حبايبي بس لا تعبتكم الصديق وقت الضيق

[faisel21]

شباب بس لا اكون عاله عليكم لان اسئلتي صايره هواي لان بعدي كلشي ما افتهم بالماكس

شباب انا من اسوي فد تصميم (ليس مقطع فديو ) يعني مثلا صممت غرفه جلوس انا خلصته بحوالي ساعه اريد احفضه كصوره كلولي من رندر حفضته بس ما تنحفض بوضوح ونقاوه مثل الي انتو اتسوه وابسط مثال الاخ مخبف كول الشعار مالته نقي وكلش واضح وما اعرف اشلون احفض بهجي درجه نقاوه دائما اتصير مخوشه مو امخوشه كلش مو واضحه فارجو اخباري بطيرقه الحفض المثاليه بالوضوح والنقاوه
انا خال صوره بالمرفقات هاي انا صممته ولله بالموت يلا سويته وشوفوا الوضوح والنقاوه : شباب حالو اتدققون النظر بيه راح اتشوفوه مو واضحه ولا بيه نقاوه

[U L Q U I O R R A]

لا حبي ابد ماكو ازعاج
ان شاء الله تطور اكثر و اكثر
شوف حبي اول شي حتى تطلع الصورة واضحة لازم يكون الرزليوشن جبير
يعني انت دوس اف عشرة
راح تطلعلك الصفحة مال رندر
تنزل شوية ليجوة راح تلكة مربعات مكتوب بيهة ابعاد
اكو 800*600 خوش رزليوشن زين
بس اذا تريد سويه اكبر بعد كلما تكبرة يزيد الوضوح و الحجم همينة
و الرندر يطول اكثر
ان شاء الله تكون المعلومات فادتك

[faisel21]

مشكور اخ nightwish وللخ انته نعمه الصديق بس اعتقد انه امفكر اسوي دوره فوتوشوب توازي دره الثري دي ماكس بس اريد اشوف الدراسه اشلون فاريد اشوف ارائكم بالموضوع

[U L Q U I O R R A]

تدلل حبي
اتصور اكو دورة للفوتوشوب جان مسويهة ابو شهاب art rage هعهع ما ادري غيروا اسمة لو بعد
بالمنتدى مال دروس التصميم

[dr_cool]

فيصل شغلك حلو وعاشت ايدك
بس للتنويه اريد اكول اته توقيعي هو من انشاء الاخ المبدع مؤيد سعد
وهو لم يستعمل التصيير الافتراضي للوصول للواقعيه التي تشاهدها في التوقيع
بل انه استعمل مصير VRay
وهذا هو احد المصيرات الاحترافيه المعقده والذي يحتاج الى دراسة عميقه
تحياتي الك واعتقد الاخ نايت وش كفى ووفى بالرد