها نت سوي دسيبل وانيبل لكونكشن مال الان كارت وانشاء الله تشتغل

[عبود البغدادي]

أخي العزيز السلام عليكم،

المثلث الأصفـر الــذي يظهر يعني عـدم تمكن كارت الشبكة من الحصول على عنوان (آي بي) (IP Adress) ، وذلك بسبب ان اعدادات كارت الشبكة موضوعة على اختيار (Optain IP Adress Automatically) وفي هذه الحالة يجب توفر مايسمى (DHCP server) على الشبكة بين الحاسبات لكي تعطي الآيبيات للحاسبات وهذه السيرفر موجودة في الراوترات أي ان الراوتر يمكن أن يعطي آيبيات للحاسبات المربوطة على خطوط الللان الخاصة به، وكذلك فانه يمكن تفعيل الـ (DHCP server) الموجودة في الوندو نفسه وهي عملية يمكن أن تتم اذا كان لديك واير ليس لان (كما في الرد الأول)
اما اذا كنت تريد ربط الحاسبتين بدون DHCP server فما عليك سوى تغيير اعدادات كارت الشبكة وتعطي آيبيات ثابتة لكل حاسبة Static IP's ويتم ذلك كما يلي
Start -> control panel -> Network connection -> (right cick) local area connection -> properties -> (scroll down to) Internet protocol (TCP/IP) -> properties
وتغير الاختيار من Optain IP Adress automatically الى use the following IP وتعطي الارقام التالية:
IP : 192.168.0.2
Subnet mask : 255.255.255.0
Default gateway : 192.168.0.1
وتكرر العملية للحاسبة الثانية ولكن تعطيها IP مختلف
IP : 192.168.0.3
Subnet mask : 255.255.255.0
Default gateway : 192.168.0.1

وانشاء تربط